Itegure urugendo rushya

Kwamamaza

agakiza

Itegure urugendo rushya


Yanditswe na: Ubwanditsi     2021-07-05 08:59:27


Itegure urugendo rushya

Dore ibya mbere birasohoye, n’ibishya ndabibamenyesha mbibabwire bitari byaba. Nimuririmbire Uwiteka indirimbo nshya n’ishimwe rye uhereye ku mpera y’isi. Nimuririmbe mwa bamanuka bajya mu Nyanja mwe, n’ibiyirimo byose n’ibirwa n’ababituyeho (Yesaya 42:9-10).

Iyo tureba ejo hazaza, ibintu byose biba bimeze nk’aho bidasobanutse kandi biyoberanye. Dushobora kwibanda ku byahise twibwira ko nta kintu kizahinduka, ko ibibazo byacu bizakomeza kunanirana, ko tutazigera tunesha, cyangwa ko amasengesho yacu atazigera asubizwa.

Hagati aho, Bibiliya idutera inkunga yo kumenya ko dukorera Imana y’intangiriro nshya. Ni Imana izura abapfuye, yaremye isanzure, yaremye isi ikoresheje ijambo ryayo. Uwiteka ni we utagira imipaka kandi kuri we nta kidashoboka. Yesaya 46.10 atubwira ko Imana yahanuye ibizaba mbere y’uko biba.

Ufite amahirwe yo kubona intangiriro nshya ari yo: gushyira ku ruhande gushidikanya kwawe no kubisimbuza kwizera, gutegereza ibitangaza ntabwo gutsindwa, ukamenya ko hamwe n’Imana bitigera bitinda. Kandi uko byagenda kose, ntakibazo kinini Imana idashobora gukemura! Nta mwanzi Imana idashobora gutsinda! Ni Imana y’ibitangaza!

Noneho, ntukongere kubaho mu bihe byashize, ntuzongere gushyira umutima ku byahise ngo uheranwe na byo. Ntukumve ko watsinzwe, ntugatekereze ko amasengesho yawe atazigera asubizwa. Ahubwo, reka Imana iguhe imigisha! Witegure kwakira ihishurirwa n’ubwenge bishya. Reka Imana ikwigishe ibintu bishya kandi iguhe imigisha mu buryo bushya. Reka Ihindure ubuzima bwawe!

Uyu munsi, uzuza ubuzima bwawe amashimwe! Ririmba indirimbo nshya wubaha izina ry’Uwiteka! Mumushime! Mumusenge! Mumwizere! Menyesha abandi ko amasezerano ye ari ay’ukuri mu buzima bwawe. Gira kwizera kandi umureke asohoze ikintu gishya kandi gikomeye muri wowe.

Umva ijwi ryimana

Reka dufate umwanya wo kumva icyo Imana ishaka kuvuga. Baza Imana ikintu gishya ishaka gukora mu buzima bwawe.

Gusenga biroroshye.Vugana n’Imana nkuko wifuza kuvugana n’inshuti yawe magara. Imana iragukunda kandi ishobora kumva byose. Dore isengesho ry’intangarugero: "Data, ndakwemereye kumpindura. Nyigisha ukuri gushya. Fungura ibitekerezo byanjye. Nizera ko ushobora gukora ibitangaza. Nakiriye ihishurwa rikomeye. Mw’izina rya Yesu”. Amen!

Shima Imana

Gushima Imana ni ukwibuka ibyo ikora byose. Uyu munsi, ni ibiki wibutse washimira Imana? Fata akanya ushimire Uwiteka kubw’ibyo yakoze byose.

Wubahe Imana

Urugendo rwacu rw’ umunsi rurarangiye. Reka dusengere hamwe kugira ngo twubahe Imana yacu.

"Data, mbega ubwiza n’icyubahiro uteganyiriza abagutinya, abahungira muri wowe barakomera. Kuko ubwami n’ububasha n’icyubahiro ari ibyawe none n’iteka ryose. Amen!

Source: www.topchretien.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?