Dufatanye gusengera aba Fulani bo muri Nigeria

Mu rwego rwo kwifatanya n’abantu benshi batuye mu bihugu bitandukanye ku isi mu gusengera amoko ataragerwaho n’ubutumwa bwiza, tugiye gusengera abafulani bo muri Nigeria.

Igihugu cya Niger gifite abaturage 15.972.000 ururimi ruhurirwaho na benshi rwitwa Fulfulde, ibijyanye n’iyobokamana, Isilamu niyo ifite abayoboke benshi ku kigero cya 99.65% mu gihe Abakristu ari 0.35%

Amateka y’abantu bo muri Nigeria

Abantu bo muri Nigeria abenshi bakora ubworozi (nomade) aho aborozi bategura urugendo bakajyana amatungo yabo mu duce tubonekamo ubwatsi bakahamara igihe baragiye ubwatsi bwahashira bakimukira ahandi buboneka, mbese nibwo buzima babamo.

Muri Nigeria ku bijyanye n’uburezi usanga bukiri ku rwego rwo hasi kuko abantu benshi ntibazi gusoma no kwandika iki kibazo kibabera imbogamizi ikomeye yo kugera ku iterambere.

Imbogamizi ku bijyanye n’ubutumwa bwiza.

Kutamenya kwandika no gusoma ni inzitizi ikomeye ku byerekeranye no kwigisha ubutmwa bwiza bwa Kristo, iyo ubutumwa bwiza bubagezeho, buza mu nyandiko ariko ntabwo byorohera abatuye Nigeria kuko abenshi batazi gusoma.

Ibyo bakeneye

Abakristo bakeya bo muri Nigeria (Fulani) bakeneye kugerwaho n’ubutumwa bwiza ku kigero gishimishije bityo bakabasha gukorera Imana bashize amanga.

Ibyifuzo byo gusengera

Gusengera abafulani bo muri Nigeria kugirango Imana iboherereze abigisha babafashe kongererwa kwizera.

Gusengera abafulani kugirango Imana ibahe ubumwe muri macye babashe gushyira hamwe mu gukora umurimo w’Imana.

Kubasengera kugirango babashe kwiga kumenya kuba mu butware bwa Kristo.

Gusengera abafulani bo muri Nigeria kugirango Imana ibafashe babashe kugendana n’ikinyejana cya 21 ndetse babashe kugira ubushake bwo kohereza abana babo mu mashuri.

Source: Joshua project.net

Vestine agakiza.org