“Babwire ko nshaka ko ‘Biyemeza’”. Icyifuzo(...)

Kwamamaza

agakiza

“Babwire ko nshaka ko ‘Biyemeza’”. Icyifuzo cy’Imana kuri buri mukristo muri 2021


Yanditswe na: Ubwanditsi     2021-01-07 20:46:07


“Babwire ko nshaka ko ‘Biyemeza’”. Icyifuzo cy’Imana kuri buri mukristo muri 2021

Hari isezerano wasezeranyijwe n’Imana utegereje ko risohora?, ahari se wumvaga waragombaga gusubizwa umwaka ushize wa 2020?. Ese utangiye 2021 winginga Imana ngo igusohoreze ibyo yakugambiriyeho no kugirirwa neza nayo?, hari kimwe usabwa gukora, ni ukwiyemeza. Usabwa ‘kwiyemeza’ iki?

Umushumba w’itorero Zion Temple ku isi, Intumwa Dr Paul Gitwaza yatangaje ko ubwo yari mu bihe byo kwihererana n’Imana ayibaza ibijyanye n’umwaka mushya 2021, yamubwiye ko yiteguye gusohoza amasezerano yose yasezeranyje ubwoko bwayo. Icyakora Imana yamubwiye ko abantu bayo bakikijwe n’ibibarangaza byinshi, ikabasaba ko biyemeza muri 2021, bakabona ubwiza bwayo.

Uyu mushumba hamwe n’umufasha we batangiye bifuriza abantu kuzagira umwaka mwiza wa 2021. Ashima Imana kubw’abakristo ndetse n’umurimo yabashoboje gukora umwaka ushize wa 2020 dore ko ngo n’ibyabahize bitabuze ariko Imana ikabarokora. Gitwaza yatangiye agira ati”

Shalom!, Jyewe n’Umufasha wanjye tubifurije Umwaka Muhire wa 2021.
Ndagira ngo nshime Imana ku bwawe, kubw’ikintu cyose Imana yakoze mu buzima bwawe muri uyu mwaka wose. Icyubahiro cyose kibe icy’Imana. Jyewe nawe, tuzi neza ko twagize urugendo rurerure rwari rwuzuye byombi imigisha ndetse n’ibiduhiga.

Ndi mu gusenga no mu mwanya wo kwiyumvira ku ijambo ry’Imana nshaka kumenya ibitekerezo by’Imana ku bw’uyu mwaka, naribajije nti: ni iki Imana idufitiye kubwa 2021?

Numva Ijwi ryayo rituje rirambwira riti: “ Mwana wanjye, ni byinshi mfitiye ubwoko bwanjye. Ndi umwizerwa mu byo nasezeranije. Erega nzi ibyo nibwira nzabagirira! Ni amahoro si bibi, kugira ngo mbareme umutima w’ibyo muzabona hanyuma. (Yeremiya 29:11).

Ariko ubwoko bwanjye ntabwo ari inyangamugayo ndetse n’abizerwa kuri jye. Bari mu bibarangaza byinshi. Babwire ko nshaka ko “Biyemeza”.

Ku iriba, umugaragu wanjye Aburahamu n’umwami Abimeleki bakoranye indahiro, aho hantu bahita Berisheba – Iriba ry’Indahiro. Ndashaka ukwiyemeza kw’abantu banjye, nanjye ngasohoza imigambi mbafitiye.

Bavandimwe bene data, Bibiliya itubwira ku kwiyemeza. Kenshi, kwiyemeza k’ubwoko bw’Imana kwarageragezwaga iyo bahuraga n’ingorane ndetse n’abanzi.

Hari abananiwe guhagarara mu ndahiro yabo n’Imana, mu myizerere yabo, ku ntego zabo, indangagaciro zabo, intumbero yabo n’ibindi, bituma babura imigisha yabo.
Uyu munsi ku iriba ryo guhemburwa, Mwuka Wera araza kudufasha kuvugurura ibyo twiyemeje; hanyuma Imana irekure imigisha yayo. Ni yo mpamvu izina ry’uyu mwaka ari “Iriba ryo Kwiyemeza”.

Ndagushishikariza kwiyemeza mu bintu 4 by’ingenzi muri uyu mwaka w’i 2021:

1️. Iyemeze kubaka ubusabane bwimbitse n’Imana, n’abaturanyi (mugenzi wawe) ndetse n’Itorero.

2️.Iyemeze kubaka igicaniro cyo Kuramya no Guhimbaza mu buzima bwawe

3️.Iyemeze kubwira abantu Yesu

4️.Iyemeze gusenga no kwingingira abandi

Dr Intumwa Paul Gitwaza yasoje ubutumwa bwe asaba abantu gushyira mu bikorwa icyo Imana ibasaba niba koko bashaka kugirirwa neza nayo muri uyu mwaka. Byashimangiwe no kwatura mu buryo bw’isengesho ibyo yise ‘kwamamaza ki otantike’ (Kwatura mu kuri).

KWAMAMAZA KI OTANTIKE

•Niyemeje ubuzima bwanjye bwose kuvugurura ubusabane bwanjye n’Imana

•Niyemeje kunoza ubusabane bwanjye n’abagenzi banjye

•Niyemeje ubuzima bwanjye bwose kuba igikoresho cyo kuramya no guhimbaza

•Niyemeje ubuzima bwanjye bwose guhamiriza abantu Yesu

•Niyemeje ubuzima bwanjye bwose gusengera

Wanareba kandi iyi nyigisho: Ijambo Imana iduhaye/Uwiteka azakubere ubwihisho/Ikiraro gihuza 2020-2021

Source: Instgram, drpaulgitwaza

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?