Itorero Angilikani rirashaka ko amatorero(...)

Kwamamaza

agakiza

Itorero Angilikani rirashaka ko amatorero akuraho amashusho ajyanye n’ubucakara, agaragaza ishusho ya Yesu nk’umwera (white)


Yanditswe na: Ubwanditsi     2020-06-30 05:16:32


Itorero Angilikani rirashaka ko amatorero akuraho amashusho ajyanye n’ubucakara, agaragaza ishusho ya Yesu nk’umwera  (white)

Mu gihe Ubwongereza burimo gusuzuma neza isano bufitanye n’ubucakara nyuma y’imyigaragambyo y’ubuzima bw’abirabura muri Amerika, Archbishop wa Canterbury ashaka ko amashusho yose n’inzibutso ziri mu nsengero na katedrali bifitanye isano n’ubucuruzi bw’abacakara byamanurwa , icyakora bamwe mu bapadiri ntibabivugaho rumwe aho bemeza ko binyuranyije n’inyigisho za gikristo zivuga ko bose ari abanyabyaha.

Justin Welby Archbishop wa Canterbury aherutse kuvugira kuri Radiyo BBC ati: "Amashusho amwe agomba kumanurwa ndetse n’amazina amwe agomba guhinduka bigashyirwa ku murongo. Turimo kureba ibyo byose kandi bigomba guhinduka"

Ikinyamakuru "TheTimes" cy’i Londres gitangaza ko Diyosezi nyinshi z’Itorero ry’Ubwongereza zirimo gukora igenzura kugira ngo zandike inyandiko zibukwa mu matorero 16.000 na Katedrali 42 bigize itorero ry’Ubwongereza nyuma yuko abayobozi bagaragaje ubushake bwo guhindura cyangwa gukuraho inzibutso zimwe.

Umupadiri umwe utarashatse gutangaza izina rye, aragira ati: "Niba hibukwa abantu badafite ibyaha gusa, tuzasigarana gusa urwibutso rwa Kristo "Uyu Mupadiri akomeza agira ati: "Hari intwari z’abantu bashyizwe ku rutonde, dufite kandi inyubako zubatswe n’amafaranga adashidikanywaho, ariko nta muntu utagira inenge, bose baracumuye. "

Nick Timothy, umwanditsi w’ikinyamakuru The Telegraph, yavuze ko nta mpamvu ishingiye kuri Bibiliya yatuma igisekuru kimwe gisaba imbabazi kubera ibikorwa by’undi".

“Waba uri Umukristo cyangwa utari we, ibyanditswe byera biteye ubwoba. Isezerano rya gikristo rivuga ko buri muntu azabazwa ibyaha bye, ibi bikaba byarinjiye mu mico yacu. Iyi ni imwe mu mpamvu zituma dufite uburenganzira muri politiki n’uburenganzira bungana, kandi twese tugahagarara imbere y’amategeko. ” aya ni amagambo ya Nick Timothy

Timoteyo yavuze ko Welby yashoboraga kuvuga ko ubusobanuro bwa Yesu ari ubw’umwuka, ntabwo ari ibya politiki cyangwa ubwoko, Yesu yari Imana yambaye umubiri w’umuntu , kandi ko twese twaremwe mu ishusho y’Imana." Timoteyo yakomeje agira ati:" Ishusho ya Kristo mu bihugu by’iburengerazuba igomba guhinduka."

Archbishop yahakanye ibisobanuro birambuye byerekana ko Yesu yari Umuyahudi. Ariko rero, Abayahudi bo mu Burasirazuba bwo Hagati, cyangwa Abisiraheli nk’uko natwe tubita, muri iyi minsi ni bake mu buryo budasanzwe”.

Michael Brown, umunyamakuru ,yasobanuye mu kiganiro cye agira ati: "Impamvu nyamukuru yatumye abahanzi b’abazungu bagaragaza Yesu nk’umuzungu ni ukubera ko bibagiwe imizi y’Abayahudi. Ntabwo aribyo gusa, ahubwo kubera ko abayahudi babonwaga nkabadayimoni n’abantu babi, Yesu yagombaga gutandukana nabo, bityo akaba Yesu w’umuzungu, utari Umuyahudi.

Mu gusoza,Brown yavuze ko hari ikibazo gikomeye kubakristo kwisi yose. "Ese ukurikira Yesu wo mu Byanditswe Byera cyangwa Yesu waremye mu ishusho yawe (wiremeye mu ishusho yawe)?"

Source: www.christianpost.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?