Amateka yaranze intwari yo kwizera C.S(...)

Kwamamaza

agakiza

Amateka yaranze intwari yo kwizera C.S Lewis


Yanditswe na: Ubwanditsi     2021-01-08 08:52:50


Amateka yaranze intwari yo kwizera C.S Lewis

Clive Staples Lewis yavukiye muri Irilande y’Amajyaruguru mu 1898, akurira mu nzu yuzuyemo ibitabo. Yoherejwe mu Bwongereza kwiga aho yavuye mu bukristo busanzwe bw’umuryango we kugira ngo abe umuhakanamana (atheist). Nyuma y’igihe gito Intambara ya Mbere y’Isi Yose irangiye, yize muri Kaminuza yitwa Oxford aho yagizwe Professor. Igihe cyaje kugera asobanukirwa Kristo maze ava mu buhakanyi aramuhamya.

Nk’umusore, Lewis wasangaga arushaho kutishimira ubuhakanama. Hamwe n’ibitekerezo bifatika bikungahaye no gusoma cyane, yasanze yifuza ikintu cyose cyamushimisha kuruta uko yabaho ubuzima butemera Imana. Mu biganiro byerekeye Imana yagiranaga n’inshuti nyinshi z’abakristo, harimo na J.R.R. Tolkien, byamwijeje buhoro buhoro ko idini ya gikristo rishobora kuba ukuri, maze mu 1929, Lewis yizera Imana, hanyuma yimuka mu myemerere ya mbere mu mezi make yemera Ubukristo kandi arabuhamya.

Lewis yirengagije umwuga we wamumenyekanishije n’icyubahiro cyo kwitwa Professor, Lewis yatangiye kurengera no guteza imbere kwizera kwe gushya. Icyavuye mu cyemezo cye cyo gukizwa ni ibitabo byinshi bitandukanye byanditswe neza, impaka nziza kandi zumvisha abantu ko Imana iriho.Intambara ya Kabiri y’Isi Yose yamuteye gukanguka no kwita kuri buri cyose kandi bituma abantu bamukurikira igihe yamenyekanaga cyane avugira kuri radiyo; ibiganiro bye ku kwizera kwa gikristo byasohowe kandi birakundwa cyane ndetse yasohoye igitabo kiramamara cyane kandi kiyobora abantu kuri Kristo.

Lewis yanditse ibindi bitabo byinshi ku nsanganyamatsiko yari azi ko zigora abantu:ibitangaza, umubabaro, amasengesho n’ibindi bibazo. Yanditse kandi ibihimbano bitandukanye, byose birimo kwizera kwe: The Screwtape Letters, the seven children’s books of The Chronicles of Narnia trilogy. Mubyukuri kwerura agahamya kwizera kwe kwa gikristo kwamuteye kwangwa na bagenzi be.

Imibereho ya Lewis muri kaminuza ya Oxford hafi ya yose yabagaho nk’igitsina gabo ariko, icyatunguye buri wese, mu myaka mirongo itanu yisanze mu rukundo rutarambye na Joy Davidman, umwanditsi w’umunyamerika. Barashyingiranwe ariko bamaranye imyaka ine mbere yuko apfa azize kanseri. Lewis ubwe yapfuye mu1963 ariko ibitabo bye bikomeje kugira uruhare rudasanzwe mu bukristo ndetse no hanze yabwo.

Ibitabo byinshi byanditswe kuri Lewis nk’umuhanga mu bya tewolojiya, umwanditsi ndetse akaba arengera ubukristu. Dore bimwe mu byo nkunda C.S. Lewis yavuze:

“Ntekereza ko niba Imana itubabariye tugomba kwibabarira ubwacu. Bitabaye ibyo, ni nko kwishyira mu rukiko rwisumbuye kuri Yo”.

“Dukurikije uko satani abibona: ’Umuhanda ujya ikuzimu uratekanye kandi bawugendamo gahoro gahoro nta guhindukira kandi nta byapa biwubaho”.

“Nizera Ubukristo nk’uko nizera ko izuba ryarashe: atari ukubera ko mbona gusa, ahubwo ni ukubera ko kubwaryo mbona ibindi byose”.

Mubyukuri icyo dushimira cyane Lewis ni uburyo buhebuje yamenyesheje abantu ukuri kwa gikristo n’uburyo yashoboye guhuriza hamwe ibyiza byinshi:

1. Lewis yavuganaga na bose mu buryo bweruye kandi butazimije.Yari afite impano yo gufata ibitekerezo byimbitse kandi bigoye bya tewolojiya kandi agakoresha interuro zitazibagirana hamwe n’ibishushanyo bifatika,yakorshaga ukuri abantu bose bashoboraga kumva. Mu bumenyi bwe budasanzwe n’ubwenge bwimbitse, Lewis yashoboraga kuvugana nabasomyi be byoroshye, nyamara kandi yari afite ubushobozi no kwicisha bugufi ndetse akababa hafi.

2. Lewis yaganiraga akorsheje ibitekerezo n’ubwenge. Inzira bwite ya Lewis yo kwizera yari yatangiranye n’ibitekerezo bye. Ntabwo yigeze yibagirwa kuko no mubikorwa bye cyane dusanga akoresha imvugo itangaje n’amashusho ashimishije. Uku kwiyambaza ibitekerezo birakomeye cyane mu bihimbano bye.

3. Lewis yari umuntu uvuganira Ubukristo ashize amanga kwizera kwa gikristo imbere y’abatemera Imana. Nyamara ibirenze ibyo, yanze gukururwa n’isi ahubwo akoresha ubweng e bwe n’umutimanama agamije kuzana abantu benshi kuri Kristo kandi yabigezeho.

Lewis avugana ashize amanga n’abari ku ruhande rwo kwizera. Nyamara kandi avugana natwe abizera ba Kristo dukeneye inkunga ye kugira ngo turusheho kuyoboka. C.S. Lewis ni ntwari y’ukuri idasanzwe yo kwizera.

Source:www.canonjjohn.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?