Dore amagambo yubaka icyizere hagati y’abashakanye

Kwamamaza

agakiza

Dore amagambo yubaka icyizere hagati y’abashakanye


Yanditswe na: Ubwanditsi     2020-12-16 08:05:40


Dore amagambo yubaka icyizere hagati y’abashakanye

Amagambo dukoresha ashobora kuba ikintu cy’ingenzi mu kubaka icyizere ndetse agahindura byinshi mu mibanire y’abashakanye bigatuma buri wese yiyumvamo mugenzi we. Nk’uko Bibiliya ibivuga ururimi rufite ubushobozi bwo kwica no gukiza. Muri iyi nkuru turarebera hamwe amagambo abashakanye bashobora kubwirana akubaka icyizere hagati yabo.

Mu rushako icyizere cyubakwa binyuze mu magambo n’igihe. Amagambo dukoresha mu mibanire yacu adufasha kumenya urwego rw’icyizere buri wese afitiye mugenzi we. Ni muri urwo rwegoo tugiye kurebera hamwe amagambo abashakanye bashobora kubwirana akubaka icyizere hagati yabo.

Umunsi wawe wagenze ute?

Biroroshye kubaza uwo mwashakanye uti "Umunsi wawe wagenze ute?" uko mugenzi wawe agusobanurira uko umunsi we wagenze umuteze amatwi, umwikiriza, umwihanganisha ku bitagenze neza, umufasha kwishimira ibyiza yagezeho. Ibi byose bibaremamo icyizere cyo kubana mubwizanya ukuri kandi mufashanya muri byose.

Nari nibeshye

Mu buzima hagati y’abashakanye hari ubwo usanga habayeho kwihagararaho k’uwakoze amakosa bitewe n’uko yumva afite icyubahiro, akibwira ko guca bugufi ari iby’umunyantege nke nyamara bineza umutima kubona umuntu abwira mugenzi we bashakanye ati:"Nari nibeshye ubwo nafataga imyanzuro imeze kuriya".

Mfasha kumva

Mu rushako habaho kutumvikana ku bintu bimwe na bimwe. Buri umwe hagati y’abashakanye afite uko abona ibintu. Benshi mu bashakanye bagira ingeso yo kuvugira hejuru, ariko iyo umwe ari kuvugira hejuru, ntabasha kumva mugenzi we.

Mugihe uzi ko amarangamutima yawe ari uku ameze, cisha make ubwire mugenzi wawe uti:"Mfasha kumva" Mubaze ibibazo bigaragara ku byo yavugaga kandi umureke akubwire utamurogoya, ibi bizubaka icyizere hagati yanyu.

Nakora iki mu bundi buryo?

Iyo umuntu twizerana atubajije ibitekerezo byacu, biba ari byiza. Iyo uvuze uti: “Ni iki nshobora gukora mu bundi buryo?” biha uwo mwashakanye uruhushya rwo kuvuga mu buzima bwawe. Mubyukuri ntabwo uba urimo gusaba urutonde rw’ibintu ukeneye gukosora ariko ushobora kuvuga ibishobora gukosorwa mu mibanire yanyu.

Sinashoboraga kubigeraho ntari kumwe nawe

Gushimira bigira ingaruka nziza iyo bigaragaye. Igihe cyose ufite intsinzi, bwira uwo mwashakanye ibiyerekeye kugira ngo musangire umunezero wawe. Ashobora kuba atabigizemo uruhare, ariko mumenyeshe ko ushimira inkunga ye n’amahirwe yo gukorera hamwe mubuzima. Mu rushako, ababiri bahinduka umwe bityo bagashakira hamwe ibisubizo.

Ubitekerezaho iki?

Urugero uramutse ugiye gusangira n’uwo mwashakanye, kandi mwembi mufite ahantu hatandukanye mwifuza kujya. Niba mubyukuri ntacyo bitwaye, reka uwo mwashakanye afate icyemezo. Noneho wemere ko uzahitamo ubutaha. Ibi bifasha abashakanye kwiyumvanamo bityo bigahashya amakimbirane.

Muri macye amagambo tuvuga afite ububasha bwo kwica no gukiza, niyo mpamvu abashakanye bakwiriye kubwirana amagambo meza arushaho kububakamo icyizere bityo bakubaka urugo ruhesha Imana icyubahiro.

Source: focusonthefamily.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?