Itorero ritagira Umwuka Wera ni nk’ikigo(...)

Kwamamaza

agakiza

Itorero ritagira Umwuka Wera ni nk’ikigo cy’imfubyi, ni nk’urugo rw’umupfakazi. Past UWAMBAJE Emmanuel


Yanditswe na: Ubwanditsi     2021-05-21 04:36:59


Itorero ritagira Umwuka Wera ni nk’ikigo cy’imfubyi, ni nk’urugo rw’umupfakazi. Past UWAMBAJE Emmanuel

Umwuka Wera, nta kintu kimusimbura haba mu buzima bw’Itorero cyangwa mu buzima bw’umwuntu. Hari abantu bigeze kuzura Umwuka Wera barazima, bibeshya ngo hari urwego umuntu ageraho iby’Umwuka Wera ntibibe bikibareba ariko ni ukwibeshya gukomeye. Yesu, Pawulo n’intumwa buzuraga Umwuka Wera ubuzima bwabo bwose.

Yesu yasize avuze amabo agira ati“Sinzabasiga nk’impfubyi, ahubwo nzaza aho muri." Yohana 14:18

Ni ikibazo gikomeye kuba Umwuka Wera abantu batamufite, kuko nk’iryo torero riba rimeze nk’ikigo cy’imfubyi! Muzabaze abantu bakuriye mu kigo cy’imfubyi, mu kigo cy’imfubyi bararya, barananywa, bakaryama ariko icyo batagira ni umubyeyi. Ni ukuvuga ko nta rukundo rwa kibyeyi babona, iryo torero rero riba rimeze nk’icyo kigo kuko Yesu yaravuze ngo ‘Sinzabasiga nk’imfubyi’.

Umwuka Wera iyo adahari, ntabwo abantu bumva Imana, niyo mpamvu ujya kumva ukumva umwigisha ati” Munyeganyeze, mumbwirire, mukoreho, mbwirira mwenedata uti Uwiteka aragukunda,…” kuko nta Mwuka Wera uri aho hantu. Ubundi iyo umuntu yafashijwe akuzura Umwuka Wera, aranarira ariko iyo Umwuka Wera adahari, wumva ngo mumuhe amashyi, ibiba bimeze nka Komedi.

Ibyo byose rero ni ibyerekana ko iyo nta Mwuka Wera, tubeshyeshya abakristo ibyo bintu. Nkuko mu kigo cy’imfubyi abana babwirwa ko nta kibazo bafite, ko mama atari ngombwa. Iyo bimeze bityo rero ni ingorane ku itorero kuko abakristo babaho batumva Imana. Niyo mpamvu uzumva bavuga ngo njyewe uwanjye ni uyu, iyo umubajije niba akijijwe akavuga amzina y’umushumba w’aho asengera, aho kuvuga Imana.

Uwo mushumba we yaba atari yaza, ubwo Imana ikaba itaraza, twajya mu cyumba umuyobozi yaba ataje ubwo Imana ikaba itahakandagiye. Kuko ntibigize batozwa ko Umwuka Wera umuntu awutunga, akawugendana bakabana mu rugo. Amatorero menshi nta Mwuka Wera agira, ni nk’icyo kigo cy’imfubyi.

Iyo Umwuka Wera itari mu itorero kandi, ni nk’urugo rw’Umupfakazi

Burya nta muntu wishimira ko yapfakaye, kuko ni igisuzuguriro. Iyo uvuze umupfakazi ni umuntu watakaje umugabo, ni umuntu abantu bakwinjirira mu rgo rwe uko bishakiye. Itorero ritagira Umwuka Wera ni urugo umuntu wese yakwinjiramo kuko nta gituma atahajya, kuko burya umugabo ateye ubwoba. Umugore agererenywa n’itorero, umugabo ni Kristo/ Umwuka Wera. Umugabo rero ni igitinyiro, nta mugabo ushobora kwinjira mu rugo harimo undi mugabo.

Iyo Umwuka Wera rero ari mu itorero, nyirurugo aba ahari, Kristo aba ari mu itorero iyo Umwuka Wera ari muri ryo. Iyo Umwuka Wera yirukanywe mu itorero, ni ukuvuga ko urwo ari urugo rw’umupfakazi abandi bagabo bose bashobora kwinjira muri urwo rugo, yewe n’abana bakamunanira kuko nta gitinyiro gihari. Niyo mpamvu Umwuka Wera atari amahitamo, ahubwo ni itegeko! Itorero rigomba kugira imbaraga z’Umwuka Wera, bakumva Umwuka Wera muri ryo.

Umwuka Wera niwe ndangamuntu y’itorero, iyo hari itorero ridafite Umwuka Wera ushobora kwibaza niba ari ikigo cy’ubucuruzi, uyoberwa icyo izo nsengero zimaze niba Umwuka Wera w’Imana atari muri zo. Aho usanga nta cyaha kihavugwa, nta muntu wihana, amabandi niho abarizwa ukibaza ibyo aribyo. Ariko wibuke ko muri Egiputa bavuga kuri Yozefu bagize bati”Twakurahe umuntu umeze nk’uyu, urimo Umwuka w’Imna”.

Dukwiye gushaka, no gutunga Umwuka Wera kuko niwo uduhamiriza, niwe uyobora itorero akarigendaho nkuko Malene agenda ku mugeni. Iyo udafite Umwuka Wera urigenga, nta mutima ugira ugucira urubanza. Twifurije buri wese kwakira Umwuka Wera no kuyoborwa nawo.

Iyi nyigisho yateguwe, ikanatambutswa na Pasiteri Emmanuel UWAMBAJE kuri Snai Tv yose wayireba hano

Source: Snai Tv

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?