Kwiyiriza ubusa no gusenga, urufunguzo rw’imbaraga

Kwiyiriza ubusa no gusenga ni kimwe mu bikorwa by’umwuka bikomeye bihuza abera bo mu isi. Kwiyiriza ubusa nyako kuzana kwicisha bugufi no guhura n’Imana. Kwiyiriza ubusabimenagura imbaraga z’imyuka mibi n’ababadayimoni. Biburizamo kandi imigambi y’umubi kandi bizana ibisubizo by’amasengesho mugihe nta nzira.

Mubyukuri amasengesho si ugutegura urugamba, ahubwo amasengesho usenga arwanya abadayimoni. Kandi mubintu byose dushobora gukora kugirango turonke imbaraga ni ukwibanda kumasengesho, nta gushidikanya ko kwiyiriza ubusa bifite imbaraga.

Aha niho imbaraga ziri, kuko kwiyiriza ubusa biduhuza n’Imana ishobora byose isaba ko twicisha bugufi niba koko dushaka mu maso hayo. Kwiyiriza ubusa bikorwa nk’ikimenyetso cyo kwicisha bugufi ubabaza umubiri ariko ku ntego yo kwegerana n’Imana. Iyo bikozwe kuri iyo ntego, bishimisha Umwuka wImana.

Birashoboka cyane rwose ko ushobora kugendana n’Imana igihe kinini bidasbye ko wiyiriza ubusa cyane , ariko imigisha isumba iyindi, ihebuje kandi ikomeye cyane ihora ijya kubantu bemeye iyi nyigisho , biyiriza ubusa cyane kandi bagendera imbere y’Imana. Abantu bavugwa cyane muri Bibiliya, usibye Aburahamu, bose bari abantu biyiriza ubusa kandi basenga. Yesu, Umwana w’Imana, yari umuhamya mwiza wiyirizaga ubusa agasenga (Matayo 4: 2). Niko n’intumwa Pawulo yabikoraga, kwiyiriza ubusa agasenga (2 Abakorinto 11:27). Mose yiyirije ubusa iminsi 80. Eliya yiyirije ubusa iminsi 40.

Itorero rya mbere biyirizaga ubusa mbere yo gutangira umurimo uwo ariwo wose. Abayobozi bakomeye bazanye ububyutse mu kinyejana cya 20 na 21bose bakoresheje intwaro yo gusenga no kwiyiriza ubusa. Babaye ikitegererezo cy’umuntu wese wifuza kwiyiriza ubusa. Umuntu wese watangije urugendo rukomeye rw’ivugabutumwa rya gikristo , yaba umugabo cyangwa umugore bose bitabaje intwaro yo kwiyiriza ubusa. Luther, Wesley, Finney, Booth, Bonnke na Derek Prince bose bari abagabo biyirizaga ubusa basenga.Mugihe , kwiyiriza ubusa bikozwe neza bitanga inyungu nyinshi ku Mana, itorero riraguka bitewe nuko habonetse imbaraga.

Ni ubuhe buryo bwiza bwo kwiyiriza ubusa?

Abantu benshi bibaza icyo bashobora gufata mugihe cyo kwiyiriza ubusa. Ibi biterwa nibyo Imana yaguhamagariye kuyikorera. Hari abahitamo kwiyiriza nta mazi cyangwa ifunguro na rito bafashe, mu bigaragara kunywa amazi mugihe cyo kwiyiriza ubusa ni ingenzi cyane kuko umwuka n’umubiri byose bigomba kurindwa. Ntuzigere winjira mu masengesho yo kwiyiriza ubusa mu minsi irenze itatu, udafite amazi . Mu gihe kandi wifuza gusenga ariko ufite izindi nshingano zisaba ingufu, nk’akazi bizagusaba kunywa umutobe ( Juice) cyangwa amazi gusa.

Ubundi buryo bwo kwiyiriza ni ukurya ifunguro rimwe kumunsi mugihe waba warapanze gusenga iminsi myinshi. Ibi byose bikozwe ufite umutima utagucira urubanza uzasubizwa, kandi urugamba uzaba urwana uzarubonera insinzi. Imana izakuyobora.

Zimwe mungero zitugaragariza neza abantu biyirije ubusa kandi bikabazanira umusaruro.

Umuhanuzi Ezira yiyirije ubusa kugira ngo arinde kandi asigasire ibintu by’agaciro ku rusengero rw’Imana. Natwe dushobora kwiyiriza ubusa kugirango turinde ibyo Imana yadusigiye kugenzura. (Ezira 8: 21-23)

Umuhanuzi Daniyeli yiyirije ubusa kugira ngo asohoze amasezerano y’Imana, kandi byamufashaga kwakira ihishurirwa rivuye ku Mana. (Daniyeli 10: 3).

Yesu yiyirije ubusa kandi avuga Ijambo ry’Imana kugira ngo atsinde Satani (Matayo 4: 1-10; Luka 4: 1-13).

Yesu byamusabye kwiyiriza ubusa kugirango atangire umurimo we, kugirango yakire imbaraga zImana no gusigwa. (Luka 4:14).

Eliya yari akeneye kwiyiriza iminsi 40 kugirango yongere kumva ijwi ry’Imana. (1 Abami 19: 8)

Mose yiyirije ubusa kugira ngo yakire Amategeko Icumi n’amateka y’Imana, kandi byanatumye abona icyubahiro n’Ubwiza bw’Imana.

Abakuru, abahanuzi n’abigisha bo muri Antiyokiya biyirije ubusa kandi bakorera Imana, ari byo byatumye umurimo w’intumwa Pawulo na Barinaba utangirira ku banyamahanga (Ibyakozwe 13: 2,3). Mu buryo nk’ubwo, dukwiye kwiyiriza ubusa no gusenga mbere yo gukora icyo aricyo cyose by’umwihariko umurimo wo kuvuga ubutumwa bwiza.

Source: www.christianfaith.com

[email protected]