Imwe mu miryango ya Bibiliya ku isi ihangayikishijwe no gufunga bitewe na COVID 19

Kuba ubukungu bw’isi bwarashegeshwe bikomeye n’icyorezo cya coronavirus byatumye imiryango myinshi ya Bibiliya ku isi igira ibyago byo gufunga.

Ingaruka zo gufunga (lockdown) mu bihugu byinshi byahagaritse kugurisha Bibiliya binyuze mu miryango itandukanye ya Bibiri mu isi, ni mu gihe kandi ibi binabangamira imirimo ikomeye yo gukusanya inkunga yo gushyigikira Bibiliya byakorwaga mu matorero atandukanye .

Mu bihugu bimwe na bimwe, nka Jordan, Burkina Faso na Egiputa, ni hamwe mu hantu hazwi abantu bashobora kugura Bibiliya. Muri ibi bihugu kandi niho hantu nyamukuru hahindurirwa Bibiliya mu zindi ndimi, ikindi bunganira mu gutanga ubufasha mu matsinda mato mato yita ku bana bo mumuhanda, abafite ubumuga bwo kutabona ,kwigisha abatazi gusoma no kwandika.

Umuryango wa Bibiliya washinzwe mu 1804 n’abakangurambaga b’abakristu, barimo William Wilberforce, Muri iki gihe hirya no hino ku isi hari imiryango 150 ya Bibiliya ikora nubwo irimo guhangana n’ingaruka Covid 19 yateje, kubera ko imiryango 88 muri 150 yabashaga kugera ku bantu miliyoni 245 ibangamiwe no gufunga.

Gahunda yo gukusanya miliyoni 5 z’ama pound ubu yatangijwe n’umuryango wa Bibiliya mu Bwongereza kugira ngo izahure Imiryango ya Bibiliya ifite ibyago byinshi, ku ikubitiro amafaranga ya mbere yamaze guteganyirizwa Gambiya, Sri Lanka na Costa Rica.

Umuyobozi w’ubutumwa mpuzamahanga bw’umuryango wa Bibiliya, Oldi Morava, mu Bwongereza, yagize ati: "Muri ibyo bihugu byose, Bibiliya igira ingaruka nziza ku mibereho y’abantu, kandi ishobora guhindura ubuzima bw’abantu n’imiryango yabo mu buryo butangaje.

"Niba iyi Miryango ya Bibiliya ifunze, dushobora kuzahura n’ikibazo aho Bibiliya itazakwirakwizwa mu bihugu bimwe na bimwe kandi hashobora kubaho akaga gakomeye ko imiryango y’Abakristo itazabona Bibiliya, bishobora kuzatera gusubira inyuma no kugwa ku bakristo n’abizera Imana, kadi n’ ubutumwa bwiza bushobora kudindira.

Yongeyeho ati: "Umuryango wa Bibiliya umaze imyaka isaga 200 ukora. Twanyuze mu ntambara ebyiri z’isi ndetse n’icyorezo cy’ibicurane mu 1918. Byose twabicagamo tugakomeza. Byaba biteye ubwoba rero iyi miryango imwe n’imwe ya Bibiliya ku isi ifunze burundu kubera icyorezo cya coronavirus. "

[email protected]

Source: Christian Today