Biba urira, usarure wishimye

Kwamamaza

agakiza

Biba urira, usarure wishimye


Yanditswe na: Ubwanditsi     2021-05-07 02:58:55


Biba urira, usarure wishimye

Ababiba barira, Bazasarura bishima. 126: 5

Ibyatubayeho mu gihe cyahise ntacyo bivuze kandi nanone ibitubaho uyu munsi si iherezo ry’ubuzima bwacu. Kandi ntitugomba kureka umwanzi ngo abitwemeze.

Umwanzi wacu azagerageza kutwereka ko twakoze amakosa inshuro nyinshi kandi ko ubu nta garuriro. Ntitugomba kumwumvira ahubwo tugomba kumubwira ngo: “ Satani, umubeshyi, ukaba na se w’ibinyoma. Uyu ni umunsi mushya ngomba kubona igitangaza.”

Impamvu duhora twiteguye ko hari igitangaza kiri bukoreke mu buzima bwacu, ni uko tuba tutazi igihe kiribuzire. Ntabwo tuba tuzi igihe Imana iributugenderere, icyo nicyo gituma ubuzima bukubera igitangaza. Satani aba ashaka kutubwira ko igihe cyacu kitaragera kandi n’igitangaza cyacu kitazabaho. Ariko nituguma gushinga imizi muri Yesu Kristo, byanze bikunze igihe cyacu kizagera n’igitangaza cyacu kizakoreka.

Ariko tugomba kubyitegura, tugahashya Satani kugira ngo ataduca intege, bikatujyana mu kwiheba no kurambika( Gukubita) hasi byose. Nituva mubyo twiyemeje, Imana yo nta cyo bizaba biyibwiye, ibyo yatugambiriyeho ntibizashyika.

Ni yo mpamvu Imana ihora ituburira muri Bibiliya ngo ntitugire ubwoba, cyangwa ngo ducike intege, cyangwa ngo tugamburure. Kubera ko izi ko n’ubwo” Kurira kwararira muntu nijoro, bwacya impundu zikavuga” Zaburi 30:6

Iyi nyigisho twayikuye mu gitabo kitwa “Help me- I am discouraged!”, cya Joyce Meyer, cyahinduwe mu Kinyarwanda gihabwa inyito “ Tuvuge tutaziguye ku gucika intege”

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?