"Abaye ari bwo bwanyuma ugiye kubona Esther,(...)

Kwamamaza

agakiza

"Abaye ari bwo bwanyuma ugiye kubona Esther, uzabigenza ute?" Ubuhamya bw’umuramyi Willy wapfushije umugore we


Yanditswe na: Ubwanditsi     2021-01-11 07:07:35


Ku bakoze ubukwe cyangwa bigeze kubutaha, iyo bigeze mu muhango wogusezerana imbere y’Imana hari indahiro abagiye gushyingiranwa barahira. Muri iyo ndahiro harimo interuro bavuga bagira bati"...Tuzabana akaramata kugeza ubwo tuzatandukanywa n’urupfu, cyangwa Yesu agarutse...".

Gutandukana na Esther bitewe n’urupfu nibyo byabaye ku muhanzi w’indirimbo zihimbaza Imana Willy Makuza Gakunzi, kuko Yesu we atari yagaruka.

Mu buhamya bw’uyu mugabo ubona ko ashikamye, kandi akaba umuntu ukunze kurangwa n’ibyishimo muramenya uko umugorewe yitabye Imana bitunguranye, ariko Willy avuga ko Imana yari yarabanje kumutegura. Yatangiye agira ati"

Hari ibintu ducamo bigasaba ko ubibamo kugira ngo ubisobanukirwe neza. Muri 2018 yari itariki ya 8 y’ukwa 11, uwo twari twarashakanye Esther yitabye Imana mu buryo butunguranye. Yagiye ku kazi mu gitondo turangije gusenga, njyewe nakoreraga mu rugo ari mu kazi saa sita turavugana, nyuma yaho dukomeza no kwandikirana. Nko mu masaa kumi zibura iminota 7 nibwo bampamagaye bambwira ko yagize ikibazo, ambiranse imujyanye mu bitaro ko naza nihuta tugahurira yo.

Ubwo nahise ndangiza akazi nanjye mfata abana mbazana mu rugo, ubwo njya ku bitaro. Hari ibintu bibiri byambayeho ubwo nari mu nzira njya mu bitaro, numvise nk’umuntu anganiriza mu mutima wanjye ambaza ibibazo bibiri ati” Ese bishyitse akaba ari bwo bwanyuma ugiye kubona Esither, uzifata ute, uzavuga ute, uzabigenza ute, uzaba muntu ki?. Ugomba gukomera, utangire uvuge ngo ‘Birashoboka ko ataba akiriho!’ noneho uzabaho ute, uzamera ute?.

Ikindi numvise mu mutima, narabajijwe nti” Ese urugendo mwagiranye mumaze imyaka 9 mubana[Ariko twamaze imyaka 5 dukundana] nukuvuga ko imyaka yose twari tumaze ari 14. Ati’ Mwari mufitanye ibintu byinshi mwakoraga harimo indirimbo, harimo gufasha abantu, ibyo bintu biragenda bijyane nawe cyangwa uzabona imbaraga zokubikora?”.

Nkiri mu nzira ntaragera ku bitaro umutima uremera ngo‘ Bishyitse akaba aribwo bwanyuma mubonye, ngomba guhagarara nkaba umugabo nkaba aho atari mukurera abana no kubaho. Ikindi niyemeza ko ikintu cyose twari twarasezeranye ko tuzakora cyaba icyari kinturutseho, cyaba icyo yari yaravuze cyangwa icyo twahuriyeho nzagishyira ku mugaragaro.

Harimo gushyiraho umuryango( Faundation) izakora ibikorwa ubu ikora biromo gushyigikira abantu tukabazamura dukoresheje ibyo Imana yaduhaye, harimo no gushyira hanze indirimbo zose nari naranditse n’izo yari yaranditse ndetse n’izo twandikiye hamwe, harimo no gukora ibikorwa byo kugira neza. Mbihitamo uwo munsi ndimo kujya ku bitaro, ngira ngo Imana yarimo integura niko njye mbifata.

Ngeze ku bitaro bigenda uko byagenze tujya muri iyo mihango, nyuma yaho navuye inahangaha tuvuye gushyingura mpita ntangira ibyo bikorwa.

Bibiri nyakwigendera Estheri yasize abwiye umugabo we Willy, asa n’umucira amarenga ko batazakomezanya urugendo rw’ubuzima n’ibikorwa by’ivugabutumwa.

Indirimbo y’uyu muramyi yitwa ‘Izina ryawe’ yanditswe n’umugore we mbere yuko yitaba Imana, wari umwe mu mishinga yamusigiye dore ko yari yaranamubwiye ko izo ndirimbo azizikorana n’abandi ariko we atarimo, ibintu umugabo we atakururaga neza ngo abishyikire.

Willy abisobanura muri aya magambo ati” ‘Izina ryawe’ iri muri zimwe yanditse, ‘Uhoraho’ twayandikiye hamwe, hari iyindi yitwa ‘Mu mababa yawe’ ni njye wayanditse. Mbere twashakaga kuzisohora arambwira ngo ’Yasenze yumva umutima umubwira ko atari cyo gihe’. Ndamwinginga nti “ Kubera iki tutakora indirimbo, tuzazikora twarashaje?”, arambwira ngo ‘Hoya, zizakorwa ariko si cyo gihe’.

Tugeze muri Canada mu rusengero dusengeramo twarahageze tuba abakristo basanzwe turimo kwiga uko bigenda, tumazemo nk’umwaka cyangwa urenga nifuza kujya mu itsinda ryo kuramya no guhimbaza muri urwo rusengero,( Ni urusengero runini cyane!). Turabisengera arongera arambwira ngo ’Igihe kiragezo ko njya muri iyo Worship team’, twari twicaye mu rugo hari nimugoroba.

Ndamubaza nti’ Kubera iki unsunikira kugenda kandi turirimba twembi, kubera iki tutagenda twembi?’ ndamubwira nti ’Hoya wowe uzagende utangire, ubwo nanjye nzakurikizaho’. Mbere y’ukwezi ataha, hari mu kwa cumi yambwiye ibintu 2:

Arambwira ngo’ Ruriya rusengero usengeramo niho harimo umurimo wawe. Icya kabiri’ Uzasenge cyane mubyo uzakora, izi ndirimbo uzazisohora ufatikanyije n’abo musengana, n’abo muririmbana’.

Birankanga!, ndamubwira nti” Ese ko umbwira ibintu ubyikuramo kandi dufatikanyije ibintu byose, arambwira ngo ‘No! niko mbyumva uzabisengere cyane kandi niho project uzatangira uzayikorera’. Numva ambwiye ibintu bitansobanukiye, naje kubisobanukirwa nyuma amaze kugenda, donc ni nk’aho yari arimo anteguza ambwira ko ibikorwa nzakora atazaba abirimo.

Nibaza ko ari nacyo gituma bya bintu bibiri numvise byasaga nibyemeza ko urugendo ngiye kurutangira, ibikorwa twari dufite ngiye kubishyira ahagaragara ariko we ntazaba akiriho.

Umuramyi Willy wanashinze Faundation yitwa HOW (Heart Of Worship in action foundation) , ifasha abantu mu buryo butandukanye yavuze uko yakize igikomere cyo kubura umugore we akomeza n’abandi bari mu bibazo cyane bisa nibyo yanyuzemo ati”

Byarangoye kwemera ko atariho, byarangoye pe!, byarangoye cyane!!. Hari ibintu burya bishikira umuntu ariko bisa naho byari biteguye. Hari umuntu wigeze kudusura umunsi umwe areba ukuntu tubanye, twicaranye na madame arambaza ngo” Nkubu Esther yapfa wabaho koko?!”, ‘Ndavuga nti ariko icyo kibazo ukimbarije iki?’.

Hari n’igihe byigeze kugera nkajya nikanga nkibaza,” Ese Esiteri yapfa byagenda gute?”. Mbere yukwezi cyangwa amezi abiri yitaba Imana, umwana wacu muto yari afite imyaka 2. Nyina yajyaga kukazi akarira ngo aramushaka, ariko yashaka kumufata akarira akampungiraho. Yajya kuryama akarira ngo nimujyane yagera mu gitanda akanga ngo arashaka ko papa ari we umusinziriza.

Umunsi umwe ndamubwira nti” Ibi bintu uyu mwana akora hari ukuntu binkangura. Ariko njyewe niyumvisha ko ari njyewe ushobora kuzabasiga, bintera ubwoba nkanamubwira nti’ Nsigaye ntekereza nkumva ibintu bitameze neza!’, ariko byaje kugera Madamu arataha.

Nyuma ibintu byanteye ubwoba ni ukubyakira, ikindi ubu nitondera buri munsi kuvuga nti” Ese bishyitse simbe nkiriho nasiga iki, ese nakoze ibyo nagombaga gukora byose”. Arizo mpamvu nkora cyane haba mu bijyanye na Faundation cyangwa music, nshaka kugira ngo ibindimo bimvemo byose. Ibintu 2 bintera ubwoba ni ukuzapfa ntarangije ibyo nagombaga gukora ikindi ni ukutaba umubyeyi mwiza ku bana banjye”.

Yakomeje abari mu bibazo agira ati” Mu bihe bigoye emera uce muri ya ma Etape yo kubabara, ukavuga n’umubabaro wawe ukawumva ariko unamenye ko ibyo bizagera igihe bikavaho. Iyo uri mu bihe byiza nabyo ni ngombwa ko ukora cyane uteganya ko ejo ibihe bibi bishobora kugushikira”.

Reba hano ubumamya bwa Willy Makuza Gakunzi

Reba hano indirimbo ’KOMBO NA YO’ ya Willy yakomotse kuy’ikinyarwanda yasize ihimbwe n’umugore we yitwa ’IZINZ RYE’

Umva hano ’IZINA RYAWE’ yanditswe na Esther ataritaba IMANA

Source: Isimbi Tv

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?