Ku isi abantu bakomeje gupfa umusubizo bazira(...)

Kwamamaza

agakiza

Ku isi abantu bakomeje gupfa umusubizo bazira gukora amasaha y’ikirenga


Yanditswe na: Ubwanditsi     2021-05-18 10:19:46


Ku isi abantu bakomeje gupfa umusubizo bazira gukora amasaha y’ikirenga

Mu gihe imibereho y’abatuye isi igenda irushaho gukomera abantu bagakoresha imbaraga nyinshi bakubita epfo na ruguru ngo barebe ko bo n’ababo babasha gukesha undi munsi. Ni mu gihe kandi abakoresha na bo indoto zabo ari ukubona ubukungu bwabo butumbagira umunsi ku wundi. Umuryango Ushinzwe Ubuzima ku isi, OMS uratangaza ko abantu ibihumbi bibarirwa mu magana bari gupfa buri mwaka bazize indwara zituruka ku gukora amasaha y’ikirenga.

Ku isonga haza indwara yo guturika udutsi tw’ubwonko tuzwi nka’Stroke’ ndetse, n’indwara y’umutima nk’uko inyigo ya OMS hamwe n’Umuryango Mpuzamahanga w’Umurimo babigaragaza. Mu 2016 habaruwe abagera ku bihumbi 745 bapfuye bazize indwara yo gukora amasaha y’ikirenga aho bashoboraga gukora agera kuri 55 ku cyumweru, aya akaba ari amasaha agera kuri 11 buri munsi.

Imfu nyinshi muri izi ni iz’abantu bari hagati y’imyaka 60 na 79 ariko bakaba barakoraga amasaha 55 ku cyumweru, mu gihe bari bafite hagati y’imyaka 45 na 74. Abagabo ni bo bagerwaho cyane n’izi ngaruka zo gukora amasaha y’ikirenga kuko ijanisha ryerekanye ko 72% z’izi mpfu zose ari abagabo, abagore bakaba 28%.

Ubu bushakashatsi bwasohowe kuwa mbere tariki 17 Gicurasi mu kinyamakuru, Environment International bugaragaza kandi ko abibasiwe kurusha abandi ari abo mu Burengerazuba bwa Pasifika n’abo mu Majyepfo y’Iburasirazuba bwa Aziya. Bunagaragaza kandi ko impfu z’umutima ziterwa no gukora amasaha menshi ziyongereye ku gipimo cya 42 % hagati ya 2000 na 2016, naho izo guturika udutsi tw’ubwonko zikiyongera ku gipimo cya 19 % muri icyo gihe.

Abantu bakoze amasaha agera cyangwa arenga 55 ku cyumweru baba bafite ibyago byo kuzazira indwara yo guturika udutsi tw’ubwonko ku kigero cya 35 % na 17 % byo kuzira indwara y’umutima ugereranyije n’abakoze hagati y’amasaha 35 na 40 nk’uko ubu bushakashatsi bubigaragaza.

Dr. Maria Neira, umuyobozi w’Ishami rishinzwe ibidukikije, ihindagurika ry’ikirere n’ubuzima muri OMS. Avuga ko gukora amasaha 55, cyangwa arenga mu cyumweru ari ikibazo cy’ingutu ku buzima.

Ati “Igihe cyari kigeze ngo twese, nka guverinoma, abakoresha n’abakozi dukanguke tumenye ko gukora amasaha y’ikirenga biganisha ku rupfu rw’imburagihe.”

OMS ivuga ko hari uburyo bubiri bushobora gutuma gukora amasaha y’ikirenga biganisha ku rupfu nko kugira ihungabana n’akajagari mu mitekerereze, bishobora kugira ingaruka ku mitemberere y’amaraso ndetse n’imyitwarire y’imikorere y’umutima. Mu gihe umuntu afite umunaniro ukabije bishobora kumuganisha mu kunywa itabi n’inzoga, kuba yarya indyo ituzuye kubera kubura umwanya wo gutegura, kutabona umwanya wo gusinzira, ibi byose bika ari impamvu bwimbi ziganisha ku kurwara umutima na stroke.

Ubushakashatsi bwerekanye ko nyuma y’aho hadukiye icyorezo cya Coronavirus mu mpera za 2019, abantu bagatangira gukorera mu rugo, byongereye nibura amasaha abiri n’igice y’akazi ku yo abantu bari basanzwe bakamaramo mu bihugu nk’u Bwongereza, Austriche, Canada na Leta Zunze Ubumwe za Amerika.

Source: Igihe.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?