Menya amagambo akomeye yavuzwe na mutagatifu(...)

Kwamamaza

agakiza

Menya amagambo akomeye yavuzwe na mutagatifu Tereza w’i karikuta


Yanditswe na: Ubwanditsi     2021-06-22 02:38:30


Menya amagambo akomeye yavuzwe na mutagatifu Tereza w’i karikuta

Mary Teresa Bojaxhiu uzwi cyane mu idini gatorika nka mutagatifu Tereza cyangwa mama Tereza w`i Karikuta, yavukiye aho bita Anjezë gonxhe mu gihugu cya Albania ku italiki ya 26 /08/1910, mu mujyi witwaga Skopje, ubu ni umurwa mukuru w’igihugu cya Macedonia ya ruguru, ari naho yabatirijwe nyuma y’umunsi umwe avutse. Ni ukuvuga ku italiki ya 27/08/1910 aba ari nawo uhinduka umunsi we w`amavuko.

Tereza niwe wari umukobwa muto w’ababyeyi be, Nikolle na Dranafile Bojaxhiu (Bernai). Se umubyara akaba yari n’umunyepolitike mu gihugu cyabo, yitabye Imana mu mwaka w1919 Tereza afite imyaka 8 gusa.

Twifashishije inyandiko ya Joan Graff Clucas ivuga ku buzima bwa Tereza, avuga ko Tereza yari umwana ushimishijwe cyane n’inkuru z’ubuzima bw’abihaye Imana bo mu gace yari atuyemo, nuko mu myaka 12 gusa yiyemeza nawe kuziha Imana.

Mu mwaka w’i 1928, ku myaka 18 Tereza yasize umuryango we ajya kuba mu muryango w’abakobwa bihaye Imana witwaga "Sisters of loreto" mu gihugu cya Ireland aho yagombaga no kwigira icyongereza kugira ngo azabashe kwamamaza ivanjiri n`ibikorwa bya gikiristo ahantu henshi.

Tereza yaje kujya mu gihugu cy’ Ubuhinde mu mwaka w’i 1929 atangira igice cye cya mbere cy’inyigisho zo kwiha Imana (Noviciat/Novitiate) mu gace bita Darjeeling, hanyuma abona amasezerano ye ya mbere kuwa 24/05/1931.

Tereza yaje kugira andi masezerano ya kabili kuwa 14/05/1937 ndetse aza gutorerwa kuba umuyobozi mu mwaka w’i 1944. Yakomeje gukorera imirimo ye mu gace k’iburasirazuba bwa Karikuta (Calcutta), ari nako afasha abatishoboye bo muri ako gace.

Tereza yakomje kujya akora imirimo myinshi nkuko bivugwa mu nyandiko zitandukanye, hanyuma aza kwitaba Imana kuwa 5 Nzeri 1997 i Karikuta.

Ni ibihe bintu by’ingenzi twakwibukira kuri Tereza?

Nubwo Tereza yakoze ibintu byinshi cyane, yamenyekaniye cyane ku muryango w’abakobwa bihaye Imana witwa "Missionaires de charité" mu rurimi rw’igifaransa, bagombaga gukurikiza imyitwarire ndetse n`imikorere ye.

Uretse kandi ibikorwa bye yakoze, Tereza yasize avuze amagambo menshi kandi y’ingirakamaro abantu benshi bibuka, ndetse bakanayifashisha mu buzima bwa buri munsi.

Twabateguriye amwe muri ayo magambo (tugenekereje mu kinyarwanda):

1. Abantu akenshi ntibashyira mu gaciro kandi barikunda ariko ukwiriye kubababarira!

2. Ushobora kuba ufite umutima mwiza ariko abantu bakakwita indyadya, ariko uzajye ubababarira!

3. Nugira icyiza ugeraho (nutera imbere), abakuryarya ko ari nshuti bazaba benshi ariko ntibizakubuze gukomeza gutera imbere!

4. Mu gihe uri inyangamugayo ndetse n`umunyakuri, birashoboka ko abantu bazagutesha agaciro, ariko komeza ubunyangamugayo bwawe!

5. Nubwo ibyo wubatse mu myaka myinshi hari umuntu waza akabisenya mu ijoro rimwe, ariko gerageza ukomeze wubake!

6. Abantu bashobora kuzakubona wishimye bakakugirira ishyari, ariko uzakomeze wishime!

7. Nubwo ibyiza ukoze uyu munsi abantu bashobora kuzaba babyibagiwe ejo, ariko komeza ukore ibyiza!

8.Nubwo ushobora gutanga icyiza utunze ntikinyure abantu, ariko wowe ukomeze utange icyiza utunze!

9. Agakomeza agira ati " Ku iherezo buri muntu azajya asobanura ibye ari imbere y`imana wenyine"!

Source: Nkundagosple.rw

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?