Impinduka muri ADEPR: Itorero ry’Akarere(...)

Kwamamaza

agakiza

Impinduka muri ADEPR: Itorero ry’Akarere ryakuweho, indembo ziraseswa zigirwa icyenda


Yanditswe na: Ubwanditsi     2020-12-23 08:47:29


Impinduka muri ADEPR: Itorero ry’Akarere ryakuweho, indembo ziraseswa zigirwa icyenda

Itorero rya ADEPR ryakoze impinduka mu nzego zayo zitandukanye rikuraho amatorero y’uturere yari asanzwe ari 30 ndetse indembo zari zisanzwe ari eshanu zagizwe icyenda.

Ni impinduka za mbere zakozwe na Komite y’Inzibacyuho ya ADEPR imaze amezi abiri ihawe inshingano.

Mu ibaruwa yo ku wa 23 Ukuboza 2020 yasinyweho n’Umuvugizi wa ADEPR, Pasiteri Ndayizeye Isaïe, igaragaza ko iki cyemezo cyafashwe gishingiye ku ibaruwa y’Urwego rw’Igihugu rw’Imiyoborere, RGB, ishyiraho komite nshya y’inzibacyuho muri ADEPR ifite inshingano zo kuvugurura iri torero mu ngeri zitandukanye z’imiyoborere.

Aya mavugurura agomba gukorwa mu miyoborere, amategeko, inzego z’imiyoborere ndetse n’inzego z’imirimo, imikoranire n’imikorere muri ADEPR no kwemeza no gushyira mu bikorwa amavugurura muri ADEPR.

Ikomeza ivuga ko Komite y’Inzibacyuho ishingiye ku isesengura yakoze nyuma y’ibitekerezo n’ibyifuzo byatanzwe n’abanyetorero, inashingiye ku byavuye ku bugenzuzi bwakozwe ku mikorere n’imiyoborere by’itorero igasanga urwego rw’akarere rwari rusanzweho n’ururembo rwari rusanzweho bifite inshingano zimwe.

Kandi, imikorere yazo idafasha itorero kugera ku nshingano ahubwo bikaba umutwaro kuri ryo, ‘komite y’inzibacyuho ikuyeho urwego rw’itorero ry’akarere n’urw’ururembo rwari rusanzweho’.

Mu rwego rwo kugeza itorero ku ntego zaryo iyi komite, yashyizeho ururembo ruvuguruye ruzahurizwamo inshingano zari zisanzwe muri izo nzego zombi zakuweho.

Source: Igihe.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?