Uzi ko igitunguru kibisi ari ingenzi?

Kwamamaza

agakiza

Uzi ko igitunguru kibisi ari ingenzi?


Yanditswe na: Ubwanditsi     2020-11-26 06:52:27


Uzi ko igitunguru kibisi ari ingenzi?

Igitunguru ni kimwe mu biribwa bifitiye akamaro kanini umubiri wa muntu bikarushaho iyo umuntu akiriye ari kibisi. Tumenyereye kurya igitunguru gihiye mu biryo ariko kandi iyo ari kibisi ni bwo kigira akamaro kenshi.

Abantu benshi batinya igitunguru kibisi bitewe n’uko kigira amazi y’umweru aba hagati muri rwo aryana. Mu biryo turya akenshi igitunguru kibisi kiribwa muri salade kiri kumwe n’ibindi.

Mu bantu ijana barya igitunguru makumyabiri ni bo barya igitunguru kibisi, ahanini abantu baragitinya ariko nyamara ni cyo gifite ibyo umubiri ukeneye.

Dore akamaro igitunguru kibisi gifitiye umubiri:

1) Gifasha umutima gutera neza bitewe n’uko kibitsemo ubushobozi buha imbaraga umutima mu gukora akazi kawo.

2) Gikungahaye kuri Vitamine C ifasha uruhu gukomera ndetse no gukira vuba mu gihe rwakomeretse.

3)Igitunguru kibisi kirinda cancer cyane cyane ifata amara.

4) Gikungahaye ku ntungamibiri zifasha kugabanya isukari mu maraso bityo amaraso atembera mu mubiri akaba asukuye atatera indwara.

5)Igitunguru kibisi kivura ibicurane iyo ukivanze n’ubuki ndetse n’indimu.

6)Iyo uriye neza igitunguru kibisi kirinda kuva imyuna.

7) Igitunguru kibisi gifasha umuntu urwaye kugira apeti yo kurya ndetse ntanagarure ibyo yariye birimo n’imiti yanyoye.

8) Uduheri ndetse n’izindi ndwara zifata uruhu igitunguru kibisi kirazivura kandi kikanazirinda gufata uruhu.

9) Guhekenya igitunguru kibisi gifasha gukomeza amagufa yo mu mubiri.

10) Ku bantu bifuza kugabanya ibiro igitunguru kibisi kibafasha gukamura ibinure.

Mubyukuri rero ni ngombwa kurya igitunguru kibisi kuko gifitiye umubiri akamaro kandi kirinda indwara zimwe na zimwe.

Src:www.healthline.com, inyarwanda.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?