Amateka yaranze intwari yo kwizera Francis(...)

Kwamamaza

agakiza

Amateka yaranze intwari yo kwizera Francis Schaeffer


Yanditswe na: Ubwanditsi     2021-05-18 02:23:29


Amateka yaranze intwari yo kwizera Francis Schaeffer

Francis Schaeffer umwe mu bantu bakomeye mu ntwari zo kwizera,umuhanga mu bya tewolojiya, filozofiya, umushumba n’umubwiriza. Yakoze ivugabutumwa rikomeye mugihe cye kandi yazanye imbaga y’abantu kuri kuri Kristo.

Schaeffer yavukiye muri Pennsylvania ho muri Leta Zunze ubumwe za Amerika mu 1912.Yari umwana w’ikinege ndetse ababyeyi be ntibari bafite ukwemera kwa Gikristo. Mu busore bwe yibajije ibibazo bikomeye bya filozofiya, nyuma aza kubona ibisubizo byabyo muri Bibiliya. Yakiriye Yesu nk’Umwami n’Umukiza w’ubugingo bwe afite imyaka cumi n’umunani. Amaze kwiga muri koreje y’ubugeni muri Virijiniya, yiyandikishije mu iseminari ishingiye ku bitekerezo bya tewolojiya kugira ngo yitoze kuba pasiteri. Mu 1935 yashakanye na Edith, umukobwa w’umumisiyoneri wo mu Bushinwa .Hudson Taylor yagombaga gushyigikira cyane Schaeffer mu muri minisiteri ye kandi babyaranye abana bane.

Mu myaka ye ya mbere nk’umushumba wo mu Itorero Peresibiteriyeni, Schaeffer yisanze yibanda ku kurengera Ubukristo yifashishije Bibiliya . Nyuma y’Intambara ya Kabiri y’Isi yose, Itorero rya Schaeffer ryamwohereje gukora ubushakashatsi ku miterere y’Ubukristo ku mugaane w’i Burayi. Yagarutse afite inkuru iteye ubwoba yerekana umubare w’amatorero yo mu Burayi yatandukiriye agatakaza icyizere cya Bibiliya nk’Ijambo ry’Imana.

Bidatinze, Schaeffer yumvise ko Imana yamuhamagariwe kuba umumisiyoneri mu Burayi maze mu 1948 we n’umuryango we bimukira mu Busuwisi aho batangiriye umurimo wibanda ku kurengera Ubukristo bakoresheje Bibiliya. Mu 1951, Schaeffer yaje kubona ko umuhamagaro we ari ukubwiriza ukuri ku bari hanze y’ubukristo aho kurwana intambara ya tewolojiya.

Bidatinze Schaeffer yashinze umuryango mu Busuwisi witwa “L’Abri” bisobanura ubuhungiro, abakiri bato bakomeje kwiyongera bashakisha uko bahinduka bagumanaga na Schaeffer aho Edith yabarebaga neza kandi Francis akabatega amatwi bakaganira ku buzima, filozofiya na tewolojiya. Imwe mu mbaraga za Schaeffer ni ubwaguke bwe budasanzwe kandi yamenyekanye cyane ku buryo yakoreshaga ubwenge bwa Bibiliya mu bintu byose.

L’Abri yarushijeho kumenyekana kandi mu myaka ya za 1960, iyo myaka icumi igihe ibintu byose byarimo urujijo, hakenewe igisobanuro nyakuri. Benshi bari bafite inzara yo gushaka igisobanuro kandi abakristo benshi babonye kwizera gukocamye gukosorwa kandi kwizera guke guhinduka kwizera guhamye kubera kumarana igihe na Schaeffer. Ku bantu benshi L’Abri yari ubuhungiro bw’umuyaga.

Mu 1978 Schaeffer yarwaye kanseri, apfa mu1984.

Francis Schaeffer yasize umurage ukomeye. Igikorwa cya L’Abri kirakomeje na bugingo n’ubu mu buryo butandukanye ku isi. Ibyinshi mu bitabo bya Schaeffer bikomeje gucapwa kandi ibyinshi muri byo biracyafite akamaro. Schaeffer kandi yagize uruhare rukomeye ku bantu benshi, harimo na bamwe mu bahanga mu bya siyansi, bamubona nk’umubyeyi wabo wo mu mwuka no mu bwenge.

Schaeffer yari umuntu ukwiye mugihe gikwiye, abikoranye ubushishozi yayoboye itorero ry’isi yose binyuze mu mpinduka z’umuco. N’ubwo abizera benshi bahuye n’ibibazo bitandukanye bigoye, ariko Francis yarabahumurije kandi arabasobanurira bamenya ukuri.

Ibintu bitatu by’ingenzi twakwigira kuri Francis Schaeffer:

Icya mbere, Francis yitaga ku isi. Mu bihe bigoye yashakaga ibisubizo by’ibibazo byugarije isi. N’ubwo yahuraga na byinshi bibangamiye ivugabutumwa ndetse ntibimworohere kugira uwo bahura ngo amubwirize ubutumwa bwiza. Iteka yahoraga aharanira gushyira mu bikorwa ibyo yize akabihuza n’ukuri kw’Ijambo ry’Imana.

Icya kabiri, Schaeffer yitaye ku kuri. Yakunze kuvuga ’ukuri nyako. Mu ivugabutumwa ryacu muri iyi minsi ukuri ni ingenzi kandi kurakenewe: Turasaba abantu kwakira ubutumwa bwiza atari ukubera ko bushobora kugira icyo buhindura ahubwo kuko ari ukuri.

Icya gatatu, Schaeffer yitaye ku bantu: We n’umugore we Edith baritanze bafungura imiryango y’inzu yabo kugira ngo isi ibungukireho byinshi kandi bakiranaga urugwiro abaje babagana. Mubyukuri nta mutima mubi bagiraga. Schaeffer yigishije ukuri no kugira umutima w’impuhwe.

Francis Schaeffer yitaye ku isi, yitaye ku kuri, si ibyo gusa ahubwo yitaga no ku bantu. Twebwe se turabikora?

Source: www.canonjjohn.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?