Mfasha dusengere aba Thai bo muri Thailand

Mu rwego rwo kwifatanya n’abantu benshi batuye mu bihugu bitandukanye ku isi mu gusengera amoko ataragerwaho n’ubutumwa bwiza,uyu munsi tugiye gusengera aba ba Thai bo muri Thailand.

Igihugu cya Pakisatan gifite abaturage 20.558.000 ururimi ruhurirwaho na benshi rwitwa Thai, ibijyanye n’iyobokamana, Buddhism niyo ifite abayoboke benshi ku kigero cya 99.20%.

Amateka y’ubwoko bwitwa Thai
Mu binyejana byo hambere, ubwoko bwitwa Thai bwabaga mu majyaruguru ya Yangtzekiang ho mu Bushinwa aho bakoraga imirimo ivunanye bayikorera abashinwa.

Mu mwaka w’1932 nibwo bigometse ku bushinwa banga gubakorera kuko bari bagambiriye guharanira ubwigenge kandi kubw’umuhati wabo babigezeho magingo aya bafite ubwigenge. Buddhism niryo yobokamana ry’abatuye mu gihugu cya Thailand.

Uko babayeho
Thai ni ubwoko burangwa no kubaha, ikinyabupfura no kwakira abashyitsi. Abana babo bigishwa kubaha ababaruta. Akenshi aba thai bakoresha ibihano bibabaza umubiri (physical punishment) kugirango babashe gutoza abana ikinyabupfura.

Mu bwoko bwa Thai bagira umuco wo kubahana hagati yabo aho usanga abato bubaha ababaruta. Si aho gusa bigarukira ahubwo no mu mirimo bakora ibyara inyungu usanga bubahana abahinzi bubaha abanyabukorikori, mu gihe abanyabukorikori bubaha abacuruzi naho abacuruzi bakubaha abayobozi ba Guverinoma.

Mu duce tw’icyaro abantu babeshwaho n’ubuhinzi kandi babikorera hamwe nk’umuryango. Abageni bakomeza kubana n’umuryango w’umusore kugeza bubatse inzu yabo.

Aba bantu baba mu nzu z’ibiti zitunganyije neza abo ni abantu bafite ubushobozi buhagije,mu gihe abadafite amikoro bo bubakisha imigano naho mu mugi ho haba hari inzu zubatse neza ndetse n’amazu y’ubucuruzi aba asa neza.

Ibyo bizera
Mu gihugu cya Thailand batangiye kuyoboka idini ya Buddhism mu mwaka wa 329 mbere y’ivuka rya Yesu Kristo nibwo batangiye gukurikira Buddha bumvaga ko kumwizera byabafasha kugera ku buzima bwiza ndetse bakabona amahoro n’umugisha usesuye.

Mu muco wabo, abana batangira kwigishwa ibijyanye na Buddhism bamaze amezi atatu bavutse.

Ibyo bakenera
Igihugu cya Thailand gifite ibibazo by’ubuzima. Hepatite na malariya ni ikbazo gikomereye abantu bo mu duce tw’icyaro. Naho virusi itera SIDA ni icyorezo kiganje mu bice bitandukanye by’umugi.

Byongeye kandi uburaya ni ikibazo gihangayikishije. usanga indaya zituruka mu cyaro, mu miryango ikennye bagashyirwaho agahato ko gucuruza imibiri yabo kugira ngo bafashe imiryango yabo ibashe kubona ibiyitunga.

Ku bantu b’igitsina gore, kwiga no kubona akazi ntibabyemerewe ariho usanga abagore n’abana batagira imibereho myiza.

ibyo bakenera
Mu gihugu cya Thailand by’umwihariko mu bwoko bwitwa Thai bakeneye ubufasha no kubona Bibiliya , filime ya Yesu ibi byose bakabibona mu rurimi rwabo.

Ibyifuzo byo gusengera

Gusaba Imana ikazamura amatsinda y’abanyamasengesho, abaramyi ndetse n’ababwiriza butumwa bwa Yesu Kristo.
Gusaba Imana guha ubwenge abamenye Kristo kugirango babihagararemo neza.
Gusaba Imana igashyigikira amatorero yo mu duce hagati y’aba Tai.
Gusaba Imana gucisha bugufi imitima y’aba Thai kugirango babashe kwakira ubutumwa bwiza bwa Yesu Kristo.

Source: www.topchretien.com

Vestine agakiza.org