Nigeria:Abakristo barahangayitse kuko(...)

Kwamamaza

agakiza

Nigeria:Abakristo barahangayitse kuko bashobora kugabwaho ibitero kuri Noheri


Yanditswe na: Ubwanditsi     2020-12-24 07:40:34


Nigeria:Abakristo barahangayitse kuko bashobora kugabwaho ibitero kuri Noheri

Abakristo bo muri Nigeria babayeho mu bwoba bwo kugabwaho ibitero no kwicwa nk’uko bivugwa na Illia Jjadi umusesenguzi mukuru wa Open Doors (Umuryango urwanya ihohoterwa rikorerwa abakristo hirya no hino ku isi) Noheri ni igihe abakristo baba bahangayitse kuko imitwe ya kisilamu ibahohotera.

Hari impamvu zifatika zo guhangayika kwabo nyuma ya raporo imwe y’umuryango udaharanira inyungu ivuga ko nibura abakristo 2,200 bishwe mu mwaka wa 2020 bishwe n’umutwe witwa Fulani n’undi mutwe w’iterabwoba witwa Boko Haram.

Ikindi kigaragaza ko Nigeria idafite umutekano, abahungu barenga 330 barafashwe mu cyumweru gishize bavanywe mu ishur ryabo riherereye muri Leta ya Katsina.
Djadi yavuze ko ijana muri bo bararekuwe mu minsi mike ishize ariko ko bikiri ikibazo gikomeye nko kuba abakobwa b’abakristo 276 bashimuswe n’umutwe wa Chibok babasnze mu ishuri ryabo muri 2014 n’abandi basaga 110 barashimuswe muri Dapchi muri 2018.

Djadi, umusesenguzi mukuru wa Open Doors ku bijyanye n’ubwisanzure bw’amadini mu majyaruguru y’ubutayu bwa Sahara muri Afurika, yavuze ko kubura umutekano ari inzitizi ikomeye cyane Nigeria ihura na yo uyu munsi.
Djadi yagize ati“Abaturage nta mutekano bafite muri Nigeria. Iyo uri kugenda uba ufite ibyago byo kubura ubuzima”.

Yakomeje agira ati “Abantu muri Nigeria bagenda bafite ubwoba ko bashobora kwicwa cyangwa kugabwaho ibitero. Bajya ku rusengero bafite ubwoba ko bashobora kwicwa cyangw bakagabwaho ibitero”.

Nigeria y’amajyaruguru ashira ubursirazuba yibasiwe n’umutwe w’iterabwoba wa kisilamu witwa Boko Haram n’undi w’abashumba witwa Fulani. Iyi mitwe yombi yahereye kera ibangamira imiryango y’abakristo.

Djadi arabisobanura ati “Kugeza ubu ihohoterwa rimaze kugera mu majyaruguru. Igihe Perezida Muhammadu Buhari yatorwaga mu 2015, yizeje abaturage guhagarika ihohotera rikorwa n’imitwe y’iterabwoba ya kislamu ariko yaratsinzwe, kugeza ubu nta cyizere gitangwa na politike ishingiye ku buyobozi mu kurangiza iki kibazo”.

Ariko kandi Djadi yizear ko abantu bamwe, baba abo muri Guverinoma cyangwa igisirikare bungukira mu gikorwa cyo kurenganya abakristo muri Nigeria bityo bakaba badashaka kubihagarika. Kubura umutekano bikozwe na Islam byahindutse ubucuruzi.

Impamvu asobanura ni uko mugihe igisirikare gishimuse abantu, yaba abana cyangwa abandi bantu, babasaba ikiguzi cy’amafaranga kugira ngo babarekure. N’ubwo itereabwoba ryibasira abatuye Nigeria bose, abakristo nibo baza ku mwanya wa mbere.

Hari ibintu bifatika Abakristo bo mu Bwongereza bashobora gukora, nko kotsa igitutu Guverinoma igashyiriraho ibihano abanze guhagarika ibikorwa by’urugomo.
Djadi arimo gusaba abakrsito gusengera amatorero yose yo muri Nigeria no guha amacumbi ibihumbi by’abantu bakuwe mu byabo, bamwe muri bo baba mu nsengero.

“Turashaka umutekano w’abatuye Nigeria kandi turashaka ko Nigeria iba igihugu gituje aho abantu bagenda uko bashaka bisanzuye, abana bakajya ku ishuri nta bwoba bwo gushimutwa no kwicwa”.

Source: Christian today.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?