Ese koko Yobu yabayeho?

Kwamamaza

agakiza

Ese koko Yobu yabayeho?


Yanditswe na: Ubwanditsi     2020-11-24 07:41:54


Ese koko Yobu yabayeho?

Akenshi usanga abantu bajya impaka ku mugabo witwa Yobu bamwe bemeza ko yabayeho naho abandi bakabihakana bavuga ko ari imfashanyigisho, ariko ukuri guhari ni uko yabayeho nk’uko Bibiliya ibivuga. Wakwibaza ngo ni ikihe gihamya cy’uko yabayeho? Muri iyi nkuru turarebera hamwe uburyo bwemeza ko Yobu yabayeho.

Yobu yabayeho kandi yavukiye mu gihugu cya Usi (Hus cyangwa Uz). Abaroma bizihiza Umunsi Mukuru wa Mutagatifu Yobu kuwa 10 Gicurasi buri mwaka, naho Abagiriki bawizihiza kuwa 6 Gicurasi aho bibuka Yobu nk’umukiranutsi w’intangarugero ndetse waranzwe no kwihangana kudasanzwe.

Bibiliya ibivuga ho iki?

Amateka ya Yobu tuyasanga muri Bibiliya mu gitabo cya Yobu 1:1 Mu gihugu cya Usi hari umuntu witwaga Yobu, kandi uwo muntu yari umukiranutsi utunganye, wubaha Imana akirinda ibi. Si ibyo gusa ahubwo hari n’abandi banditsi bamwanditseho harimo Ezekiyeli na Yakobo.

Ezekiyeli 14:12-14-15 Maze ijambo ry’Uwiteka rinzaho riti: "Mwana w’umuntu, igihugu nikinkorera icyaha kigacumura, nanjye nkaramburaho ukuboko kwanjye ngakuraho urushingikirizo rw’umutsima , maze nkagiteza inzara nkagitsembamo abantu n’amatungo, n’aho cyaba kirimo abo bantu batatu, Nowa, Daniyeli na Yobu, gukiranuka kwabo kwakiza ubwabo bugingo gusa. Ni ko Umwami Uwiteka avuga".

Ezekiyeli 14:20 "N’aho Nowa na Daniyeli na Yobu baba bakirimo, ndirahiye ko batagira icyo barokora ari umuhungu cyangwa umukobwa, gukiranuka kwabo kwakiza ubwabo bugingo gusa". Ni ko uwiteka avuga.

Mubyukuri biragara ko Imana ubwayo yahamije ko Yobu ari umwe mu bakiranutsi bayo yemera. Bityo nta mpamvu yo gushidikanya ko Yobu atabayeho kuko yihanganiye ibikomeye byinshi kugeza ubwo Imana yamutangiye ubuhamya.

Mu rwandiko rwanditswe na Yakobo 5:10-11"Abahanuzi bahanuye mu izina ry’Umwami Imana mubakureho icyitegererezo cyo kurenganywa no kwihangana. Mwibuke ko abihanganye tubita abanyehirwe. Mwumvise ibyo kwihangana kwa Yobu, kandi muzi ibyo Umwami Imana yaherutse kumugirira kuko ifite imbabazi nyinshi n’impuhwe".

Hano, Intumwa Yakobo aributsa abantu urugero rwa Yobu, amugaragaza nk’umuntu w’amateka ufite imico myiza igomba kwiganwa na buri wese. Na none, Yobu yerekanwe nk’umuntu wabayeho by’ukuri atari ibihimbano.

Igitabo cya Yobu ubwacyo, hamwe n’ibindi bitabo bya Bibiliya, byerekana ko Yobu ari umuntu w’amateka. Nta mpamvu yo gutekereza ukundi. Byongeye kandi, urebye ko Kiliziya Gatolika impuguke zayo zahurije hamwe mu gutekereza ko Yobu ari umuntu nyawe kandi w’amateka ukwiye gushyirwa mu batagatifu, nta muntu n’umwe wakagombye guhakana ko Yobu yabayeho.

Ese yobu yakomokaga he?

Umurongo utangira mu gitabo cya Yobu ugaragaza ko Yobu yari atuye mu gihugu cya Uz hafi ya Edom kandi yari umuntu ukomeye kuruta abantu bose b’i burasirazuba (Yobu 1:3) byumvikane ko yari atuye i burasirazuba.

Dushingiye kuri ibi, dushobora kubona ko Yobu atari Umuyahudi cyangwa ngo akurikize idini y’Abayahudi. Ariko yizeye Imana imwe rukumbi nyakuri (YAHWE) bitewe no gusobanukirwa ubuntu bwayo.

Hanyuma, tuzi ko Itorero ritubaha Yobu nk’umuntu wihangana gusa, ahubwo rimwubaha nk’umuhanuzi. Ibi bisa n’aho bitangaje, kuba igitabo cya Yobu muri rusange kidafatwa nki’gitabo cy’ubuhanuzi.

Yobu yavuze amagambo menshi y’ubuhanuzi mu gitabo cye, ariko ay’ingenzi ni aho asobanura yemeza ko yizera umuzuko wa Yesu kandi akizera umuzuko wacu uzabaho. Ibi byose wabisoma mu gitabo cya Yobu 19:23-27.

Byongeye kandi Yobu yemeza ko yabonye Iman ati: "Ibyawe nari narabyumvishije amatwi, ariko noneho amaso yanjye arakureba".Yobu 42:5

Muri macye, kwihangana kwa Yobu ni ikimenyetso gifatika kandi kigereranya imibabaro Yesu w’umuziranenge yagombaga kwihanganira kugira ngo tubone agakiza.

source: http://newtheologicalmovement.blogspot.com/, desiring God.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?