Itoze kwingingira abandi

Kwamamaza

agakiza

Itoze kwingingira abandi


Yanditswe na: Ubwanditsi     2021-09-28 02:40:26


Itoze kwingingira abandi

Musengeshe umwuka iteka mu buryo bwose, kandi kubw’ibyo mugumye rwose kuba maso, musabire abera bose (Abefeso 6:18).

Itoze kujya ugira ibihe byo gusengera Abakristo bo mu isi yose. Ndashaka kukwereka ahantu hatatu muri henshi hashoboka watangirira gusengera abantu b’Imana.

Icya mbere sengera abakozi b’Imana bo mu isi hose. Herode yishe intumwa Yakobo maze afata Petero. Bibiliya itubwira koi torero ryasenze koko kugira ngo arekurwe. Hanyuma yaje kuvanwa mu munyururu kubw’igitangaza (Ibyakozwe n’Intumwa 12:7-11). Imana ishimwe ko basobanukiwe ko nibadasenga Petero na we yari kwicwa. Pawulo na we yasabye itorero ry’i Roma kumusengera (Abaroma 15:30-31).

Yari umushumba wabo, ariko yababwiye gufatanya na we mu isengesho. None rero iga gusengera abakozi b’Imana aho gucira imanza ibyo baba batujuje.

Icya kabiri sengera abarwaye, cyane cyane abari mu bitaro. Iyo umuntu arwaye cyangwa ababaye, inshuro nyinshi biba bigoye ko uwo muntu agira kwizera ngo yakire gukira. Umubabaro ushobora kumubera mwinshi ukaba wanamubuza no kuba yakumva Ijambo.Ugomba gusengera abantu nk’abo, n’aho waba utabazi amazina. Nk’uwo ubasha kumusabira agahenge, ku buryo abasha kwakira Ijambo.

Icya gatatu, sengera abababazwa cyangwa bagatotezwa kubw’ubutumwa bwiza. Mu gihugu urimo bishobora kuba amahoro n’umunezero, ariko benshi barababazwa muri iyi si kuko bemera Yesu. Ugomba kwiga gusengera abantu nk’abo, ngo buzuzwe imbaraga zikomeye mu mitima yabo (Abaheburayo 13:3).

Igihe usengera abandi, Umwuka w’Imana azanyeganyeza abantu, bashobora kuba batanakuzi, ngo nabo bagusengere. None rero ntuzirengagize kwitoza isengesho ryo kwinginga uyu mwaka.

Isengesho

Data mwiza, ndasengera bene Data bo mu isi yose. Ndasaba ko ubaha Umwuka w’ubwenge no guhishurirwa mu kukumenya. Ndasenga ngo ababaye aka kanya bakire gusubizwamo imbaraga kuva mu Mwuka, kandi ngo Ijambo ryawe ribazemo bushya ritoshye, mu izina rya Yesu. Amen!

Source: ‘Urusobe rw’Ibiriho’ Igitabo cya Pastor Chris na Pastor Anitha

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?