Inyungu z’umusaraba wa Kristo mu buzima(...)

Kwamamaza

agakiza

Inyungu z’umusaraba wa Kristo mu buzima bwawe


Yanditswe na: Ubwanditsi     2021-01-18 07:36:46


Inyungu z’umusaraba wa Kristo mu buzima bwawe

Wigeze uhura n’umuntu usa nk’ufite iriba ry’ibanga ry’ibyiza, umugisha, n’umunezero mu buryo bwimbitse imbere muri we?. Ahari abavandimwe cyangwa abajyanama cyangwa abo mukorana, ubona bahorana ibyishimo no kunyurwa, bababayeho mu buzima bwiza?.

Bishobora gusa nk’aho bigutungura ariko ugomba kumenya ko Yesu ari we urema amahoro n’ibyishimo aho uri hose. Hari inyungu zidashikanywaho zizanwa no kwakira Kristo Yesu nkuko tugiye kubirebera hamwe.

Kristo atura muri wowe!

Abagalatiya 2:20 ni bumwe mu buhamya bukomeye dusanga muri Bibiliya.

“Nabambanywe na Kristo ariko ndiho, nyamara si jye uriho, ahubwo ni Kristo uriho muri jye. Ibyo nkora byose nkiriho mu mubiri, mbikoreshwa no kwizera Umwana w’Imana wankunze akanyitangira.”

Iyo wakiriye Kristo muri wowe ntuba ukiri umuntu wa kera. Imyifatire yawe yakera y’ibitekerezo by’inyungu zawe bwite, irari, n’ibyifuzo byawe bibambanwa na Kristo. Aha niho ushobora kubaho ubuzima bwa Yesu Uhoraho, hanyuma isoko y’amahoro n’ibyishimo biva mu ijuru bikagukingukira.

Wakira imbaraga z’Imana muri wowe

Iyo Yesu aba yarabayeho akurikije umubiri wa kamere n’ ubushake bwa muntu, iyo atemera kwakira umusaraba, ubwenge bw’Imana ntabwo bwari kuza muri we. Iyo biba bityo ntabwo yari gushobora kutubera Umukiza. Ariko kuko Yesu yari umwizerwa akemera umusaraba no kwiyambika ishusho y’umuntu, yahindutse imbaraga z’Imana n’ubwenge bw’Imana.

Hariho Umuhuza umwe gusa hagati y’Imana n’umuntu: ” Kuko hariho Imana imwe, kandi hariho Umuhuza umwe w’Imana n’abantu, na we ni umuntu, ari we Yesu Kristo” . (1 Timoteyo 2: 5.)

Wibuke ko Yesu yari umuntu ariko Kandi yari umwizerwa. Yabaye umwizerwa kuburyo budasanzwe ku Mana. Urwo nirwo rukundo rw’itegeko rya mbere, gukunda Imana n’umutima wawe wose n’ubwenge bwawe bwose n’ibintu byose biri muri wowe. Nibyo bisobanura gukundisha Imana umutima wawe wose.

Hanyuma Imana izagukomeza n’imbaraga zayo. Ntabwo ari imbaraga zimwe gusa, ntanubwo ari imbaraga nkeya, ahubwo ni imbaraga zayo zihambaye izagukomeresha.

"Ngo amaso y’imitima yanyu abone uko ahweza mumenye ibyo mwiringizwa n’Iyabahamagaye, mumenye n’ubutunzi bw’ubwiza bw’ibyo azaraga abera, mumenye n’ubwinshi bw’imbaraga zayo butagira akagero, izo iha twebwe abizeye nk’uko imbaraga z’ububasha bwayo bukomeye ziri, izo yakoreye muri Kristo ubwo yamuzuraga mu bapfuye ikamwicaza iburyo bwayo ahantu ho mu ijuru" Abefeso 1: 18-20.

“Ni inde ushobora kuturwanya?” Paulo aravuga ngo " None ubwo bimeze bityo tuvuge iki? Ubwo Imana iri mu ruhande rwacu umubisha wacu ni nde?"(Abaroma 8:31.)

Niba uri muri Kristo Yesu neza, ufite isoko itagira ingano y’imbaraga mu buzima bwawe. Iyo ukoresheje izo mbaraga kugira ngo umuntu wawe wa kera abambwe, kandi utsinde irari n’ibyifuzwa byose byu’mubiri wawe, ibyo bizakubera umugisha kubantu bose bagukikije.

Imana izaguha imbaraga n’ubuntu bihagije, kandi ntawe ushobora kugenzura ibyo kubwe. Ariko kubw’ubuntu bw’Imana uzabaho mu mbaraga zayo no kuyoborwa na yo.

Source: ActiveChristianity.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?