Ese ubasha kureba inyuma y’ibiboneka?

Kwamamaza

agakiza

Ese ubasha kureba inyuma y’ibiboneka?


Yanditswe na: Ubwanditsi     2021-01-12 08:41:34


Ese ubasha kureba inyuma y’ibiboneka?

Nuko Elisa arasenga ati “Uwiteka ndakwinginze, muhumure amaso arebe.” Nuko Uwiteka ahumura amaso y’uwo musore arareba, abona umusozi wuzuye amafarashi n’amagare by’umuriro bigose Elisa (2Abami 6:17).

Muri iyi nkuru yihariye, hari ibihamya byose, ibibaho bibiri byo kureba. Hari ikigaragara, ingabo za Siriya n’amafarashi yabo, amagare y’intambara, ingabo zigose umurwa. Ariko hari n’ikibaho kitagaragarira amaso asanzwe kandi gishobora kubonwa mu buryo budasanzwe, ingabo zitagaragara z’abamarayika barinze umuhanuzi Elisa.

Buri gihe duhorana amahirwe yo kureba haba ku bintu bigaragara cyangwa se bitgaragara. Intumwa Pawulo yahisemo kudahanga amaso ku bigaragara ahubwo yibanda ku bitagaragara. «Natwe ntitureba ku biboneka, ahubwo tureba ku bitaboneka kuko ibiboneka ari iby’igihe gito, naho ibitaboneka bikaba iby’iteka» (2abakorinto 4 :18).

Pawulo ntiyibanze ku mubiri we, ibibazo byo kureba kwe, ahubwo yabonye uburemere bw’iteka bw’icyubahiro cyari kimuteganirijwe.
Twese duhura n’ibintu biteye ubwoba bitugaragarira neza: indwara, gutsindwa, gutandukana, kubura abacu, ubumuga n’ibindi. Ibi bintu biri imbere y’amaso yacu kandi bidutera kwibaza ikibazo kimwe n’icyabajijwe n’umugaragu wa Elisa: "Tubigenze dute? " cyangwa "Dukore iki?".

Mukiza, fungura amaso yanjye kugira ngo mbone ibirenze ibigaragara:

Isengesho Elisa yasenze ryari ryoroshye cyane, ariko rifite akamaro: "Muhumure amaso arebe ". Hari ibihe dukeneye gukora iri sengesho :"Uwiteka ndakwinginze, muhumure amaso arebe ".

Kugira ngo tube mu bitaboneka, biradukwiye kuba mu gitangaza nk’uko Pawulo yabyifurije abakristo bo muri Efeso « Ngo amaso y’imitima yanyu abone uko ahweza mumenye ibyo mwiringizwa » (Abefeso 1:18). Umutima aufite amaso yo kureba ibitaboneka iyo umurikiwe n’ihishurirwa ry’Imana, ushobora kureba ibihishwe.

Utizera utamurikiwe n’umucyo w’Ubutumwa bwiza, kandi wabuze umwana biturutse ku burwayi cyangwa impanuka, abona gusa icyuho cyasizwe n’uwo mwana wabuze. Umwizera wakiriye urumuri rw’Imana, abona mu bitagaragara ko uyu mwana ari kumwe n’Imana. Ashobora kubona ihumure rizanwa n’iyerekwa. Umwizera cyangwa utizera anyura mu makuba amwe, ariko ubasha kureba mu bitagaragara amenya amahoro adasanzwe. Elisa yari afite amahoro kuko yareberaga Imana mu bitagaragara.

Isengesho ry’uyu munsi

Mwami, mfite indwara yo kutabona ibihishwe, ndabona akavuyo kangiza umubiri wanjye, ariko Ndakwinginze humura amaso y’umutima wanjye kugira ngo mbone icyubahiro cy’iteka wanteguriye.Amen!

Source : www.topchretien.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?