Indyo yuzuye irimo n’imbuto igira uruhare mu(...)

Kwamamaza

agakiza

Indyo yuzuye irimo n’imbuto igira uruhare mu kurinda umuntu kuzahazwa na Covid-19


Yanditswe na: Ubwanditsi     2021-01-15 09:15:51


Indyo yuzuye irimo n’imbuto igira uruhare mu kurinda umuntu kuzahazwa na Covid-19

Ubusanzwe kugirango umuntu agire amagara mazima, aba agomba kurya indyo yuzuye igizwe n’ibyubaka umubiri, ibirinda indwara ndetse n’ibitera kandi muri byo harimo imbuto zigira uruhare rukomeye mu kurwanya imirire mibi.

Abahanga bavuga ko imbuto ari ingenzi cyane mu kuzuza indyo umuntu akwiriye gufata, kugira ngo yirinde ikibazo cy’imirire mibi, ari na yo ntandaro y’igwingira ku bana bakiri bato.

Ku rubuga sante.lefigaro.fr , bavuga ko imbuto n’imboga bikungahaye cyane ku byitwa ‘fibres’, za vitamine, ubutare butandukanye ndetse na za ‘antioxydants’, ibyo byose bikaba bihuriza hamwe mu kurinda umubiri w’umuntu kuba wahura n’ibibazo bitandukanye.

Ku rubuga https://theconversation.com , bavuga ko indyo yuzuye irimo n’imbuto yagira uruhare mu kurinda umuntu kuzahazwa n’icyorezo cya Covid-19, gihangayikishije isi muri iki gihe.

Bavuga ko uretse izindi ngamba zo kwirinda icyo cyorezo, zirimo gukaraba intoki kenshi no kwita ku isuku, guhana intera hagati y’abantu ndetse n’urukingo mu gihe ruzaba rubonetse, ariko ngo no kugira ubudahangarwa bw’umubiri bukora neza kandi bukomeye, ngo byarinda umuntu gufatwa n’icyorezo cya Coronavirus.

Kugira ngo umuntu agire ubwo budahangarwa bw’umubiri bukora neza kandi bukomeye, ngo ni ngombwa ko aba arya neza indyo yuzuye, kandi ikize ku mbuto. Iyo umuntu afata indyo yuzuye, ngo n’iyo bibaye ngombwa ko ahabwa imiti yarwaye, ubudahangarwa bw’umubiri bufatanya n’iyo miti ,bityo uwari urwaye ntazahare.

source:https://theconversation.com, kigalitoday.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?