Itoze gutekereza ibitekerezo biboneye

Kwamamaza

agakiza

Itoze gutekereza ibitekerezo biboneye


Yanditswe na: Ubwanditsi     2021-09-13 09:22:27


Itoze gutekereza ibitekerezo biboneye

Ibisigaye bene Data, iby’ukuri, ibyo kubahwa byose, ibyo gukiranuka byose, ibiboneye byose, iby’igikundiro byose n’ibishimwa byose, niba hariho ingeso zose nziza kandi hakabaho ishimwe abe ari byo mwibwira (Abafilipi 4:8).

Uyu mwaka, ibitekerezo byiganje mu mute wawe bizagena ubuzima ubaho. Bibiliya iravuga iti ‘Kuko uko atekereza mu mutima ari ko ari… (Imigani 23:7)’ bitwereka ko ubuzima bwawe budatandukana n’uburyo utekereza.

Bibiliya iravuga iti ‘Kandi ntimwishushanye n’ab’iki gihe ahubwo muhinduke rwose mugize imitima mishya’ (Abaroma 12:2) Mu yandi magambo, uyu mwaka ntuzatekereze nk’uko isi itekereza, koresha ijambo ry’Imana rihindure ubuzima bw’imitekerereze yawe.

Reka Ijambo ry’Imana rifate umwanya w’ibitekerezo byawe mu gitondo, ku manywa na nijoro. Mu byaremwe byose nta cyo wabona cyarusha ukuri, ubutabera, ubunyangamugayo kandi ngo kibonere kinaryohe nk’Ijambo ry’Imana!

Uyu mwaka, ugomba kwitoza gutekereza ibitekerezo biboneye. Nuhura n’ibikugoye, aho gutekereza kuri icyo kibazo no kugikuza, ibwire uti ‘Sindeka iki kibazo ngo gitware ibitekerezo byanjye, ahubwo ndatekereza ku cyo Ijambo ry’Imana rikivugaho’.

Ukimara gukora ibyo, fata Bibiliya yawe ushakashakemo kandi uyizirikaneho. Uko ureba mu Ijambo ry’Imana, hazabaho impinduka, uko ibitekerezo byawe bijya ku murongo n’Ijambo, bizagutera kuvuga amagambo aboneye kandi unyure muri buri munsi w’uyu mwaka umwenyura.

Isengesho:

Data mwiza, Ijambo ryawe riri mu mutima wanjye no mu kanwa kanjye, nditekerezaho amanywa n’ijoro bityo ubwenge bwanjye bwose, umutima n’umubiri ntirisige akanya na gato kakwibwa n’ibitekerezo bibi. Ni ryo rinkingira, ni ryo musingi wanjye n’imbaraga z’ubuzima bwanjye. Urakoze kubw’impano y’igiciro y’Ijambo ryawe mu izina rya Yesu. Amen.

Source: ‘Urusobe rw’Ibiriho’ Igitabo cyanditswe na Pastor Chris Anita OYAKHILOME

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?