Itoze kwihangana

Kwamamaza

agakiza

Itoze kwihangana


Yanditswe na: Ubwanditsi     2021-08-08 02:46:11


Itoze kwihangana

Mubanze mushake ubwami bw’Imana no gukiranuka kwayo, nib wo ibyo byose muzabyongererwa (Matayo 6:33).

Hari umugabo wagiye mu resitora kurya. Ahamagaza ibyo kurya abisomye ku ikarita. Uwamwakiriye azanye umugati n’isupu uwo mugabo ararakara cyane, yibaza niba ari byo yishyuriye amafaranga ye. Kuko atashakaga gutongana, anywa iyo supu arigendera. Hanyuma uwamwakiriye azana ibyo kurya, ariko arumirwa asanze wa mugabo.

Biragaragara ko uyu mugabo atari amenyereye kurya muri resitora kuko atari azi ko yishyuriye ibyo kurya byuzuye, atari umugati n’isupu. Ntiyari abizi, ariko ibyaje mbere byari ibyo gutangiza kumutegurira ibyo kurya bya nyabyo.

Ibyiza byari biri imbere maze ntibyamugeraho kuko atabashije kwihangana bihagije! Ahari iyo yihangana gato, ntabwo yari kwishyira hanze ko atazi ibintu. Birabaje kubona Abakristo bamwe bagenda bagata imigisha yabo muri ubwo buryo.

Barambirwa vuba cyane maze bakumva baratengushywe kuko baba bariringiye byinshi, nyamara ntibamenye ko ibyo babonye byari itangiriro gusa ry’ubuzima bwo mu Bwami.

Nk’umukristo, ugomba kubaho nk’uko itegeko ry’Umwami Yesu ribivuga “…Mubanze mushake ubwami bw’Imana no gukiranuka kwayo, ni bwo ibyo byose muzabyongererwa” “Matayo 6:33”. Ibyo byose birimo ibyo kurya, ibyo kwambara, inzu n’ibindi byangombwa by’ubuzima (Matayo 6:32) kandi ibyo ni inyongera cyangwa inyongezo.

Ariko rero Abakristo bamwe barabicuritse, babanza gushaka amazu, imyambaro n’imodoka, abagabo, abagore…kandi ibyo ari inyongera, hanyuma ubwami bw’Imana bukaza nyuma kuko batamenya kwihangana bihagije.

Nuko rero itoze kwihangana kandi intumbero yawe ntibe ‘ku nyongera’ ngo wibagirwe ibya ngombwa, ntugahame ku byo kurya bifungura (bibanza) ngo maze ubure ibyo kurya nyabyo. Yesu yishyuye ikiguzi cyose kubwawe, ngaho rero ihangane, tuza maze unezererwe ibya nyabyo.

Ijambo ryo kwatura:

Ntangaje ko ndi uw’ubwami bw’Imana no gushyirwaho kwabwo, neguriye ubuzima bwanjye, ibyo ntunze n’ibyo nshoboye ngo bikorere gusakara k’ubwami bw’Imana mu isi. Uko nkora ibi, Imana na yo yita ku kujya mbere kwanjye kandi ikomeza impa ibyo nkeneye byose ngo mbeho ubuzima bwuzuye.

Source: “Urusobe rw’Ibiriho” Igitabo cyanditswe na pastor Chris na Anitha

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?