Iran:Abantu barenga miliyoni bahindutse(...)

Kwamamaza

agakiza

Iran:Abantu barenga miliyoni bahindutse abakristo


Yanditswe na: Ubwanditsi     2020-09-23 05:36:19


Iran:Abantu barenga miliyoni bahindutse abakristo

Mu bushakashatsi buherutse gukorwa ku mu baturage b’igihugu cya Irani bagera ku 50.000 barengeje imyaka 20, bwagaragaje ko1.5% by’ababajijwe bavuga ko ari Abakristo.

Igihuugu cya Irani gituwe n’abarenga miliyoni 80, umubare w’abakristo urimo kugenda uzamuka. Ibi ni ibyatangajwe n’itsinda ry’ubushakashatsi GAMAAN.

Open Doors USA, Umuryango uharanira gukumira itotezwa ku isi, uvuga ko kugeza ubu, nta bushakashatsi bwimbitse bwakozwe kugira ngo bwemeze ibivugwa ku mubare w’abakristu bo muri Irani. Uyu muryango ubitangaza ugira uti:“Urebye ingaruka nyinshi zatewe no kuva muri Islamu muri Irani, ibigereranyo byakozwe n’imiryango ya gikirisitu mu myaka icumi ishize byashingiye gusa ku bantu bacye bahindutse ahanini biturutse ku gukurikira televiziyo za gikristo".

Itsinda rishinzwe gukurikirana imiryango idaharanira inyungu mu ngingo ya 18 ryagize riti: “Niba iyi mibare yarabonetse mu baturage barenga miliyoni 80 bo muri Irani, bityo urebye abakirisitu bagera ku 300.000 bamenyekanye bakomoka mu gihugu cya Arumeniya na Ashuri, ibi byerekana ko miliyoni imwe y’abantu bahindukiriye Kristo”.

Mike Ansari wo kuri Mohabat TV, minisiteri ikwirakwiza Ubutumwa Bwiza muri Irani, yaravuze ati: “Abanyairani bateye umugongo imyizerere yabo, maze bakira Ubukristo nk’ukwizera kwabo gushya. 1.5% bigaragara nk’umubare munini, ariko kuba umukristo mu gihugu gifunze kandi gitoteza Abakristo, iyo mibare ni ikimenyetso gikomeye cyerekana ubutumwa bwiza bukomeje gutera imbere”.

Ansari yatangarije The Christian Post mu mwaka wa 2018 ko Irani ifite amatorero yasigaye inyuma cyane ku isi, kandi ko abantu babarirwa mu magana babazaga ibya Yesu buri munsi. Ariko uko gushaka gukura mu by’umwuka kwatumye habaho gutotezwa gukomeje ndetse gufata intera.

Irani ni repubulika ya kisilamu kandi Islam ni idini ryemewe ry’igihugu. Birabujijwe ko abayisilamu bahindura cyangwa bakareka imyizerere yabo. Guhinduka mubuyisilamu bifatwa nk’icyaha gihanishwa urupfu. Birabujijwe kandi ko abakristo babwira ubutumwa bwiza abayisilamu. Guhindura abaislamu bakaba abakristo bihanishwa igihano cyo kwicwa.

Abahindutse Abakristo kwizera kwabo babikora rwihishwa. Amatorero yo mu nzu akunze gukurikiranwa no kugabwaho ibitero ndetse n’abakristu benshi barafungwa, Open Doors yabigaragaje ku rutonde ngarukamwaka rw’isi, yashyize Irani ku mwanya wa cyenda mu bihugu bitoteza abakristo.

Uru rutonde ruje mu gihe amatorero menshi yo mu rugo yagabweho igitero. Raporo yo kuwa 1 Ugushyingo 2018, kugeza ku ya 31 Ukwakira 2019. Muri icyo gihe, Open Doors ivuga ko nibura abakristo 169 bafunzwe muri Irani.

Raporo yerekanye ko Irani ibuza ibikorwa by’itorero rikoresha ururimi rw’igiperesi ndetse bakangiza n’ibikoresho by’idini, kandi bakabategeka gufunga ibikorwa byabo. Raporo yongeraho ko amategeko ahana y’igihugu akoreshwa mu gutoteza abakirisitu.

Muri uku kwezi, abakirisitu batatu bahindutse bakareka amahame y’idini ya Islamu, bakatiwe igifungo cy’imyaka 35 bazira ukwemera kwabo, ndetse bahunze igihugu nyuma yuko urukiko rwanze ubujurire bwabo.

Nk’uko ikinyamakuru mpuzamahanga cy’abakristu kibarizwa muri Amerika kibitangaza ngo aba bantu batatu bahindutse bitwa Kvian Fallah-Mohammadi, Hadi Asgari na Amin Afshar-Naderi, bashinjwaga ibyaha bifitanye isano no kwizihiza Noheri yo mu Kuboza 2014.

Abagabo batatu bahunze igihugu cya Iran, mu byumweru byakurikiyeho abandi bakristo babiri Pasiteri n’umugore we bategetswe guhunga nyuma y’uko ubujurire bwabo bwanzwe Urukiko Mpuzamahanga Mpanabyaha ICC, rwatangaje ko guhunga kw’abakristu batanu bibaye mu gihe cy’ibyumweru bike, ari biragaragara cyane ko imanza zabo ari zimwe mu zamenyekanye cyane mu muryango w’abakristu batotezwa na Irani”.

Source: www.christianpost.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?