Amerika:Abakristo baributswa gushyira imbere(...)

Kwamamaza

agakiza

Amerika:Abakristo baributswa gushyira imbere Ubwami bw’Imana kuruta Politike


Yanditswe na: Ubwanditsi     2021-01-12 03:52:29


Amerika:Abakristo baributswa gushyira imbere Ubwami bw’Imana kuruta Politike

Umuraperi ukomeye w’umukirisitu Recrae ndetse na bamwe mu bajyanama bakomeye mu byo kwizera ba Perezida Donald Trump bose basangije Abakristo ubutumwa nyuma y’ihohoterwa ryabereye ku nyubako ya Capitol mu cyumweru gishize babashishikariza gushyira kwizera kwabo ku Bwami bw’Imana, aho kugushyira kuri politike.

Umuhanzi Lecrae wegukanye ibihembo bya Grammy Award mu njyana ya hip hop Lecrae, yizera ko muri Amerika harimo "Intambara yo mu mwuka" kandi abantu bayobejwe batazi uyobora ubuzima bwabo.

Uyu muhanzi yanditse kuri Instagram ati: "Hariho ubwami bubiri ku rugamba. Ingoma y’umuntu n’ubwami bw’Imana. Ni ubuhe bufite ububasha? Ni ubuhe buganisha abantu ku bwisanzure nyabwo?".

Yakomeje agira ati: "Nizera ko Imana irimo kutugerageza kandi idukangurira kureka gusenga kwishingikiriza ku butegetsi cyangwa umudendezo butanga. “Satani afite umugambi ariko Imana idufiteho gahunda nziza".

Ibitekerezo bye, Recrae yabitanze ku wa Gatatu, uwo munsi inyubako ya US Capitol muri Amerika yari yuzuyemo imyigaragambyo ikaze.

Yunzemo ati:"Ubwami bw’Imana buzagira Umwami uzategeka mu buryo bukiranuka. Ariko ubwami bwo ku isi bugiye gucika. Kandi ndatekereza ko abantu benshi bafatiwe mu bwami muri iki gihe. Mubyukuri ibi ntabwo bivuze ngo ntukajye muri politiki cyangwa gufata inshingano zo kuyobora abaturage. Ahubwo bivuze ko ugomba kugenzura neza niba aho ujya hose Ubwami bw’Imana buhagarariwe neza.

Abandi bayobozi b’Abakristu mu gihugu hose bagaragaje impungenge zabo ku ihohoterwa n’akaduruvayo byabereye ku nyubako ya Capitol, ndetse n’ikibazo gikomeye cyo gushira ibyiringiro byabo ku bayobozi ba politike bo muri Amerika.

Ku cyumweru, Rev Samuel Rodriguez, umujyanama wa Trump mu byo kwizera akaba na perezida w’inama y’ubuyobozi bukuru bw’abakristu bo muri Hisipaniya, yabwiye abitabiriye isakaramento ryabereye muri Californiya ko kwihana ari inzira yo gukiza igihugu cyabo.

Ati: "Tugomba twese kwihana, ndetse n’itorero rigomba kwihana. Igihugu cy’Amerika kizakira igihe itorero ry’Abanyamerika ryihannye".

Umujyanama wa Perezida Trump mu byo kwizera, Pastor Paula White-Cain yagize ati:" Amerika yacitsemo ibice cyane, ariko kandi ibyiringiro byanjye ntibyigera bigarukira mu muntu uwo ari we wese. Ibyiringiro byanjye biri muri Yesu Kristo".

Source: https://www1.cbn.com/

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?