Inzira 4 Satani ari gukoresha aturwanya muri(...)

Kwamamaza

agakiza

Inzira 4 Satani ari gukoresha aturwanya muri iyi minsi


Yanditswe na: Ubwanditsi     2021-06-22 06:00:34


Inzira 4 Satani ari gukoresha aturwanya muri iyi minsi

Muri iyi minsi tugeze mugihe ikoranabuhanga rikataje, Satani yahagurukiye kurwanya abakristo akoresheje ubushukanyi bunyuze mu nzira zose zishoboka kugira ngo ayobye intore z’Imana. Abana b’Imana dukwiriye kuba maso tugasibira umwanzi amayira kuko ashaka kutubuza ubugingo buhoraho.

Ezekiyeli 28: 12-17 hasobanura kugwa kwa Satani ava mu ijuru. Lusiferi yari umutware w’umukerubi wuzuye ubwenge n’ubuntu, “Lusiferi” bisobanurwa ngo “inyenyeri yo mu gitondo”. Kubera ubwiza bwe n’ubuntu bwe bwinshi, yarigometse bituma acibwa yirukanwa mu ijuru, ajugunywa mu isi.

Nyuma yo gucibwa Lusiferi ari we Satani yamanukanye umugambi wo kurimbura ibyiza byose - cyane cyane abantu bakunda Imana. Afite imbaraga zikomeye muri iki gihe nk’uko byahoze, kandi tugomba kuzirikana amayeri ye mabi kugira ngo tubashe kumutsinda.

Ni muri urwo rwego tugiye kurebera hamwe inzira 4 Satani ari gukoresha arwanya abana b’Imana muri iyi minsi:

1. Satani atwemeza ko atabaho:

"Amayeri akomeye Sekibi yigeze gukuramo ni ukwemeza isi ko atabaho" Ibi ni ibyagaragaye muri filime yo mu 1995 yitwa "The Usual Suspects", umuhanga muri tewolojiya CS Lewis uzwi cyane, yabigarutseho yerekana isano iri hagati ya Satani mukuru na Satani muto. Lewis yagerageje kuvuga ku bubi bwa Satani n’amayeri akoresha kugira ngo abantu babashe kumwirinda.

Byaba byiza dukomeje kurinda ukuri k’Ubutumwa Bwiza. Niba Bibiliya ikuburira ku byerekeye Satani, fata ibi nk’ukuri kandi nk’ubwenge bukomeye buturuka mw’Ijambo ry’Imana ntugashidikanye kuko Satani ashobora kugutwara ubugingo bwawe.

2. Satani ateza imbere ibinyoma:

Bibiliya itubwira ko kubeshya ari umuzi w’ibyaha byose. Yesu abayobozi benshi b’amadini y’Abayahudi bo mu gihe cye bamushidikanyaga kumugaragaro kandi barwanyaga ubutumwa bwe bukiza. Yohana 8:44 Yesu yabasangije amagambo akomeye ati “Mumeze nka so Satani; kandi mumara umwanya wanyu mukurikirana ibintu so akunda. Yatangiye ari umwicanyi, kandi ntashobora kwihanganira ukuri kuko nta kintu na kimwe afite. Intandaro y’imiterere ye ni umubeshyi, ibyo avuga byose bikomoka muri ibyo binyoma kuko ari we se w’ikinyoma”.

Mubyukuri, twizera ko ibinyoma bidutandukanya n’Imana, si ibyo gusa ahubwo ibinyoma bidutandukanya na bagenzi bacu. Ni yo mpamvu dukwiriye kugendera kure icyaha cyo kubeshya bityo tugahashya Satani.

3. Satani adushukisha ubutunzi:

Amafaranga afata umwanya munini mu buzima bwacu, kandi Satani na we arabizi. Akoresha amafaranga buri mwanya na buri munsi ku isi yose, Satani kuko ari umwanzi wacu atuma dutwarwa n’irari ry’amafaranga kugira ngo twibagirwe urukundo rw’Imana. Tugomba kumera nka Yesu, kandi tukirinda gutwarwa n’irari ry ’amafaranga, ahubwo tukitoza kumvira Imana no gufasha abandi.

4. Satani aradushuka:

Bibiliya ibivuga neza mu gitabo cy’Itangiriro 3:1 aho bivugwa ko inzoka yari inyamayeri kurusha izindi nyamaswa zose Imana yaremye. Mwibuke ko Inzoka yabwiye Eva iti “Ese koko Imana yaravuze ngo ntugomba kurya ku giti icyo ari cyo cyose cyo mu busitani?”.

Satani Yagerageje gutera urujijo Eva, aramushuka ndetse amuhuma amaso amujyana kure y’ibyiza Imana yamugeneye.

Satani yakomeje amayeri ye nyuma yuko Eva yemeje ko Uwiteka yamubwiye ko azapfa aramutse ariye imbuto z’igiti kibujijwe. Inzoka yasutse umugore imubwira ko atazapfa rwose, ahubwo ko amaso ye azahumuka kandi azaba nk’Imana akamenya icyiza n’ikibi.

Natwe nk’abakristo Satani ntashobora kudutinya kuko ameze nk’intare izerera ishaka uwo iconcomera, anyura mu nzira zose zishoboka zituma atunyaga ukuri kw’Imana.

Muri macye dukwiriye gusaba Uwiteka akaduha Umwuka w’ubwenge kugira ngo duhishurirwe amayeri yose Satani akoresha agamije kugusha abera b’Imana. Nidushyira hamwe tugasenga ndetse tukera imbuto zikwiriye abihannye, tuzabasha guhashya amayeri yose ya Satani.

Source: https://www.crosswalk.com/

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?