Ese ujya uca mu mibabaro? Tuza Imana irakuzi

Kwamamaza

agakiza

Ese ujya uca mu mibabaro? Tuza Imana irakuzi


Yanditswe na: Ubwanditsi     2020-05-29 08:58:01


Ese ujya uca mu mibabaro? Tuza Imana irakuzi

Mu buzima bwa buri munsi duhura na byinshi bimwe biba ari byiza, naho ibindi bikadukubita hasi ariko mu rugendo rwa gikristo, nta kizabuza ibigeragezo kubaho kandi twibuke ko nta mahoro yuzuye twabonera mu isi ahubwo turwane intamabara nziza dutegereze ibyasezeranijwe.

Niko nahawe amezi anguye nabi ho ibihembo, kandi nategekewe amajoro antera imiruho (Yobu 7:3)

Ntibishoboka ko twakwirengagiza ku kibazo kidasanzwe cya Yobu. Uyu mugabo yanyuze muruhurirane rw’ibibazo bidasanzwe. Urubura rw’inkuru mbi rwamugwiririye: "Imikumbi yawe yarahanaguwe Abana bawe bose barapfuye Wabuze ibyo utunze byose." (Yobu 1.14-19)

Ariko ibigeragezo kuri Yobu ntibyagarukiye aho. Yararwaye cyane kandi uburwayi bwe bwatumye ataka ababaye.

Imibabaro ishobora kuba ishuri Imana ikunyuzamo kugirango isuzume kwizera kwawe:

umugore we aramubwira ati “mbese n’ubu uracyakomeje gukiranuka kwawe? Ihakane Imana wipfire” (Yobu 2:9) bijya bibaho ko mu mibabaro yacu hajya habaho igihe bagenzi bacu batugira inama yo kwiyambura ubuzima ariko ntabwo ari umwanzuro mwiza.

Ariko Yobu yaramusubije ati: uvuze nk’umwe mu bagore b’abapfapfa, mbese ye twahabwa ibyiza mu kuboko kw’Imana tukanga guhabwa ibibi? Muri ibyo byose nta cyaha Yobu yacumurishije ururimi rwe (Yobu 2:10)

Byongeye, mu gihe Yobu yari ari muri iyo mibabaro y’indengakamere, incuti ze zaje kumureba nuko bamuca integer bakoresheje kumuhata ibibazo bagira bati: ni ikihe cyaha wakoze kugirango unyure muri iyi mibabaro? Amagambo yo kumushinyagurira incuti za Yobu zakomeje kumubwira, yakomeje kongerera Yobu.

Inshuti za Yobu zemezaga ko ububabare bwa Yobu ari igihano cy’Imana .Niba ari ukuri ko iyi myumvire ishobora kubaho, reka twirinde kubifata nk’ukuri.Turi bande? Ntitukabe bamwe mu bakora umurimo wa satani, ariwo gushinja abavandimwe.

Yobu yari umugabo watinyaga Imana. Ariko Imana yemeye ko aca mu mibabaro. Yobu yaravuze ati: ibyawe nari narabyumvishije amatwi, ariko noneho amaso yanjye arakureba, nicyo kinteye kwizinukwa nkaba nihanye (Yobu 42: 5-6)

Tugendeye ku rugero rwa Yobu ndetse n’abandi bavugwa muri Bibiliya, tubona ko imibabaro ducamo mu buzima bwa buri munsi hano ku isi, bugereranywa n’ishuri Imana itunyuzamo kugirango ibashe gupima kwizera kwacu.

Yosefu nawe yanyuze mu mibabaro itandukanye: kwangwa na bene se, kuba umucakara, kujyanwa mu nzu y’imbohe abeshyerwa gufata nyirabuja ku ngufu. Izi nzira zose z’umubabaro zari ishuri ry’Imana kugirango azavemo umuyobozi mwiza muri Egiputa.

Muri macye imibabaro tunyuramo ifite icyo igambiriye kutwigisha. Ntidukwiye kwivovota kuko mbere yo kuba abakozi beza tuba tugomba gutegurwa kandi ibyo Imana yibwira kutugirira si ibibi ahubwo ni ibyiza.

Source: www.topchretien.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?