Korari Hoziana ikomeje kwesa imihigo, Yashyize hanze umuzingo wa 12

Korari Hoziana ni imwe mu makorari akomeye hano mu Rwanda, ikaba imaze imyaka 40 ikora umurimo w’ivugabutumwa mu ndirimbo zihimbaza Imana. Korari Hoziana irakunzwe cyane kubera indirimbo zabo , zagiye ziba umusemburo wo kwakira agakiza kuri benshi mu Rwanda ndetse no hanze yarwo.

Korali Hoziana yatangiranye n’itorero rya Pentekote mu Rwanda, ubwo ryatangiraga ivugabutumwa mu mujyi wa Kigali, ikaba yaratumye ADEPR irushaho kwaguka. Korari Hoziana igenda ivuga ubutumwa hirya no hino mu gihugu ndetse no hanze y’u Rwanda.

Korali Hoziana mu myaka 40 imaze ikora umurimo w’ivugabutumwa ibinyujije mu ndirimbo zihimbaza Imana ndetse n’ibikorwa by’urukundo birimo gufasha ababaye, yosohoye umuzingo (Album) wa 12 uriho indirimbo 11 zifite ubumwa bwiza.

Yamuritse ino alubumu mu kiganiro yagiranye n’itangazamakuru aho yanasobanuriye abanyamakuru byinshi mu bikorwa yimirije imbere birimo ivugabutumwa n’ibiterane byagutse izagenda ikorera hirya no hino mu Rwanda.

Ubuyobozi bw’iyi korari bwasanze ari ibyagaciro kugeza ubutumwa kuri bose hifashishijwe itangazamakuru nk’umwe mu miyoboro ikurikirwa na benshi muri iki
gihe k’ikoranabuhanga.

Umuzingo wa 12 ugizwe n’indirmbo z’amajwi, akaba witwa “Twatsindishirijwe n’amaraso ya Yesu”. Ubusanzwe Korari Hoziana ikorera umurimo w’Imana mu itorero rya ADEPR, Paruwasi ya Nyarugenge, umudugudu wa Nyarugenge.

Mu kiganiro n’itangazamakuru , umuyobozi w’iyi korari , Ndungutse Fabien yavuze ko itangazamakuru rifite aho rihurira na Bibiliya aho kera Imana yarikoresheje inshuro nyinshi n’ubwo yarikoreshaga mu buryo butandukanye n’ubwo rikoreshwamo.

Yagize ati”Itangazamakuru ryacu muri ibi bihe rifite aho rihurira na Bibiliya kuko Imana yamaze gutanga icyo kuvuga kandi kitazigera gita agaciro, itangazamakuru rero rifite umumaro mu ivugabutumwa ry’ubutumwa bwiza bwa Yesu Kristo cyane muri iki gihe turimo.”

Yashimangiye ko bahamagaye itangazamakuru kuko rifite imbaraga zo kugera kuri benshi mu gihe gito kandi ahantu hatandukanye kurusha uburyo korari ibikoramo.

Abanyamakuru bahimiye Korari Hoziana ku ntambwe nziza ybateye yo kwifashisha itangazamakuru mu guteza imbere umurimo w’Imana.

Kuri ubu Korari Hoziana ifite abaririmbyi 133, ikaba yaravutse mu 1978. Yitwaga Korali Gasave mu itorero rya ADEPR Gasave ku Gisozi, Nyuma urusengero rwa Nyarugenge rumaze kuzura mu 1980 , bakomereza umurimo Nyarugenge ari abaririmbyi 20 , Hanyuma baza kugenda baguka , Korali yitwa Hoziyana. Icyo gihe baririmbaga bifashishije ibikoresho gakondo:amapendo ndetse n’ingoma ariko kuri ubu bakoresha ibikoresho bya musika bijyanye n’igihe.

Umva indirimbo "KWIZERA" ya HOSIANA CHOIR

Umva indirimbo "NTITUKIRI IMBATA ZA SATANI " ya HOSIANA CHOIR

Umva indirimbo "UMUHAMAGARO " ya HOSIANA CHOIR


Ushobora kubona korari Hoziana unyuze kuri izi mbuga nkoranyambaga.

Website: www.hozianachoir.org

Youtube: Hoziana Choir

Facebook: Hoziana Choir

Instagram : Hoziana Choir

Twitter: Hoziana Choir

Email: [email protected]