Hatangajwe Inzira 10 ushobora gukoresha(...)

Kwamamaza

agakiza

Hatangajwe Inzira 10 ushobora gukoresha usengera Afuganisitani n’abakristo bayo


Yanditswe na: Ubwanditsi     2021-09-21 08:55:09


Hatangajwe Inzira 10 ushobora gukoresha usengera Afuganisitani n’abakristo bayo

"Bizatuma amahanga yubaha izina ry’Uwiteka, N’abami bo mu isi bose bakubaha icyubahiro cyawe, Kuko Uwiteka azaba asannye i Siyoni, Kandi abonekanye icyubahiro cy’ubwiza bwe, Yitaye ku gusenga kw’abatagira shinge na rugero, Adasuzuguye gusenga kwabo." Zaburi 102: 16-17

Nkuko amakuru y’abatalibani akomeje gutera ubwoba muri Afuganisitani, biroroshye cyane kumva ko n’itorero ryaho ritorohewe. Nubwo abavandimwe na bashiki bacu mu wuka muri ibyo byose barimo gucamo biteye ubwoba, ariko kwizera, Kandi ikintu kimwe basaba itorero ryo ku isi yose kuri ubu ni amasengesho yacu. Ubu ni uburyo 10 dushobora kwerekezamo amasengesho yacu dusabira benedata:

1. Sengera abizera bahagumye. Igihe abatalibani bigaruriraga igihugu, abakristo benshi barahunze. Ariko abandi bahisemo kuguma kuba umuhamya wa Nyagasani, ntibatinya gukomeza kwerekana Yesu Kristo bizeye. Sengera aba bagabo n’abagore b’intwari bagire: Amahoro, ituze n’ umutekano, imbaraga n ’amahirwe’ muri iki gihe barimo gushyirirwaho amategeko mashya.

2. Sengera abahunze igihugu. Saba ko bazakomeza kuba abizerwa muri Kristo Yesu, kandi ko ubuzima bwo mu Burengerazuba aho bahungiye butazagabanya kwizera kwabo gukomeye.

3. Sengera abakobwa n’abagore. Kubera ko aba ari nzirakarengane bafite intege nke cyane ku butegetsi bw’abatalibani. Benshi bafite ubwoba ko amashuri yabo azahagarara ndetse bagakoreshwa n’ibikorwa by’urukozasoni(Gufatwa ku ngufu). Bamwe ngo batwitse impamyabumenyi zabo kugira ngo bahishe ko bakandagiye mu ishuri. Senga rero kugira ngo batazabura uburyo bwo gukomeza kwiga.

4. Sengera umutekano mu gihe barimo guhamya kwizera kwabo ariko mu ibanga rikomeye. Ubundi Kuba umukristo ku mugaragaro muri Afuganisitani, ni igihano cyo kwicwa! Kandi bashaka cyane abizera rwihishwa. Guhinduka ’umuhakanyi’ bitekerezwa ko biba biteye isoni ku muryango wawe kandi kukwica kubwo guhinduka ukava ku mahame yabo birasanzwe.

5. Sengera benedata bo mu mwuka. Nabwo ari abizera mu mwuka bo muri Afuganisitani gusa, ahubwo sengera itorero ry’isi yose berekane urukundo rwa Kristo Yesu ku banya Afganistan bahunze nk’impunzi.

6. Senga haboneke ibiryo. Mu gihe ku isi hagiye haba intambara n’amakimbirane, abantu barashonje. Ishami ry’umuryango w’abibumbye ry’ibiribwa ku isi, ritewe impungenge ko bitewe n’amapfa n’inzara, abantu miliyoni 14 muri Afuganisitani bashobora kuzahura n’inzara! Senga usaba witeka guha ibiryo n’ibikenewe byose benedata n’abaturage ba Afuganisitani.

7. Sengera Covid-19 muri Afuganisitani. Umuyobozi mukuru w’ishami ry’ubuzima rusange mu gihugu aherutse kwiyemerera ko ibigo nderabuzima birimo gusenyuka, umubare w’inkingo urimo kugabanuka, kandi ko hakomeje kubura ogisijeni. Saba Yesu Kristo agire icyo akora

8. Sengera abafatanyabikorwa bacu hamwe n’abakorerabushake: Imana ibategurire ku murimo ukomeye wo gukorera impunzi zigera mu bihugu byegeranye na Afghanistani. Saba Imana babone impushya banemererwe gutanga ubufasha ku mpunzi ziri mu nkambi.

9. Senga kugira ngo hatabaho ibitero by’iterabwoba. Muri Kanama gushize, ibisasu bibiri byaturikiye hafi y’ikibuga cy’indege byahitanye abaturage barenga 60 n’abasirikare 13 b’Amerika. Ibi bisasu byigambwe na Leta ya Kisilamu i Khorasan, umutwe w’intagondwa utavuga rumwe n’abatalibani. Saba Uwiteka Nyiringabo Imana ihagarike imigambi y’iyi mitwe y’intagondwa.

10. Sengera abatalibani. Muri guverinoma nshya yateganijwe harimo intagondwa zizwi za kisilamu zishyigikira gusobanura nabi amategeko ya Shariya, ndetse harimo n’intagondwa izwi irimo gushakishwa na FBI. Senga habeho igitangaza: kugira ngo Imana yiyereke abo bayobozi binyuze mu nzozi no mu ma yerekwa bahindure imyumvire yabo.

Source: Christian Today

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?