Akira umucyo w’Umwuka

Kwamamaza

agakiza

Akira umucyo w’Umwuka


Yanditswe na: Ubwanditsi     2021-05-06 04:03:57


Akira umucyo w’Umwuka

Guhishurirwa amagambo yawe kuzana umucyo, guha abaswa ubwenge (Zaburi 119:130).

Wari waba mu mwijima wawundi ukabije kuburyo nta kintu na kimwe ubona? Icyo gihe ugenda ushakisha aho wanyura kandi ukitonda ngo utagira ibyo uhitana kuko uba utabona. Igihe amatara yakijwe urishima kandi ukanatangara kuko uhita ubona aho ibintu byose biri. Iki ni ikigereranyo cy’icyo ijambo ry’Imana ridukorera, rizana umucyo mu buzima bwacu!

Kimwe na cya cyumba, ubuzima bw’abantu benshi bukeneye gucanwamo itara. Benshi ntibazi gahunda y’urukundo Imana idufitiye n’ibyo yadukoreye muri Kristo Yesu. Ibi biravugwa neza mu Befeso 1:18 “Ngo amaso y’imitima yanyu abone uko ahweza mumenye ibyo mwiringizwa n’iyabahamagaye, mumenye n’ubutunzi bw’ubwiza bw’ibyo azaraga abera…” Bivuga ko amaso yawe yo gusobanukirwa agomba kuzura umucyo nk’aho haba hari imirasire myinshi itunzwe mu mutima wawe. Ibi nibiba uzatangira umenye ibintu by’igitangaza Imana yaguteguriye muri Kristo Yesu.

Kuzura umucyo biba bite? Biba binyuze mu ijambo ry’Imana! Iyo ijambo ryinjiye mu mutima wawe rikawufata, umucyo urinjira. Ibuka amagambo ya Yesu, yaravuze ati: “Ni njye mucyo w’isi. Unkurikira ntazagenda mu mwijima na hato, ahubwo azaba afite umucyo w’ubugingo”.Yohana 8:12.

Niwomatana n’Ijambo ntuzigera uba mu gihirahiro, mu burwayi, mu bukene cyangwa se gutsindwa kuko ufite umucyo w’ubuzima.

Uburyo bwiza bwo gutangira ni ugutangira wisengera isengesho ryo mu Abefeso 1:17-19 buri munsi .Uko wiga ujye usenga muri ubwo buryo maze urebe impinduka zitangaje zizaba mu buzima bwawe.

Isengesho:

Data mwiza, ndasenga ngo umpe umwuka w’ubwenge no guhishurirwa mu kukumenya, ngo amaso y’umutima wanjye abone uko ahweza menye ibyo niringizwa no guhamagarwa kwanjye, menye n’ubutunzi bw’ubwiza bw’ibyo uzaraga abera, mu izina rya Yesu. Amen!

Source: Inkomoko: “Urusobe rw’Ibiriho ” Igitabo cyanditswe na Chris &Anita Oyakhilome

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?