Dufatanye gusengera aba Kanuri bo muri Nigeria

Mu rwego rwo kwifatanya n’abantu benshi batuye mu bihugu bitandukanye ku isi mu gusengera amoko ataragerwaho n’ubutumwa bwiza, tugiye gusengera abitwa Kanuri bo mu gihugu cya Nigeria.

Igihugu cya Nigeria gifite abaturage 7.006.000 ururimi ruhurirwaho na benshi rwitwa Kanuri, ibijyanye n’iyobokamana, Isilamu niyo ifite abayoboke benshi ku kigero cya 99.99% mu gihe Abakristu ari 0.01%

Ubuzima n’amateka byabo
Abaturage benshi bagize ubwoko bwitwa Kanuri batuye mu ntara yitwa Borno mu majyaruguru ya Nigeria aho usanga barigaruriye ako gace. Ushobora kandi kubasanga mu bihugu bitandukanye nka Niger, Tchad , Cameroun n’ibindi bice bituranye n’igihugu cya Tchad.

Ubwoko bwa Kanuri bwatangiye gutakaza ububasha mu gihe Abongereza bakolonizaga Nigeria mu mwaka w’1914 aho bigaruriye abantu bose bagatakaza indangagaciro z’umuco wabo n’ururimi rwabo.

Kanuri ni abantu barebare, bareba kiyobozi bivuze ko ari abantu biha agaciro mu bijyanye n’ubuyobozi. Abakanuri benshi bavuga ururimi rwitwa Hausa, Arabic n’izindi.

Uko babayeho
Abenshi muri ubu bwoko ni abahinzi b’amasaka, ingano, ubunyobwa si ibyo gusa ahubwo ni n’aborozi b’intama, ihene, ingamiya yo ifatwa nk’ikimenyetso cy’icyubahiro. ariko mu gihe cy’izuba bareba indi mirimo bakora ibyara inyungu.

Aba Kanuri baba mu mugi bakora imirimo ya Leta n’indi nko kubaka, ubwikorezi n’ubucuruzi. Abakora imirimo ya Leta baba bubashywe mu muryango mugari mu gihe abakora ubuhinzi bo baba baciriritse.

Uko umuryango wiyongera ukaba munini, niko bagenda bagira icyubahiro ku bw’ibyo abagabo bakiri bato bafata amadeni kugirango bafashe abatishoboye n’abamaze gusaza kugirango umuryango udacikamo icyuho. umubyeyi agira inshingano zo kugaburira abana be, kubishyurira ishuri no kubakwera.

Muri ubu bwoko umusore azana umugore ageze mu kigero cy’imyaka 20. Kuzana abagore benshi biremewe aho usanga umugabo afite abagore barenga bane. Mu gihe abakobwa bashaka guhera ku myaka icumi kuzamura. N’ubwo bimeze bityo gatanya ziriyongera muri Nigeria aho usanga mu ngo icumi zubakwa 8% baratandukana.

Ibyo bizera
Ubwoko bwa Knuri kuva kera kose ni abayoboke b’idini ya Islamu. Korowani ni igitabo bafata nk’ifatizo ry’ubuzima bwabo. Abagabo nibo baba bubashywe mu gihe abagore bafatwa nk’abantu bo hasi mu muryango mugari.

Ibyo bakeneye
Ikintu cy’ingenzi abakristo bo muri Nigeria bakeneye ni uguhindurirwa Bibiliya igashyirwa mu rurimi kavukire rwumwa na bose. Ndetse bakabona n’ibindi bikoresho byabafasha gukomeza inzira ya Gikristo

Ibyifuzo byo gusengera
Gusaba Imana igahagurutsa abantu bakaza muri Afurika kuvuga ubutumwa bwiza bwa Yesu Kristo.
Gusaba Imana kongerera abakristo bo muri Nigeria imbaraga zo kuvuga ubutumwa bwiza kubatarabwumva.
Gusaba Imana ikazamura amatorero akiri mato muri Nigeria bityo ijambo ry’Imana rikamamara hose.

source: joshuaproject.net