Ese wubatse he?

Kwamamaza

agakiza

Ese wubatse he?


Yanditswe na: Ubwanditsi     2021-06-24 04:29:24


Ese wubatse he?

“Nuko umuntu wese wumva ayo magambo yanjye akayakomeza, azaba nk’umunyabwenge wubatse inzu ye ku rutare, iragwa, imivu iratemba, umuyaga urahuha, byose byikubita kuri iyo nzu ntiyagwa, kuko yari ishinzwe ku rutare. “Kandi umuntu wese wumva ayo magambo yanjye ntayakomeze, azaba ari nk’umupfapfa wubatse inzu ye ku musenyi, imvura iragwa, imivu iratemba, umuyaga urahuha, byose byikubita kuri iyo nzu iragwa, kandi kugwa kwayo kwabaye kunini.” Matayo7:24-27

Aya ni amagambo yanditswe na Matayo ariko ni Yesu wayivugiye, aya ni amagambo yoroshye kandi ni amagambo akomeye!

Hari uwubaka ariko kandi hari n’usenya, ushobora kubaka umuntu akagusenyera, ibidukikije bikagusenyera. Ushobora no kubaka igihe kikagusenyera igihe kikagera igasenyuka). Nkuko tubimenyereye, iyo ugiye kubaka ubanza gushaka foundation(urufatiro).

Uyu Lewi (Matayo) Yesu ajya kumutoranya yamusanze kukazi, yari umuntu ushizwe kwaka imisoro. Ntacyo Bibiliya ibivugaho niba yarafite amafaranga, ariko Yesu yaramubwiye ngo "Haguruka unkurikire". Yesu we yarazi ko Matayo ari inyangamugayo yasize ibintu by’Abaroma, uwicaga itegeko ry’Abaroma wese yarabambwaga cyane kubyarebanaga n’amafaranga ntambabazi bari kukugirira. Twe gutinda kubya Matayo ahubwo turebe “Ese Nubatse he?” “Nubatse nte?”.

Ndagirango turebe neza uko twubatse, turebe uko twakubaka inzu yacu. (ABUBATSI BABIRI) [umwe yubatse ku musenyi undi yubaka ku rutare. Nubwo waba wubatse neza, ushobora kubaka neza igisenge haza umuyaga ukomeye ukagitwara. (Indirimbo ya 107 mu ndirimbo zo gushimisha Imana iti"Nikomeze ku Rutare, Nahw ahandi n’umusenyi, Nahw ahandi n’umusenyi.") Urutare ni Yesu. Iyo tuvuga Yesu, si amagambo gusa ahubwo tuba tuvuga Imirimo yakoze, mu Ibyakozwe n’Intumwa 19 hari abahungu bavugaga Yesu batamuzi, barabakubita babashwanyagurizaho imyenda yabo. WUBATSE UTE? WUBATSE HE?

Abatu benshi bagira aho bubaka. Yobu yarafite ubutunzi bwinshi cyane yarafite n’abana,..satani aza kumusanga kuko yatekerezagako Yobu yubatse ku butunzi bwe, yari azi ko yubatse ku cyubahiro cye. Nuko Satani yaramusanze amumaraho ubutunzi bwe n’umubiriwe uratonyoka. Satani buri gihe ashaka kukunyaga kugira ngo wowe ugamburure (To give up), ariko ugomba gushikama, nubwo Satani yamutwaye ibyo byose ariko ntabwo yamutwaye ibyiringiro. Niyo mpamvu ugomba kureba uwo wizeye, ukareba ko ­­­ashobora kukurwanirira.

Iyo ufite aho wubatse urategeka byose bigahunga. Yobu ibintu byose yarabibuze ariko ntabwo yihakanye Imana, mu gihe yari amaze kubura ibyo byose ariko ntiyihakanye Imana. Yobu yaje guhura n’ikigeragezo cy’Umugore we, aramubwira ngo harya nturihakana Imana? Umugore yumvaganga gupfa kwa Yobu bimurutira gukomeza ababazwa, ariko Imana yabonaga mu kubabazwa kwe no kuyiringira harimo abana, imikumbi azashumbushwa mu gihe gikwiriye.

Ukwiye kubakira ku ijambo ry’Imana( Kristo Yesu niwe Jambo) kuko niryo rizazana byose mu buzima bwawe, impamvu ukwiye kuryubakiraho ni uko ry’uje imimaro myinshi mu buzima bw’umukristo:

Ryahumetswe n’Imana ivugiye mu kanwa k’abahanuzi, ni impumeko y’imana. Rishobora kukunyuza ahantu wowe utakwinyuza. Ijambo ry’Imana ririrwanirira, turikunde kandi twubake kuri nyiraryo warivuze.

Ijambo ry’Imana ni inyigisho, ni mwalimu: Ni inyigisho kandi riratwemeza singombwa ngo ushake undi muhanuzi, ahubwo Umwuka Wera atwemeza iby’ibyaha byacu.

Ijambo ry’Imana ni ryo ryatubyaye (1 Petero 1:23) “kuko mwabyawe ubwa kabiri, mutabyawe n’imbuto ibora ahubwo mwabyawe n’imbuto itabora, mubiheshejwe n’ijambo ry’Imana rizima rihoraho (Yesu).”

Ijambo ry’Imana ni rizima kandi rifite imbaraga (Matayo 4:4) "Ubuzima n’amaraso birajyana amaraso ntamaraso ntabuzima, amaraso meza ubuzima bwiza, amaraso mabi ubuzima bubi. Hari amaraso aya tuva ariko hari n’amaraso avanze n’aya Yesu ari nayo ageza umuntu ku bugingo buhoraho. Umukristo ukijijwe arya kabiri, turya ibiryo bisanzwe ndetse n’ibiryo by’umwuka (Ijambo ry’Imana) bitunga ubugingo. Umuntu ntatungwa n’umutsima gusa, ahubwo atungwa n’amagambo yose ava mu kanwa k’Uwiteka [2 Gutegekwa 8:3].

Ijambo ry’Imana ni itabaza [Zaburi 119:105] Ijambo ryawe ni itabaza ry’ibirenge byanjye, Ni umucyo umurikira inzira yanjye. Aha niho ugomba kumenya uko uri kugenda ndetse nuko wubatse.

Twe kubakira ku bintu bitoya, tugume mu Ijambo, tugendere mu Ijambo kandi tumenye ko uwo dukwiye kubakaho ari Yesu Kristo, ni we uzadushoboza. Amen!

Pastor Edison

Kanda kuri iyi link wumve iyi nyigisho yose

https://youtu.be/jBlFqSipTnA

Source: Cepurnyarugenge.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?