Hamya iby’ineza y’Imana

Kwamamaza

agakiza

Hamya iby’ineza y’Imana


Yanditswe na: Ubwanditsi     2021-04-22 04:53:30


Hamya iby’ineza y’Imana

Nzakaraba ntafite igicumuro, Ni ko nzazenguruka igicaniro cyawe Uwiteka, Kugira ngo numvikanishe ijwi ry’ishimwe, Mvuge imirimo yose itangaza wakoze. (Zaburi 26:6-7)

Akamaro ko gusangira n’abandi ubuhamya bwawe bw’ibyiza Imana yakoze mu buzima bwawe ntabwo twakavuga ngo tukarangize. Fata akanya utekereze iby’Imana yakoze byose mu buzima bwawe maze ubivuge.

Mu Byahishuwe 12:10-11 hatubwira ko Satani ahagarara imbere y’Imana buri munsi n’ijoro aturega: Ni yo mpamvu yitwa ‘umurezi wa bene Data’. Ariko uzi n’ikindi? Twamutsindishije amaraso ya Yesu n’ubuhamya bwacu bw’Ijambo.

Hari imbaraga zitagira ingano zirekurwa iteka iyo duhamije iby’ineza y’Uwiteka. Iyi ni yo mpamvu Satani adashaka ko tuvuga ibitangaza twabonye, ku butsinzi no gutunganirwa kwacu. Iteka agerageza kutwumvisha ko ibyo bitangaza byabaye ari ibintu byahuriranye gusa, ko ari kubw’amahirwe. Oya! Imana ntabwo ikora kubw’amahirwe, Yiyemeje kugukura muri cya gihirahiro warimo, kandi ifata umugambi wo gutabara kuri irya saha ubikeneye.

Amaraso y’Umwami Yesu yamenetse kubwawe kandi kwizera ufite muri yo ni intambwe ya mbere gusa. Kugira ngo uhore ugendera mu butsinzi, ugomba gutera indi ntambwe uhamya iby’ineza y’Imana mu buzima bwawe.

Ugomba kwiga gutangaza uburyo Ijambo ryabyaye umusaruro mu buzima bwawe; uhamye ibyo bintu byose Yesu yagukoreye mu Ijambo rye. Iteka ujye wibuka ko akwitayeho kandi agukunda cyane.

None rero, ujye ukanguka mu gitondo utangaza ineza y’Imana, wiyibutse unibutse n’abandi iby’ubuntu bwayo. Satani ntiyabasha kuburanya ubuhamya bwawe kandi ntiyanabuhagarika, kuko ari ukuri. Ubwo ni bwo buryo bwo kugumisha Satani mu mwanya we, ari ho munsi y’ibirenge byawe.

Ijambo ryo kwatura:

Ndi ugukiranuka kw’Imana muri Kristo Yesu; none rero icyaha ntikizangiraho ubutware. Ndatunganiwe, kandi ndi umutsinzi ubuzima bwanjye bwose kuko uri muri jye aruta uri mu isi. Yankuye mu isayo anshyira ku rutare ngo mpagume. Yashyize indirimbo Ye mu mutima wanjye, indirimbo yo guhimbaza Imana yanjye. Haleluya!

Inkomoko: “Urusobe rw’Ibiriho ” Igitabo cyanditswe na Chris &Anita Oyakhilome

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?