Dore uburyo bwagufasha gukoresha nezatelephone

Muri iki kinyejana telephone ngendanwa ni kimwe mu bintu bidufasha mu itumanaho mu buzima bwa buri munsi. Ariko n’ubwo ifite umumaro mwinshi,ishobora guteza ibibazo bikomeye ku buzima bwa muntu mu gihe yakoreshejwe nabi.

Mu gihe umuntu akoresha telephone ye aba agomba kugira umurongo ngenderwaho ndetse akamenya ibyo agomba kwirinda byatuma amareyo yo muri telephone yinjira mu mubiri w’umuntu zikamwangiza. Dore intambwe zagufasha gukoresha neza
telephone yawe

Kwirinda ikiganiro kirekire:
kuganirira umwanya munini kuri telephone udakoresheje utwumvisho (headphones) bishobora kwangiza uturemangingo tw’ubwonko.

Uko umuntu yishimira kuvugira kuri telephone umwanya munini niko amareyo yinjira mu mubiri we akangiza ubwonko, uruhu,amatwi n’ibindi. Mu gihe hakoreshejwe utwumvisho twabugenewe tugabanya ubukana bigatuma ubwonko butangirika.

Gushyira telephone kure y’umubiri wawe:
Telephone kimwe n’ibindi bikoresho nkayo ntibikwiye kwegera umubiri w’umuntu. Niba uri ku rugendo yishyire mu gikapu cyangwa mu gifuniko cyayo cyabugenewe. Mu gihe uryamye ni byiza gushyira telephone kure y’uburiri bwawe.

Kuzimya Bluetooth mu gihe itari gukoreshwa:
ni byiza kuzimya Bluetooth ndetse na internet mbere yo gusinzira kuko wireless na Bluetooth bishobora kubangamira imikorere myiza y’ubwonko.

Kwirinda kwitabira telephone ahantu hatari raison yuzuye:
Mu gihe umuntu arimo kwitaba telephone cyangwa se arimo guhamagarira ahantu hari rezo nkeya bituma amareyo ava muri telephone yiyongera akinjira mu mubiri ari menshi bityo kwangirika k’umubiri kukiyongera.

Kurinda abana gukinisha telephone:
Abana ni abantu bafite ibyago byinshi byo kwangizwa na telephone bitewe n’uko ubwonko bwabo buba bukiri buto.

Ubushakashatsi bwerekanye ko gukoresha telephone ku mwana uri munsi y’imyaka 10 byangiza gukura kw’amagufwa ye. Bityo rero si byiza kwemerera abana ggukinisha telephone cyangwa kuyivugiraho kuko bibangamira ubwonko n’imikurire yabo muri rusange.

Kandika ubutumwa bwinshi, guhamagara igihe gito:
Mu rwego rwo kwirinda kugerwaho n’ingaruka mbi zo gukoresha telephone, ni byiza kuganira na mugenzi wawe mukoresheje kwandikirana ubutumwa (message) kuruta guhamagara igihe kirekire kuko mu gihe cyo kwandika telephone iba iri kure y’ubwonko bityo bigatuma butangirika.

Muri macye nk’uko ikoranabuhanga ritera imbere umunsi ku wundi dukwiye gusobanukirwa ko rifite ibyiza byinshi ritugezaho ariko tutirengagije ko mu gihe rikoreshejwe nabi byangiza ubuzima bwacu, nimucyo rero twitoze gukoresha telephone mu buryo bwiza twirinda kwangiza. bwonko bwacu ndetse n’umubiri muri rusange.

Source: www.rfpage.com

Vestine agakiza.org