Ese Imana ishaka ko twishima?

Kwamamaza

agakiza

Ese Imana ishaka ko twishima?


Yanditswe na: Ubwanditsi     2020-08-31 09:55:54


Ese Imana ishaka ko twishima?

Ibyishimo ni amarangamutima aturuka ku myizerere y’imbere mu muntu. Ni uburyo bwo kumva ubayeho neza, unezerewe. Buri wese ashaka kwishima, abantu bafata ibyemezo bishingiye ku buryo batekereza ko babona umunezero rimwe na rimwe bakawushakira no mu nzira mbi, zikabaviramo ingaruka mbi, ariko ibyishimo nyakuri bituruka ku mubano mwiza dufitanye n’Imana.

Twaremwe n’Imana mu ishusho yayo kandi yadushyizemo gushaka kwishima.Tuzi neza ko kunezerwa ari ngombwa kuko Imana nayo iranezerwa, kandi yaturemye mu ishusho yayo. Mugihe Imana yaremaga umugabo wa mbere n’umugore, yabashyize muri Eden ndetse ibashyiriramo ibyo bazakenera byose kugirango bishime (Itangiriro 1:29-30, 2:8-9). Kunanirwa kumenya Imana nk’isoko yabo y’ibyishimo, byatumye habaho icyaha no kwirukanwa mu busitani bwa Edeni (Itangiriro 3: 23-24). Kuva uwo munsi, ikiremwamuntu cyaharaniye kugarura umunezero Adamu na Eva bahoranye imbere y’Imana.

Imana ishaka ko twishima nta kiguzi dutanze kandi intego zayo kuri twe ziragutse cyane kuko umunezero idusahakira atari uw’igihe gito (Yesaya 55:9) mubyukuri gusahakisha umunezero ntabwo ari intego z’isezerano rishya, twasomye amategeko agenda agaruka avuga ku kwiyanga (Mariko 8:34), kwikorera umusaraba (Luka 9:23).

Aya mabwiriza atandukanye n’igitekerezo cy’uko Imana ishaka ko twishima, ni gute twakwishima mugihe kandi tugomba guhitamo ibitandukanye n’ibyo twifuza?
Imana ishaka ko twishima, ariko kwishima by’igihe gito cyangwa gushakira umunezero mu cyaha ntabwo ari umunezero nyakuri. Icyaha kibyara ibyishimo mugihe tubonye ibyo dushaka ariko bikagira ingaruka z’igihe kirekire kuko byangiza umubano wacu n’Imana kandi kuwugarura biragorana.

Augustine of Hippo yavuze neza mu gitabo cye cyo mu kinyejana cya kane ati: “Waraturemye ubwawe, Mwami, kandi imitima yacu iguwe neza kugeza ibonye ikiruhuko muri wowe.” Ukuri kurahari hariho icyuho Imana yashyize mu mutima wa buri muntu cyo kuyishaka, kandi icyo cyuho gishobora kuzuzwa gusa n’Imana binyuze muri Kristo, mubyukuri icyo cyuho ntabwo cyaremwe n’ikintu cyose uretse Imana. Ibyishimo ni impano iva ku Mana ishobora kumenyekana byuzuye binyuze mu mubano wimbitse tugirana n’Imana.

Muri macye Imana ishaka ko twishima, kandi iduha ibyo dukeneye byose muri Kristo Yesu (2Petero 1:2)Yaremye umutima w’umuntu kugira ngo yishimire gusenga, kunyurwa n’urukundo rwayo rukomeye abikesheje imbaraga z’Umwuka Wera. Iyo tuba mu busabane na yo iduha ibyishimo by’igihe kirekire atari iby’umwanya muto. (Abafilipi 4: 11–13). Mubyukuri dukwiye kwihanganira ingorane zo mw’isi tukagumana ibyiringiro byuzuye mugihe (2 Abakorinto 4:17).

Source: www.gotquestions.org

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?