Ese ibyo kurya by’umwuka ni ibihe?

Kwamamaza

agakiza

Ese ibyo kurya by’umwuka ni ibihe?


Yanditswe na: Ubwanditsi     2020-09-08 05:03:16


 Ese ibyo kurya by’umwuka ni ibihe?

Ibiryo ni ingenzi kugirango ubuzima bukomeze, iyo hatabonetse ifunguro rihagije, umubiri ucika intege ntubashe gukora uko bikwiriye. Abantu bagomba kwita ku mibiri yabo binyuze mu kurya neza no gufata intungamubiri zihagije, ibi ntibifasha umuntu kubaho gusa, ahubwo bituma abaho neza. Iri hame rikoreshwa no mu buzima bw’umwuka aho usanga ifunguro ryuzuye ry’umwuka rikenewe bityo bigatuma abakristo badacika intege ndetse bagakomeza umubano mwiza n’Imana.

Yesu yashimangiye akamaro k’ibyo kurya by’umwuka mu gihe yageragezwaga na Satani "Umuntu ntabeshwaho n’umutsima gusa, ahubwo abeshwaho n’ijambo ryose rituruka mu kanwa k’Imana" (Matayo 4:4) umuntu agizwe n’umubiri n’umwuka niyo mpamvu ibyo kurya by’umwuka ari ingenzi nk’ibyo kurya by’umubiri (byose birakenewe). Ibi byo kurya by’umwuka ni "Ijambo ryose riva mu kanwa k’Imana" Imana yavuganye natwe binyuze mu Ijambo ryayo cyangwa se Bibiliya. Ijambo ry’Imana rihindura ubuzima (Yohana:6:63)

Bibiliya ivuga ku byo kurya by’uwuka dukeneye: Ijambo ry’Imana ritanga amata (1Petero 2:2); ni inyama (1Abakorinto 3:2); Ijambo ry’Imana ni umugati (Gutegeka kwa Kabiri 8:3, Yobu 23:12) kandi Ijambo ry’Imana riryoha cyane kurusha ubuki (Zaburi 119:103). Umuhanuzi Yeremiya yaranditse ati:"Amagambo yawe amaze kuboneka ndayarya, maze ambera umunezero n’ibyishimo byo mu mutima wanjye, kuko nitiriwe izina ryawe Uwiteka Mana Nyiringabo (Yeremiya 15:16)".

Ibyanditswe Byera ntabwo ari ikintu cyo kwiga cyangwa gusoma ahubwo bigomba kuribwa n’abantu b’Imana. Dusoma Ijambo ry’Imana , ariko tukaruhuka maze tukarikanjakanja umwanya, tukaryibazaho icyo risobanuye hanyuma tugashyira mu bikorwa ibyo twasomye (Zaburi 1:1-3).

Byongeye kandi ,Yesu yavuze ubundi bwoko bw’ibyo kurya by’umwuka. Yesu amaze kuvugana n’Umusamariyakazi ku iriba, abigishwa bamuzanira ibyo kurya babikuye mu murwa. Ariko ntiyarya, arababwira ati: "Mfite ibyo kurya mutazi" (Yohana 4:32). Ibi byayobeye abigishwa, kuko ibitekerezo byabo byari byibanze ku biryo by’umubiri, maze Yesu asobanura agira ati: "Ibyokurya byanjye ni ugukora ibyo uwantumye ashaka no gukora umurimo we" (Yohana 4:34).

Nyuma yo kugaburira abantu 5.000, Yesu yagarutse ku kwizera, agakiza, n’igitambo cye akoresheje imvugo ngereranyo: “Umuntu wese urya umubiri wanjye akanywa n’amaraso yanjye, afite ubugingo buhoraho, nanjye nzamuzura ku munsi wa nyuma. Kuko umubiri wanjye ari ibyo kurya by’ukuri n’amaraso yanjye ari ibyo kunywa by’ukuri ”(Yohana 6: 54-55).

Dukeneye ibyo kurya by’umwuka ari yo mpamvu dukeneye Ijambo ry’Imana, dukeneye gukora umurimo w’Imana kandi dukeneye Yesu Kristo ubwe kugirango tubashe kugira ubuzima bw’umwuka buzira kugwingira.

Source: www.gotquestions.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?