Ko hafi 1/2 cy’abatuye isi batarumva Ubutumwa(...)

Kwamamaza

agakiza

Ko hafi 1/2 cy’abatuye isi batarumva Ubutumwa bwiza na rimwe mu matwi yabo, bizagenda bite ngo bagerweho?


Yanditswe na: Ubwanditsi     2021-10-21 07:01:24


Ko hafi 1/2 cy’abatuye isi batarumva Ubutumwa bwiza na rimwe mu matwi yabo, bizagenda bite ngo bagerweho?

Aha twibuke ko Bibiliya ivuga ngo" Kandi ubu butumwa bwiza bw’ubwami buzigishwa mu isi yose, ngo bube ubuhamya bwo guhamiriza amahanga yose, ni bwo imperuka izaherako ize." Matayo 24:14

Christian Missions:10/40 Window, bagaragaza ko no guhindura Bibiliya mu ndimi z’abo Ubutumwa bwiza butarageraho byibura ngo bisomere nabyo bikiri hasi cyane. Ngo benshi mu matsinda(Groups) Amoko y’abantu biracyari ingorabahizi kugerwaho n’Ubutumwa bwiza, cyane cyane abari mu majyaruguru y’ Afrika no muri Aziya yepfo. Umuhanga mukwamamaza ubutumwa bwa gikirisito Luis Bush yatangiye kwita kariya gace kagereranywa n’urukiramende (rectangular area ) "Idirishya 10/40” [The 10/40 window].

Yakoresheje iryo zina ryoroshye-kwibuka, kuko rikubiyemo Afurika na Aziya kuva kuri dogere 10 z’ubutumburuke mu majyaruguru ya ekwateri, kugera kuri dogere 40 z’ubutumburuke mu majyaruguru ya ekwateri. Imibare y’ivugabutumwa ku isi yerekana ko: Mu bihugu 55 bitaravugwamo ubutumwa bwiza, 97% by’abaturage babyo baba muri kariya gace kitswe Idirishya 10/40 [The 10/40 window.

Dore icyo Ibarurishamibare rigaragaza ku bihugu bitarageramo Ubutumwa bwiza bishingiye ku mibare

Miliyoni 865 z’Abayisilamu cyangwa abayoboke ba Islamu mu matsinda mato 3330, ntibarabwirizwa

Miliyoni 550 z’Abahindu mu matsinda mato 1660, ntibarabwirizwa ibya Yesu Kristo

Miliyoni 148 z’Abashinwa mu matsinda 445, ntibaragerwaho n’Ubutumwa bwiza

Miliyoni 275 z’Ababuda mu matsinda 900, nabo ntibaramenya Yesu Kristo

Hari amatsinda 2550 ataragerwaho n’Ubutumwa bwiza (Ahanini abo basenga ibimera cyangwa amatungo). Ayo matsinda afite abaturage miliyoni 140

Hari miliyoni 17 z’Abayahudi batataniye mu bihugu 134, abo nabo ntibaragerwaho n’Ubutumwa bwiza.

Amakuru meza ni uko umushakashatsi David Barrett avuga ku igihugu cyagize ubwiyongere bwihuse bw’Abakristo bakijijwe kurusha ikindi gihe cyose muri iki gihe turimo, ko Ubushinwa ari bwo bumaze guca ako gahigo! Kubera ko bwagiye bubona abizera bashya 10,000 bahinduka buri munsi.

Guhindura Bibiliya mu zindi ndimi na byo biracyari hasi!

Nibura igice kimwe cy’ibyanditswe byera cyahinduwe mu ndimi 3,350 muri 6.500 zo ku isi yose. Naho indimi 683 zonyine nizo zihinduwemo Bibiliya yose (Ni ukuvuga isezerano rya kera n’irishya). Isezerano rishya ryo ryahinduwe mu ndimi 1534.

Naho kandi ibitabo ukwabyo (Nk’Ivanjili ya Yohana) biboneka mu ndimi 1133, z’inyongera kuri 80 ku ijana by’abatuye isi bafite nibura igice cya Bibiliya.

Usibye ko wenda hagira impinduka ziba, umubare munini w’aya matsinda y’abantu ataragerwaho n’Ubutumwa bwiza bwa Yesu Kristo bisa nkaho nta kizera gihari cy’uko azagerwaho! Kubera ko umushakashatsi Justin Long yagereranije ko hafi 10% by’Abamisiyoneri ku isi yose aribo bahakorera bonyine. Impamvu imwe ni uko mu bihugu byinshi byitiriwe 10/40 Window, kuhakorera ivugabutumwa ryeruye bigoye ndetse ntibishoboka kubera leta z’ibyo bihugu zibibuza. Ahantu nk’aho na none bahise ahantu ho guhanga.

Ibarurishamibare ry’Ubutumwa bwiza ku isi mu gace kitswe 10/40 Window rigaragaza ko:

Mu gice cy’abatuye isi: Bibiri bya gatatu by’abatuye isi, ni kuvuga abarenga miliyari 4.4 - baba muri 10/40 Window .

Abataragerwaho kandi batarabwirwa Ubutumwa bwiza: 90% by’abantu baba muri 10/40 Window ntibarabwirwa Ubutumwa bwiza. Benshi ntibigeze bumva ubutumwa bwiza na rimwe mu matwi yabo. Ni ukuvuga ko nta bakristo cyangwa ntibihagije kugira ngo hashyirweho amatsinda y’abakristo, bitewe n’imico gakondo muri biriya bihugu bya 10/40 Window .

Ayo matsinda rero y’abantu kugira ngo abwirwe Ubutumwa bwiza, birasaba ko bava mu mico yabo gakondo, dore ko batanemera ko n’amatorero yaba muri bo, ndetse bamwe bakanavuga ko nta n’akamaro bibafitiye.

Inkuru nziza: Mu 1989, muri Mongoliya hari abakristo bane bonyine bari bazwi. Ubu icyo gihugu gifite abizera kavukire bagera ku 10,000. Ubu kandi na none birashoboka ko byibura Tereviziyo za gikristo zishobora kurebwa mu bihugu byinshi bya 10/40 Window.

Ubukene: Mirongo inani na gatanu ku ijana(85%) by’abatuye muri 10/40 Window, nibo bakene kurusha abandi ku isi. Abakene cyane mu bihugu bya 10/40 Window ni Kamboje, Tchad, Eritereya, Etiyopiya, Nepal, Vietnam na Yemeni.

Amakuru meza: Abakirisito batanze ibiribwa birengej miriyoni imwe y’amadolari mu nkambi imwe y’impunzi ya 10/40 Window mu mwaka ushize. Aho hari mu gihugu kimwe cyo muri Afurika y’Amajyaruguru cyanze Ubutumwa Bwiza, imvura nyinshi yaraguye nyuma ya pasika. Ikinyamakuru cyo muri ako gace cyavuze ko "Abakristo bazanye imvura mu butayu."

Iby’imiterere y’Amadini mu isi: Islamu, Budisime n’Abahindu yose ashingiye kuri 10/40 Window.

Ni imijyi mikeya yagezemo Ubutumwa bwiza: Kimwe cya kabiri cy’imijyi mike ku isi ni yo yagezemo ivugabutumwa muri bya bihugu 10/40 Window mu rurimi bashobora kumva.

Ni iki wakora kugira ngo ugere ku bataragerwaho n’Ubutumwa bwiza?

Twe gucogorera gukora neza, kuko igihe nigisohora tuzasarura nitutagwa isari. Abagalatiya 6: 9

Hano hari ibintu bitanu ushobora gutangira gukora uyu munsi. Nubikora uzagororerwa kubw’umusanzu wawe mu gufasha kugeza ivugabutumwa rya Yesu Kristo mu bataramumenya, nk’uko twabibonye haruguru.

Tanga

Tanga ibishoboka byose ushyigikire ivugabutumwa( Abamisiyoneri). Ni gute wabikora? Gerageza kubaho ukoresha umushahara wawe nk’umumisiyoneri. Mu byo ugerageza gukora byose gerageza usagureho ushyigikire iyamamaza-butumwa bwiza bwa Yesu Kristo.

Senga

Ba umwinginzi. Pawulo yahamagariye abasomyi be kumusengera. Mu mabaruwa ye menshi yavuze ko na bo yagiye abasengera. [Ukwiye gusengera abamisiyoneri], ugasenga utibagiwe n’ibyo bihugu bigoye kuvugamo Ubutumwa bwiza.

Ifatanye n’Abamisiyoneri

Ihurize hamwe n’abandi mu matsinda y’Anamisiyoneri mu itorero ryanyu. Impamvu y’ibi, ni uko umwete no kwiyemeza kwa wenyine bishobora kugorana. Bityo rero ni byiza ko wakora kandi ugasengera hamwe n’abandi. Ibyo bizakurinda gucika intege kandi bizagwiza umusaruro mwiza bijyanye n’intego zawe mu murimo wo kwamamaza ubutumwa bwiza bwa Yesu Kristo ku isi yose.

Iyemeze wowe ubwawe

Tekereza nawe nk’umusirikare ushakisha ingabo za Kristo Yesu. Ese inshuti zawe za gikristo hamwe n’abagize umuryango wawe biyemeje gusohoza umugambi wImana ku isi? [Iyo ni yo nshingano nkuru muri Bibiliya]. Byagenda bite se buri muntu ufite ishyaka ry’ubumisiyonari yerekanye icyerekezo cye mu bandi bantu, byibura umwe kuri umwe? Wumva umusaruro byabyara? Tekereza ko isengesho ryawe no gutanga kwawe n’inshuti zawe hamwe n’umuryango wawe bishobora kubyara ivugabutumwa rikomeye ku isi.

Gira intumbero

Gambirira neza aho kugira ubwoba. Kora igenamigambi rishingiye ku Mana. Ntukajye mu bikorwa bidafitte umumaro, ahubwo buri munsi jya uhora wibwira ibyagirira umumaro ijuru. Uhore utekereza ku cyatuma itorero ry’Imana ryaguka mu isi yose, biguhangayikishe buri munsi.

Source: home.snu.edu/ hculbert/1040.htm

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?