“Najyaga mbahamagara mu mazina yabo. Ariko ubu(...)

Kwamamaza

agakiza

“Najyaga mbahamagara mu mazina yabo. Ariko ubu nsigaye mbahamagara Data na Mama.” Ubuhamya bwa Manzi wongeye kubona umuryango nyuma yo gutabwa na Nyina


Yanditswe na: Ubwanditsi     2021-09-28 07:32:22


“Najyaga mbahamagara mu mazina yabo. Ariko ubu nsigaye mbahamagara Data na Mama.” Ubuhamya bwa Manzi wongeye kubona umuryango nyuma yo gutabwa na Nyina

Nyuma yo gutabwa na nyina, Manzi yahawe umuryango mushya, igihe UNICEF yafashaga abasosiyari b’uRwanda bakamuhuza n’ababyeyi bamurera kandi bamukunda.

NGOMA, mu Rwanda – Manzi yatawe na nyina nyuma y’iminsi ibiri ye y’amavuko. Nta muntu wigeze amenya umuryango we akomokamo. Nta yandi mahitamo abakozi b’ibitaro bari bafite uretse kumuha ikigo k’imfubyi aho yakuriye n’abandi bana b’abahungu bagera kuri 33.

Manzi ufite imyaka 10 ati“Twari dufite aba mama babiri bari bashinzwe kutwitaho uko twari 33.” “Batugaragarije urukundo kandi badukoreye ibyo bari bashoboye, ariko bari bake kandi twe turi benshi.”

Abasosiyari bagerageje gushakira Manzi umuryango inshuro nyinshi ariko ntibyakunda.

Birasa nk’aho yari ategereje umuryango wihariye wujuje ibisabwa atashakaga gutezukaho. Ariko hari ikintu kimwe twari tuzi: Manzi yifuzaga bikomeye umuryango umukunda kandi umwitaho. Yashimishwaga n’abana biganaga iyo yababonaga baje gusenga bari kumwe n’ababyeyi babo, hanyuma amateraniro yarangira bagatahana mu rugo n’ababyeyi babo. Uko abana benshi bakomeje kubona imiryango ibarera, byamuteye kwifuza cyane kubaho mu buzima bwo mu muryango.

Uretse gahunda ya Leta Tubarerere mu Muryango (TMM), yashyizwe mu bikorwa ku nkunga ya UNICEF n’abandi bafatanyabikorwa, abasosiyare bagerageje gushakira Manzi umuryango. Iyi gahunda yitwa Tubarerere mu Muryango yabashije kuvana abana benshi mu bigo barererwagamo ibashyira mu miryango.

Cyriaque aragira ati: “Ndibuka neza ko twari dufite imiryango myinshi yashakaga kwakira Manzi iwabo mu muryango. Rimwe twamutwaye gusura imwe muri iyi miryango, ariko nta n’umwe yashakaga kujyamo.”

Manzi yakunze mu buryo bw’ibanga umuryango w’abana babiri b’inshuti magara. Yabonye uburyo ababyeyi babo bana b’inshuti ze bamwishimiraga igihe cyose yabasuraga. Tumaze kubona ubucti buri hagati ya Manzi n’ababyeyi b’inshuti ze, abasosoyari ba TMM begereye uwo muryango babaganiriza icyifuzo cy’uko bakwakira Manzi mu muryango iwabo.

Ku ikubitiro, uwo muryango ntabwo wahise ubyemera ahanini bashingiye ku kuba badafite uwabafasha kongera umubare w’abana bitaho, ariko bakundaga Manzi nk’umwana wabo, kandi bahise bemera kumwakira. Nyuma yo gusura uwo muryango mu rwego rwo kumenyerana n’abakozi ba TMM, Manzi yashyikirijwe uwo muryango umurera ku mugaragaro mu mwaka wa 2017.

Incuti ze zahindutse abavandimwe be, kandi buri wese yamwitaga “Imfura” mu muryango.

Babifashijwemo na UNICEF, abanyamwuga ba TMM bakomeza gusura Manzi mu muryango mushya n’abandi bana bashyizwe mu miryango, kugira ngo bamenye neza ko bari kumenyera neza.

Yuje ishema Manzi aragira ati: “Nshimishijwe ko ababyeyi b’incuti zanjye bahindutse abanjye. Barankunda cyane kandi biranshimishije. Nabanje kuzajya mbahamagara mu mazina yabo ariko ubu mbahamagara Mama na Data. Ndabakunda nanjye.”

Izina rya Manzi ryarahinduwe mu rwego rwo kumurinda.

Gahunda ya Tubarerere mu Muryango yabashije gushyirwa mu bikorwa kubera inkunga ya (USAID/DCOF), ishyirwa mu bikorwa na Leta y’u Rwanda ku bufasha bwa UNICEF n’imiryango ya sosiyete sivile.

Source: www.unicef.org/rwanda/rw

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?