Itandukaniro ry’abizera n’abatizera

Kwamamaza

agakiza

Itandukaniro ry’abizera n’abatizera


Yanditswe na: Ubwanditsi     2021-09-10 02:36:39


Itandukaniro ry’abizera n’abatizera

Arabasubiza ati “Mwebweho mwahawe kumenya ubwiru bw’ubwami bwo mu ijuru ariko bo ntibabihawe“ Matayo13:11

Iri jambo Yesu yarivuze ubwo abigishwa be bamusobanuzaga umugani w’umubibyi yari amaze kwigisha, mbere yo kuwusobanura abanza kubibutsa amahirwe bagize kubwo gutoranywa mu bandi.

Kubana na Yesu ni amahirwe adasanzwe twagize mu gihe cyose tubihaye agaciro kuko bifite umusaruro wo kubaho neza muri ubu buzima, kuba mu mahoro atemba nk’uruzi twahawe, ndetse na nyuma y’ubuzima twizeye kubana iteka nawe.

None rero bene data, ubwo bimeze bityo byaza ayo mahirwe umusaruro wumva umwigisha kuko kumenya icyo agusaba no kugishyira mu bikorwa nizo mbaraga zawe.

Ikindi kandi ubwo wabihawe, ntukifate nk’abatarabihawe kuko mufite ikibatandukanye kubw’icyo mwakiriye gitandukanye. Kandi tubiziranyeho ko no mu buzima busanzwe umuntu wize ubasha kumutandukanya byoroshye n’utarageze mu ishuri. Yesu yaragize ati: “Sinsaba ko ubakura mu isi, ahubwo ubarinde Umubi." Yohana 17:15

Ariko mwebweho, abifatanije n’Uwiteka Imana yanyu muracyariho mwese uyu munsi. Gutegeka kwa kabiri 4:4

Hano turi kuhabona irindi jambo ryatandukanyije abisirayeli bamwe ku bandi aho mu gihe cy’uruzerero rwo mu butayu benshi bananiwe bakimura Imana ya Isirayeli ariko Abifatanije nayo Mose ahamije ko byabateye gukomeza kubaho.

Natwe abakiri mu ntambara zo mu isi dukwiriye kumenya ko kwifatanya n’Imana tukayumvira muri byose, ari byo bizadushoboza kunyura mu butayu bw’ubuzima bwose budutegereje. Kuko Imana yacu niyo soko y’amazi azatuma tudakamywa n’ibihe k’ubw’umwuma, kandi niyo soko y’umutsima utera abantu bayo imbaraga bagakomera.

Ikomeze ku mana ujye uyitegereza n’ubwo waba uri mu mwijima utuma utayibona, kuko abayitegereza bagenda bagwiza imbaraga.

Iyi inzira itagaragara hakaba mu kabwibwi, Yesu ati njye ndi kumwe nawe ntumukureho amaso, ujye umuhanga amaso, ajya arinda umutumbiriye kumanywa na nijoro

"Abasore b’imigenda bazacogora baruhe, n’abasore bazagwa rwose. Ariko abategereza Uwiteka bazasubizwamo intege nshya, bazatumbagira mu kirere bagurukishe amababa nk’ibisiga, baziruka be kunanirwa, bazagenda be gucogora.” Yesaya 40:30-31. Imana iguhe umugisha!

Source: Cepurnyarugenge.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?