Dore umwenda usigaranye imbere y’Imana(...)

Kwamamaza

agakiza

Dore umwenda usigaranye imbere y’Imana n’abantu


Yanditswe na: Ubwanditsi     2021-10-18 01:36:18


Dore umwenda usigaranye imbere y’Imana n’abantu

"Ibisigaye bene Data, iby’ukuri byose, ibyo kūbahwa byose, ibyo gukiranuka byose, ibiboneye byose, iby’igikundiro byose n’ibishimwa byose, nihaba hariho ingeso nziza kandi hakabaho ishimwe abe ari byo mwibwira". Abafilipi4:8

Urugendo rwose umuntu wese azagenda rugira ibice bitatu byo kurugenda aribyo: Guhora kurutekerezaho, gutegura gahunda, no gushyira hamwe ibyangombwa. Ibyo bitatu iyo ubirangije niho ibisigaye bizira witegura guhaguruka.

Natwe twarizeye, twarumvse, twarabibonye, ibisigaye ngo tugende ni Ibiza bikurikira tubwirwa na Pawulo!

Iby’ukuri byose: Natwe tugeze mu gihe cyo gufata urugendo twatangiye ubwo twizeraga, ariko mbere y’uko tugenda tubanze twinjire mu kuri dushyire ku ruhande ibinyoma bitube kure. Umunyabinyoma nta mwanya afite muri Kristo Yesu. Tangira witoze iby’ukuri kuko niho harimo kwitegura ubugingo buhoraho muri Kristo Yesu umwami wacu.

Ibyo kubahwa byose:Mu gihe twitegura kuva muri iyi isi, tukajya aho umunyacyubahiro ari, tugomba kubanza tukiyubaha no kubaha abandi kugira ngo tuzashobore kubaha Imana. Niba utitoje kubaha Imana n’abantu muri iyi minsi, ntuzajyanwa aho kubaha Imana. Itoze rero bikiri uyu munsi.

Ibyo gukiranuka byose: Na none niba tuzajya mu bwami bw’Imana aho ibintu byose biri k’umurongo ukwiriye, nawe wihutire gushyira k’umurongo ukwiranye na byo, aribyo byitwa gukiranura nk’uko Yesu yavuze ati "Hahirwa abakiranura." Gukiranuka ni ugushyira ibintu mu mwanya wabyo. Kubera iyo mpanvu, _iby’Imana bihe Imana, iby’abantu bihe abantu ibya kamere bihe satani_ bikuvemo niko uzaba ukiranuye.

Ibiboneye byose: Uretse rero ibigaragara, hariho n’utundi tutari twiza Imbere y’Imana n’abantu tutaboneye. Dukwiye kubamba kamere tukava muri utwo tugeso, tukaba abo Imana ishaka.

Iby’igikundiro byose: Hari na none Iby’igikundiro bikwiriye kugaragara ku buzima bwacu aribyo: Kwera imbuto zikwiriye abihannye zigomba kubaho muri twe mbere y’uko tuva muri ubu buzima.

Ibishimwa byose: Umuntu wese muri twe aharanire gushima, gushimwa n’Imana n’abantu. Ibi bigakorwa hagamijwe gushimisha Yesu aho kwishimisha mu gihe twitoza kuba mu bwami bw’Imana.

Ishingiro ry’ibyo byose mu mibereho ya buri munsi, ni igeso nziza n’ishimwe abantu b’Imana bahora bibwira.

Ese nshuti witeguye ute kuzabana n’Umwami? Iby’ukuri byose, ibyo kubahwa, biboneye, Iby’igikundiro n’ibindi nk’uko twabibonye hejuru? Irundarunde witegure kuzabana n’Umwami muri ubwo buryo ugifite uyu munsi.

Mwami unyigishe gutunganya ibidatunganye no gushyira ku murongo ibicurikiranye muri njye, mu izina rya Yesu Umwami wacu kugira ngo urya munsi ntasangwa mfite umwenda uwariwo wose mu izina rya Yesu nsenze amen!

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?