Indirimbo ya Mose yaririmbwe rimwe gusa Imana(...)

Kwamamaza

agakiza

Indirimbo ya Mose yaririmbwe rimwe gusa Imana ihita iyitwara! Sobanukirwa iby’indirimbo 2 tuzaririmba tugeze mu ijuru-Pst Desire Habyarimana


Yanditswe na: Ubwanditsi     2021-08-26 08:40:14


Indirimbo ya Mose yaririmbwe rimwe gusa Imana ihita iyitwara! Sobanukirwa iby’indirimbo 2 tuzaririmba tugeze mu ijuru-Pst Desire Habyarimana

"Mbona igisa n’inyanja y’ibirahuri bivanze n’umuriro, mbona n’abatabarutse banesheje ya nyamaswa n’igishushanyo cyacyo n’umubare w’izina ryayo, bahagaze kuri iyo nyanja y’ibirahuri bafite inanga z’Imana, baririmba indirimbo ya Mose imbata y’Imana n’indirimbo y’Umwana w’Intama bati “Mwami Imana Ishoborabyose, imirimo yawe irakomeye kandi iratangaje. Mugabe w’amahanga, inzira zawe ni izo gukiranuka n’ukuri." Ibyahishuwe 15:3

Mu nyigisho turimo turiga duhuza gucungurwa kw’Abisiraheli muri Egiputa, no gucungurwa kwacu nk’itorero, turagaruka ku ndirimbo 2 tuzaririmba ni tugera mu juru. Turarebera hamwe kandi aho izo ndirimbo zihuriye n’aho zitandukaniye, ese ubundi twe turimo kurepeta dute ko haririmba uwarepese?

Igihe Abisiraheli bavaga muri Egiputa bambuka inyanja itukura, bari miliyoni ebyiri n’igice(2500000), bose baririmbye indirimbo imwe batari baturanye. Ese umuntu yarepetesha abantu banga batyo gute?

Mu myaka 430 Abisiraheli bamaze muri Egiputa, buri wese yarepetaga ku giti cye! Iyo ndirimbo rero barimo baririmba yakoze kumutima w’Imana ihita iyitwara mu i Juru. Izongera kuririmbwa nihongera kubaho gucungurwa na none (Igihe tuzaba twambuwe umubiri). Abantu bose bazaba bavuye mu isi tuzaririmba Idirimbo y’Umwana w’inatama: Abari muri Aziya, Oseyaniya, Amerika no muri Africa,... Twese ubu turi kurepeta buri wese ari iwe, buri wese mu byo anyuramo. Uwo munsi twese tuzaririmba Indirimbo y’Umwana w’Intama tuyihuriyeho, ngo hazahita hongerwaho n’iya Mose.

Ese Itorero turimo kurepeta dute? Dore uko Abisiraheli bo barepese

Abisiraheli bo kurepeta kwa bo birababaje kuko byari umubabaro: Kwari ugupfa, kwari ukurya bigoranye,... byari umubabaro! Ariko bahoraga bataka kugeza ubwo gutaka kwabo kwazamukaga kukagera ku Mana. Hano mu isi intwari irataka inyinyiriwe, n’ubundi itorero riri mu mubababaro. Mu byukuri umugeni wa Kristo w’ukuri, aho ari ntekereza ko afite imibabaro itandukanye kandi iteye ubwoba! Bamwe bari mu mibabaro itandukanye, barimo kunyura mu bigeragezo.

Ku rubu, mu karere k’ibiyaga bigari nta gutotezwa kuhagaragara, ariko nk’umuntu uri muri Somaliya ibi mvuze arabyumva, uri muri Sudani, Irac cyangwa Arabiya Sawudite ibyo mvuze arabizi! Ariko na hano naho ntitwavuga ngo ntibihari, urugero: Umupagani iyo agize irari ahita asambana akaruhuka, iyo Umuntu adakijijwe ntabwo yabura amafaranga, aba afite ukuntu agabanyaho akagavura! Ariko umukristo arihangana agapfira muri Nyagasani agasenga. Yewe n’ijambo ry’Imana hari abantu baricuritse barakira! Bagura amamodoka meza, bubaka amazu meza,... bareba wowe utabikora bakabona uri nk’injiji.

Indirimbo ya Mose n’iy’Umwana w’intama tuzaririmba, zifite aho zitandukanira kuko zaririmbwe mu bihe 2 bidahuye, ariko zifite aho zihurira:

Indirimbo ya Mose bayiririmbye bavuye muri Egiputa, bagiye muri Kanani yo mu isi. Twebwe tuzaririmba indirimbo y’Umwana w’Intama tuvuye mu isi burundu tugiye muri Kanani y’Ijuru. Izo ndirimbo ni aho zitandukaniye ariko aho zihuriye ni ku gucungurwa.

Mose ntabwo ari mu bacunguwe n’amaraso, azaba ari umukwe mukuru ariko na we azaririmba. Nituva inaha(mu Isi) tuzaririmba indirimbo y’abacunguwe, urumva rero umukwe mukuru(Mose)ntabwo yareka kuririmba. Abasaza bazaba bicaye mu ntebe z’icyubahiro, uhereye kuri Abeli, Mose, Aburahamu, bazaba bari hafi aho. (Mundebere iyo shusho!)

Uko urimo kurepeta kose: Umubabaro, ibigeragezo, intambara zitari zimwe, n’ibindi birushya umugenzi ujya mu ijuru, ntibikakwibagize ko hariho kanani y’i Juru tuzatahamo kandi hano mu isi siho iwacu.

Kurikira hano Pasiteri Desire Habyarimana, aradufasha guhuza gucungurwa kw’Abisiraheli no gucungurwa kwacu mu isezerano rishya, n’icyo bikwiye kutumarira. Ni mu kiganiro na Agakiza TV

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?