Amerika:Mu mujyi wa Boston Habonetse ububyutse bukomeye benshi barakizwa

Mu mpera z’icyumweru gishize, abantu benshi muri Amerika bamurikiwe n’umucyo w’agakiza maze bakira Yesu Kristo nk’Umwami n’umukiza w’ubugingo bwabo ndetse babatizwa mu mazi menshi. Ibi byabereye muri Leta zitandukanye: New York, Massachusett na New Jersey.

Nubwo byari ibihe by’imvura, abaramyi bateraniye muri Lincoln Park, Ku wa Gatanu aho abayobozi b’amadini basangije abantu ubutumwa bw’amahoro n’ibyiringiro.

Feucht yaravuze ati: "Twumva ko gutinda kw’imvura byaduteye kurushaho gusonza no kugira ishyaka ryo kuramya"

Umwe mu bantu bari bitabiriye icyo gikorwa yari afite icyapa cyanditseho ngo: "Kuramya ni Intambara" bigaragaza ko ku bizera ari ikimenyetso cy’uko Amerika ihanganye n’intambara yo mu mwuka ikomeje kwiyongera muri iyi minsi.

Igikorwa cyo guhimbaza byakomereje mu mujyi wa New York ku wa Gatandatu aho umubatizo wabereye i Washington Square Park.

Aha hantu hari huzuye abantu bagiye kubatizwa, Fetch yaravuze ati: "Bamwe bari bamaze gukizwa, abandi bamaze kwiyumvamo iby’agakiza".

Mu muhango wo kubatiza, video yakwirakwiriye kuri facebook, Dr Karuku yavuze ko abantu 29 babatijwe barimo umuryango w’abantu batanu.

Dr Karuku yakomeje agira ati:"Twari dufite abantu bashaka kuvuka ubwa kabiri. Twakomeje kubatiza abantu, twabatije umuryango wose w’abantu batanu byari bishimishije. Bose beguriye ubuzima bwabo Kristo baza kubatizwa."

Iminsi mike yabanje, Dr. Karuku yari i Kenosha, muri Wisconsin ayoboye igiterane"Riots to Revival" aho umubatizo no gusenga byabereye mu mihanda".

Muri iyo videwo, Karuku yabisobanuye agira ati: "Ububyutse ni igihe Imana itangiye gukurura imitima y’abantu ikabahamagarira kwihana. Iyo Imana itangiye kuba urukundo rwa mbere rw’ubwoko bwayo, iyo ni yo nkingi y’urukundo mu mitima. Ni ububyutse bw’imitima."

Ibirori byo kuramya byuzuye mumihanda ya Boston ku Cyumweru aho Umwuka Wera yakururiye abantu benshi gutanga ubuzima bwabo bakiyegurira Kristo.

Amagana menshi yateraniye ahitwa Boston Commons baje kuramya bafatanyije na Feucht no gutega amatwi Pasiteri waho, Dr. Roberto Miranda.

Dr. Miranda yagize ati: "Biragoye kwizera ko turi i Boston muri iki gihe. Nabaye umushumba i Boston imyaka 34 kandi mfite umwanya w’imbere, mubyukuri ububyutse bwarazamutse cyane".

Miranda yaravuze ati: "Ntekereza ko Imana igifite ibintu byo gukora muri uyu mujyi. Ntitugapfobye imbaraga z’ubuhanuzi bw’ibi bikorwa. Ibi ni ibihe by’ubuhanuzi bisaba abantu b’Imana ibikorwa by’ubuhanuzi. Ni ngombwa ko tuba hano kugira ngo ducike imbaraga z’umwijima. Urusaku rwera turimo gutera rugamije gutera ubwoba umwanzi."

Feucht na Karuku bazakomeza gusakaza Ijambo ry’Imana kandi bazakomereza muri Midwest.

Source: www1.cbn.com

[email protected]