Ese Yesu yaba yari umwirabura?

Kwamamaza

agakiza

Ese Yesu yaba yari umwirabura?


Yanditswe na: Ubwanditsi     2020-07-07 03:02:54


Ese Yesu yaba yari umwirabura?

Archbishop mushya wa York, Stephen Cottrell, yavuze ku cyifuzo cye cyo guteza imbere uburinganire bw’abazungu n’abirabura mu Itorero Churh of England nyuma yo kubyemeza muri mu cyumweru gishije.

Cottrell, aganira n’ikinyamakuru "The Sunday Times", yavuze ko mu ubuyobozi bw’itorero hakiganjemo abazungu cyane,kandi ko yifuza kubona impinduka nk’izo zibaho ku muryango wa BAME nk’uko byagenze ku bagore, mu myaka yashize babaye abasenyeri ku nshuro yabo ya mbere.

Yatangarije iki kinyamakuru ko ibyo yemeje, ku ya 9 Nyakanga, mu gihe ubusumbane bushingiye ku moko bugaragara, bishyira Itorero ahantu habi.
Ati: "Kimwe mu byananiranye mu itorero, ni uburyo bwo gukemura ibibazo by’ihezwa ryabamwe bishingiye ku moko” akomeza avuga ko Yesu yaba yarinjiye mu myigaragambyo y’ubuzima bw’abirabura.

Cottrell yagize ati: "Yesu yari umwirabura, kandi yavukiye mu itsinda ritotezwa mu gihugu cyigaruriwe".

"Ubuyobozi bw’itorero buracyiganjemo abazungu cyane, kandi ndizera ko ntegereje kuzabona izindi mpinduka kuri ibyo. Itorero ntabwo ryabaye ryiza mu kongera gusuzuma uko umurimo w’Imana mu buyobozi wakagombye kumera."

Yakomeje anavuga ko yemera ko mu Itorero hakiri ivangura rishingiye ku nzego.
Ati: "Ikibabaje nuko nzi neza ko hari umuntu umwe cyangwa babiri baba bagifite imyumvire y’ivangura, ariko sibyo, ahubwo ni uburyo twubatswe".

"Ariko kimwe mu bintu twakoze kigaragaza impinduka mu gihe cyanjye ni ukwinjiza abagore mu nshingano. Ibi rero ntabwo ngiye kugira uwo mbisabira imbabazi cyane, kuko mu byukuri habayeho impinduka nyinshi kandi zabaye nziza cyane."Kwinjiza abagore mu buyobozi byagize icyo bihindura kandi niyemeje gukomeza ibyo hamwe n’umuryango BAME."

Cottrell yanakomoje ku kunanirwa gukumira ihohoterwa ,asaba imbabazi. Uku kunanirwa bigaragazwa na raporo y’ihohoterwa rikorerwa mu ngo, ryagaragaye muri Diyosezi ye. Yiyemereye ko iyi raporo itagaragajwe neza kandi ko itigeze ishyikirizwa umuyobozi ushinzwe kurinda Diyosezi cyangwa abapolisi.

Mu magambo ye, Cottrell yagize ati: "Ubu maze kubona ko ibyabaye bitakurikiranwe nk’uko byari bikwiye, ndababaye cyane kandi ndababaye cyane".

Cottrell Yatangarije ikinyamakuru Sunday Times ibyabaye mu cyumweru gishize byamuteye gutekereza ku buyobozi ati"Turashaka abayobozi bwoko ki? Ubusanzwe twakagize isi nziza,yuje abantu batigeze bakora amakosa. Ariko kubera ko abo bantu bataboneka, uko byaba kose nizera ko dushobora kubona abantu b’inyangamugayo, bagaragaza amakosa yabo akaba yakemurwa kandi niteguye kubigiraho ”."kugaragaza, gukorera mu mucyo kuri njye mbona ari ibintu bitatu by’ingenzi tugomba kwitega ku bayobozi mu nzego zose."

Source: www.christiantoday.com

Umwanditsi: BYIRINGIRO Daniel

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?