Ni ibiki biranga umugore w’umunyabwenge?

Kwamamaza

agakiza

Ni ibiki biranga umugore w’umunyabwenge?


Yanditswe na: Ubwanditsi     2020-09-30 04:38:44


Ni ibiki biranga umugore w’umunyabwenge?

Tekereza wowe ubwawe umugore w’umunyabwenge waba uzi. Ni iki utekereza ko kimutera kugira ubwenge? Birashoboka ko afite ubumenyi, kwakira abashyitsi, gufasha, gukunda, kurera, kwigenzura, kugwa neza, kunyurwa, gucunga amafaranga neza, gutanga , umwigisha, umujyanama, inshuti yizerwa, gukunda Imana, n’ibindi.

Ni iki Bibiliya ivuga gituma umugore aba umunyabwenge?

Bibiliya ishyira hejuru abagore b’abanyabwenge kandi igaragaza abagore bakomeye, bashoboye kandi bafite ubwenge! Dore bamwe mu bagore b’intwari bavugwa muri Bibiliya:

Jochebed nyina wa Mose, yashize amanga akiza umuhungu we w’uruhinja ariwe Mose, kandi yemerera umukobwa wa Farawo kumurera aribyo byatumye Mose akura ubwoko bwa Isiraheli mu buretwa bwo muri Egiputa.

Esiteri Umwamikazi yashyize ubuzima bwe mu kaga yiyemeza gukiza ubwoko bwe bw’Abayuda kandi intego yo kubakiza yayigezeho (Esiteri 4:16).

Rusi, mu gihe cye cy’akababaro, yakomeje kuba umwizerwa kuri nyirabukwe, amunambaho kandi yemera umucunguzi kugira ngo akize umuryango.

Rahabu yashyize ubuzima bwe mu kaga ahisha abatasi babiri ba Isiraheli mu rugo rwe, ariko byamuviriyemo umugisha ukomeye arokora umuryango we wose.

Debora yari umugore wubaha Imana kandi yari umwe mu bacamanza bakomeye kandi b’intwari mu bwoko bwa Isiraheli.

Abigayili yarokoye ubuzima bwa benshi nyuma y’uko umugabo we w’ikigoryi, Nabali anze kumvira Umwami Dawidi maze akagambirira kubarimbura bose.

Abagore b’abanyabwenge barashimwa mu Byanditswe kandi baracyafite byinshi byo kwigisha abo mu gihe cya none. Dore ibintu biranga umugore w’umunyabwenge:

1.Umugore w’umunyabwenge ni uwubaha Imana

Mu gitabo cy’Imigani 31:10-12 hasobanura umugore w’umunyabwenge uwo ariwe n’ibimuranga byose.

Umugore w’umunyabwenge nk’uko avugwaho cyanye mu gitabo cy’Imigani 3, mbere na mbere ni umugore utinya Umukiza (Imigani 31:30)

Akunda kandi asenga Imana, ashyira imbere umubano we na Yo kuruta abandi bose. Afite ingeso nziza n’imico myiza "bifite agaciro karenze amabuye yitwa marijani" (umurongo wa 10). Ni umwizerwa (umurongo wa 11). Abantu bamuzi neza baramwizera byimazeyo. Yuzuye ibyiza kandi ntagirira nabi abandi (umurongo wa 12). Ubwiza bwe bw’imbere burenze kure ubwiza bwe bwo hanze kuko agaragaza ubwiza bw’Imana.

2. Umugore w’umunyabwenge ni udapfusha ubusa igihe cye, umutungo, ubushobozi n’ubuzima bwe

Uyu mugore ashaka bwoya bw’intama n’imigwegwe, anezezwa no gukoresha amaboko ye ashishikaye, ameze nk’inkuge z’abagenza, azana ibyo kurya bye abikura kure, abyuka kare butaracya, akagaburira abo mu rugo, agategeka abaja be imirimo ibakwiriye.

Yitegereza umurima akawugura awutezamo urutoki mu by’inyungu ivuye mu maboko ye. Akenyerana imbaraga agakomeza amaboko ye, abona ko ibyo akora bimufitiye akamaro, kandi nijoro itabaza rye ntirizima.

Aramburira abakene ibiganza kandi indushyi azitiza amaboko. Umugabo we amenyekana mu marembo y’umudugudu, yicaranye n’abakuru b’igihugu. Abumbuza akanwa ke ubwenge, kandi itegeko ry’ururimi rwe riva mu rukundo.

3. Umugore w’umunyabwenge ni ukwiye gushimwa

Abana be barahaguruka bakamwita Munyamugisha, n’umugabo we nawe aramushima ati:"Abagore benshi bagenza neza, ariko weho urabarusha bose". Ubutoni burashukana kandi uburanga bwiza ni ubusa, ariko umugore wubaha uwiteka niwe uzashimwa. Mumuhe ku mbuto ziva mu maboko ye, kandi imirimo ye nibayimushimire mu marembo (Imigani 31: 28-31).

Umugore w’ubwenge ntakeneye umugabo cyangwa abana kugirango bashimwe. Azashimwa kandi yubahwe kubera imico myiza n’ibikorwa bye. Abafite amahirwe yo kumumenya, bazashaka kwigana imibereho ye no gutinya Imana. Nta kintu na kimwe yahawe n’Imana kizaba impfabusa.

Ibi byavuzwe haruguru byerekana umugore w’umunyabwenge bigomba kumvikana nk’ibiranga imico ye , kandi ntibisobanuye ko aribyo ugomba gushyira mu bikorwa gusa icy’inganzi ni ukunoza umubano wawe n’Imana ndetse ukagira imico myiza, nibyo bifite akamaro kuruta byose.

4. Umugore w’umunyabwenge atoza abagore bakiri bato

Niba wifuza kuba umugore w’umunyabwenge, ukwiye kujya usengera abakobwa cyangwa abagore bakiri bato mu buzima bwawe.

Byongeye kandi, abagore b’abanyabwenge bazagira inama abandi bagore. Mubyukuri abanyabwenge, ubwenge bwabo bugomba gusaranganywa! Gutoza ntabwo bisaba igihe kirenze, ahubwo bikubiyemo gutumira abandi mu buzima bwawe bwa buri munsi, kubemerera kureba no kwiga bigatuma bakura.

Ariko niba hari umuntu muri mwe ubuze ubwenge, abusabe Imana iha abantu bose itimana, itishama, itishama kandi azabuhabwa (Yakobo 1: 5).

Muri macye birakwiriye kuba umunyabwenge kandi Bibiliya itugiriye inama ko mugihe twumva tubuze ubwenge twasenga Imana ikabuduha bityo tukabaho mu buzima bunezeza Imana umuremyi wa byose.

Source: crosswalk.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?