Kudasengera mu masezerano y’Imana bituma(...)

Kwamamaza

agakiza

Kudasengera mu masezerano y’Imana bituma tudasubizwa


Yanditswe na: Ubwanditsi     2021-06-28 04:26:18


Kudasengera mu masezerano y’Imana bituma tudasubizwa

Amasezerano y’Imana ni yo akwiye kubanza mu mibereho yacu, ukwiye gusenga wishingikirije amasezerano ava mu ijambo ry’Imana. Iyi Bibiliya tujyendana, irimo amasezerano menshi!

Rimwe twari muri Isiraheli hanyuma tujya kugura ibyo kurya tubona birahenze¸ noneho tubaza uwabicuruzaga impamvu igihugu cyabo gihenda, aradusubiza ngo ‘Izo Bibiliya mwikoreye nizo zivuga ko tuzarya iby’abanyamahanga baruhiye.’ Nyine isoni ziradufata kuko biri mu masezerano yabo! Pasiteri Desire

Dukwiye gusenga dushingiye ku masezerano ya Bibiliya ku buzima bwacu. Reka mvugemo rimwe gusa: Mu masezerano y’Imana, harimo iezerano rivuga ngo ‘Ntutinye ndi kumwe nawe’. Ryanditse inshuro 365, hita umbarira inshuro ubyuka wahangayitse mu bzima kandi Imana yaravuze ngo ‘Ntutinye ndi kumwe nawe’.

Ariko inshuro nyinsi tubyuka tutazi igikurikiraho, tubyuka duhangayitse kuko tutazi kuba mu asezerano y’Imana. Ivugana natwe ntibasha kubeshya, ijambo ry’Imana ryose ni ukuri ku buzima bwacu ariko rimwe na rimwe bitugoa kubaho mu masezerano y’Imana. Rero dukwiye kwiga kuba tuzi ko ijambo ry’Imana ridahinduka, tugasenga dufite kwizera, kuko gusenga utishingikirije amaezerano y’Imna rimwe na rimwe biba bigoye.

Hari igihe dusenga tudasengeye mu masezerano y’Imana tugasenga ntidusubizwe.

Hari urugero aha tugiye kwifashisha: Ugize nk’umugisha, Perezida w’Amerika akagutumira akakubwira ngo uzaze umbwire ibibazo byawe, ntabwo watangira kubivugira ikanombe mu ndege. Wabivugira aho yakirira abaturage, kandi ukavuga mu cyongereza kuko ni cyo yumva, hanyuma kandi ugakoresha igihe yaguhaye. Iyo usenga, ukwiye gusenga wishingikirije amasezerano y’Imana. Njya numva abarokore basenga babwira Imana ngo ‘Mana nutansubiza ndamenya ko utari Imana. Mbega ibintu bibishye! Imana, ni Imana wasubizwa utasubijwe ni Imana. Nuva hano uyigaye uzasanga ahandi bavuga ngo ‘Uri Uwera, uri Uwera…, uhite umwara!’ Nta kintu kiyibuza kuba Imana ariko kuko dusenga nabi tutishingikirije ku masezerano y’Imana bizatugora.

Iyo ubwiye Imana ngo ‘Waravuze ngo..’ biruta kuyibwira andi magambo yose yose yayandi tutondekanya. Icyo yavuze irakirinda ikacyubahiriza kugeza igihe kizasohorera, ariko rimwe na rimwe ntidusenga twishingikirije ku masezerano yo mu ijambo ry’Imana ahubwo dusenga twishingikirije amarangamutima akomeretse n’ibindi bintu biri mu buzima bwacu bitandukanye ariko ni byiza ko dusenga twishingikirije amasezerano y’Imana.

Hari umuntu umwe wambwiye akantu kambabaje, yakoze amasengeho y’iminsi 7 ngo asenga ngo Satani yihane! Inzara iramurya ngo kugira ngo Sataini akizwe. Ubu koko uko mubizi Satani azakizwa? None ubwo inzara yamuririye iki? Mu byahishuwe 20:10 havuga ko Satani bazamujyana mu nyanja yaka umuriro n’amazuku, nta kandi gakiza ategerje. Yesu ari i Getsemani ikigeragezo cyaramuriye yahuye n’urugamba rubi, ni nkaho bamuzaniye filime y’imibabaro yose nk’uko Yesaya yabivuze areba bamufashe, bamukubise.

Murabizi ko Satani ingabo ze ziri mu mirwi ine: Abefeso 6:10, niho havuga ko Satani yamanukanye na 1/3 cy’ingabo zitabarika, azipanga mu mirwi 4 kandi yizeye: Abakuru, abataware, abategeka isi y’umwijima n’imyuka mibi y’ahantu ho mu kirere. Hari n’abarokore bazi ko Satani aba ikuzimu! Satani aba mu kirere n’ingabo ze zatoranyijwe zizewe. Isengesho ryose ridasengewe mu mbaraga ntabwo rishobora kumurenga.

Satani yubatse igikuta mu kirere kirimo imbaraga z’umwijima. Hanyuma Yesu aje yatoboye irembo aho yamanukiye. Aho yamanukiye ninawo muyoboro uduhuza n’Imana, ni ukuvuga ko iyo isengesho ryinjiriye muri ako kobo yamanukiyemo rihita rigenda direct mu matwi y’Imana. Ariko iyo usenze isengesho ritari mu bushake bw’Imana cyangwa utari aho Imana ishaka, Satani ayafatira aho hose.

Dukwiye gusenga twishingikirije amasezerano yo muri Bibiliya mu ijambo ry’Imana. Pasteri Desire HABYARIMANA

Wareba hano inyigisho yose

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?