Jya wimenyereza kwiyiriza ubusa

Kwamamaza

agakiza

Jya wimenyereza kwiyiriza ubusa


Yanditswe na: Ubwanditsi     2021-10-01 06:46:00


Jya wimenyereza kwiyiriza ubusa

Ni uko bamaze kubatoraniriza abakuru mu matorero yose, basenga biyiriza ubusa, babaragiza Umwami Yesu uwo bizeye (Ibyak 14:23)

Imwe muri gahunda ugomba kwitoza, ni ukugira ibihe byo gusenga no kwiyiriza ubusa. Iyo mvuze kwiyiriza ubusa, birenze gusa gusiba kurya; bigomba kugendana no gusenga.

Iyo usenze ukiyiriza ubusa, uba utoza umwuka wawe kumva. Uretse ibyo abantu benshi bibwira, gusenga no kwiyiriza ubusa ntabawo ari uburyo bwo kwemeza Imana gukora ikintu runaka; ahubwo ni umwitozo wo mu mwuka ukugirira umumaro wowe ubwawe.

Hari umuntu wigeze kumbaza ati ‘Ukora iki iyo ushaka kwiyiriza hanyuma ugasonza?’ Aho ni ho igitekerezo kiri! Ugomba gusonza maze ukanga kurya! Bigufasha guha ikinyabupfura na gahunda umubiri wawe, maze bigatera umwuka wawe kuyobora. Mu bihe nk’ibyo, biba bikoroheye kwakira ibyo Imana ishaka kukubwira.

None, ni gute wiyiriza? Mbere na mbere, fata umunsi udafiteho imirimo myinshi cyangwa abashyitsi biguhuza. Hariho abantu bashaka ibintu byinshi bahugiramo kugira ngo batumva inzara kugeza isaha yo gufunguriraho! Ntugakore gutyo.

Icara hasi imbere y’Imana, fata Bibiliya yawe, ibitabo by’Imana n’amakasete byo kumva. Bika ibinyamakuru n’ibindi bitabo. Zimya telephone yawe na televiziyo. Fata igihe cyo kuvuga mu ndimi no gusenga. Mubyukuri niba hari umusaruro ukeneye ushobora kuzanwa gusa n’amavuta y’Imana, ugomba kujya wiherera rimwe na rimwe muri ubu buryo.

Isengesho

Data mwiza, ndagushimiye kubwo kunyigisha uyu munsi ku mumaro wo gusenga no kwiyiriza. Mfasha kwitoza iyi gahunda kuko nzi ko nzasarura mo byinshi mu mwuka. Urakoze mu izina rya Yesu. Amen!

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?