Menya uko wakwirinda Indwara y’imidido

Imidido (elephantiasis) ni indwara iterwa n’utuyoka duto cyane turuma umuntu tukamusigamo ibishorobwa bigatuma umubiri we ubyimba cyane. Mu rwego rwo kwirinda iyi ndwara, ni byiza kwambara inweto igihe cyose ku bantu baba mu bice birimo igitaka cy’inombe n’ibumba kuko zibuza umubiri guhura n’utuyoka.

Ese indwara y’imidido iterwa n’iki?

Indwara y’imidido akenshi iterwa n’utuyoka duto cyane tuboneka mu maraso hakoreshejwe mikroskopi. Muri utwo tuyoka dutera imidido, utuzwi cyane ni ’’Brugia timori, Brugia malayi na Wuchereria bancrofti’’. Ariko abarwaye indwara y’imidido hafi ya bose bakaba bayiterwa cyane na Wuchereria bancrofti.

Ibimenyetso by’indwara y’imidido.

Iyo umuntu agifatwa n’ubu burwayi ashobora kugira umuriro, kuribwa mu dusabo tw’intanga ku mugabo cyangwa kubyimba inturugunyu kubyimba amaguru, kubyimba imyanya myibarukiro y’inyuma cyangwa amabere, kwihagarika inkari zifite ibara ry’umweru kimwe no kubyimba urwagashya cyangwa umwijima bigaragara igihe uburwayi bumaze igihe kirekire.

Uku kubyimba rero guhurirana n’uburyaryate bukomeye bukanatuma umuntu ahita ahashimagura bityo amatembabuzi yaho nayo agahungabana ukazasanga umuntu yacitsi ibisebe ari nabyo biturukamo umunuko ukabije bikanatuma umurwayi ahabwa akato bitewe n’uwo munuko umuturukaho.

Uko indwara y’imidido yandura

Nyuma yo kurumwa n’umubu wamaze kororokeramo utwo tuyoka dutera indwara y’imidido usiga utwo tuyoka (ibishorobwa) mu ruhu, nyuma utwo tuyoka tugenda dukwira mu mubiri.

Utwo tuyoka kandi tugenda twimukira mu miyoboro y’amatembabuzi aho dukurira tukabyara n’utundi twinshi.
Uburozi bw’utwo tuyoka butera imiyoboro y’amatembabuzi kubyimba (reaction of the immune system) ari na byo bishobora gutuma amatembabuzi adatembera neza mu mubiri bigatuma amaguru cyangwa ibindi bice by’umubiri bibyimba ndetse n’uruhu rw’ibyo bice rugakomera cyane.

Kubyimba kw’ibyo bice bikaba bishobora guterwa n’ubwinshi bw’utwo tuyoka dushobora gutera iyo miyoboro kuziba.

Uko wakwirinda indwara y’imidido

Uburyo bw’ibanze inkweto nabyo ni bimwe mu bifasha kwirinda iyo ndwara cyane ku bantu batuye ahantu harimo igitaka cy’inombe,ibumba ritukura kandi gikize ku myunyu ngugu ya Potissium na Sodium kuko birinda uruhu guhura n’ubwo butaka.
Naho ku muntu wamaze kwandura indwara y’imidido ni byiza kujya kwa muganga kuko yi ndwara iyo imenyekanye hakiri kare iravurwa igakira.

Source: webmd.com
[email protected]