Itoze ubukristo bw’igihe cyose

Kwamamaza

agakiza

Itoze ubukristo bw’igihe cyose


Yanditswe na: Ubwanditsi     2021-07-27 04:51:08


Itoze ubukristo bw’igihe cyose

Mwerekane ijambo ry’ubugingo kugira ngo mbone uko nzirata ku munsi wa Kristo, yuko ntirukiye ubusa kandi nkaba ntaruhijwe n’ubundi (Abafilipi 2:16).

Ugomba kubaho iminsi yose wiyumvamo ko mbere ya byose uri umwana w’Imana. Ubukristo si ibintu umuntu akora, ahubwo ni icyo ari cyo. Urugero, niba uri umugabo cyangwa umugore si ibintu wakoreye, ni cyo uri. Umukristo nyakuri ni umugabo wacukumbuye impamvu nyakuri abereyeho. Aho uri cyangwa icyo uri gukora ubu ntabwo ari cyo cya ngombwa mubyukuri, nta na kimwe waba muri iyi si kizahoraho iteka.

Ibyo waba urimo uyu munsi ni ibigufasha kugenderamo ngo ukore ku isi. Urugero niba uri umunyeshuri, muri iryo shuri uhari mbere na mbere nk’umukristo mbere yo kuba umunyeshuri. Iyo wiyumvamo ibyo, bigutera kubaho iteka uri ku murimo w’ubutumwa bwiza bwa Kristo.

Igihe nari umunyeshuri najyaga nitabira cyane umurimo wo kuzana benshi muri Kristo maze abenshi mu bo twiganaga bakambaza bati “Ese uzinjira mu murimo w’Imana w’igihe cyose?” Nkiri muto gutyo nari naramaze kumenya ko nkora umurimo w’Imana ibihe byose hanyuma nkiga nyuma y’ako kazi.

Buri munsi nubyuka ujye wibwira uti “Mbere ya byose ndi umukristo kandi uyu munsi ndakora niyumvamo ibyo”. Niwitoza ibi ndi gusangira nawe, ubuzima buzaba burimo intego, kuko imbaraga zawe zizaba zikusanyijwe mu nzira imwe yo kuyobora abantu kuri Kristo. Pawulo intumwa yaravuze ati “…ntavuze ubutumwa nabona ishyano” (Abakorinto 9:16). Ibyo yabyiyumvagamo, kuko yasobanukiwe umuhamagaro we mu buzima bwa gikristo.

Niba umutima wo kwiga kwawe cyangwa umurimo ukora utari ukugera ku bantu kubwa Kristo, ntabwo bifite agaciro mu ijuru. Ibyo urimo byose ni amahirwe yawe yo kugera ku isi kubwa Yesu. Ni yo mpamvu ubukristo ari ubw’igihe cyose.

Isengesho:

Mwamai mwiza, ndagushimira kubwo kumpindura umukozi w’umwiringirwa w’umurimo w’ubutumwa bwiza bwa Kristo kandi ndagushimira kuko kubw’Umwuka wawe ndushaho kugenda nera imbuto, nzana benshi kurushaho mu mucyo w’ubwiza wo kumenya Umwana Wawe Yesu. Amen!

Inkomoko: “Urusobe rw’Ibiriho” Igitabo cyanditswe na pastor Chris na Anitha

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?